ЁВА 12:10 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁰ У Яго руцэ — душа кожнай жывой істоты і дух усяго цела чалавечага.

Біблія (пераклад А.Бокуна)

¹⁰ У руцэ Ягонай душа ўсяго жывога, і дух усякага цела чалавечага Ён трымае.

Біблія (пераклад В. Сёмухі)

¹⁰ У Ягонай руцэ душа ўсяго жывога і дух усякі чалавечай плоці.

ЁВА 12:10 Крыжаваныя спасылкі

БЫЦЦЁ 2:7

Тады стварыў Госпад Бог чалавека з пылу зямлі і ўдыхнуў у ноздры яго подых жыцця, і чалавек стаўся жывою душою.

БЫЦЦЁ 6:17

Вось, Я навяду на зямлю патоп, каб знішчыць кожнае цела, у якім ёсць дух жыцця пад небам; усё, што існуе на зямлі, — прападзе.

ЁВА 27:3

бо, пакуль яшчэ трывае дыханне ўва мне і [пакуль] Дух Божы — у ноздрах маіх,

ЁВА 27:8

Якая ж надзея бязбожніка, калі сцінае, калі забірае Бог душу яго?

ЁВА 33:4

Дух Божы ўчыніў мяне, і подых Усемагутнага ажывіў мяне.

ПСАЛТЫР 104:29

Калі ж Ты адвернеш аблічча Тваё, яны ўстрывожацца; адымеш дыханне ў іх, і яны загінуць, і абернуцца ў парахно сваё.

ПСАЛТЫР 104:30

Калі пашлеш Духа Твайго — творацца, і аднаўляеш Ты выгляд зямлі.

ЭКЛЕЗІЯСТА 9:1

Усё гэта сабраў я ў сэрцы маім, каб дэталёва асэнсаваць, што справядлівыя і мудрыя і іх учынкі — у руцэ Божай. Што любоў, а што нянавісць, — чалавек зусім не ведае: усё — перад ім.

ІСАІ 42:5

Вось што кажа Госпад Бог, Які стварыў нябёсы і распасцёр іх, умацаваў зямлю і тое, што вырастае з яе, даў подых [жыцця] людзям, якія жывуць на ёй, і дух тым, якія ходзяць па ёй:

ІСАІ 57:16

Бо не буду вечна спрэчку весці і аж да канца гневацца, бо дух знікаў бы з-прад аблічча Майго істот жывых, якіх Я стварыў.

ДАНІІЛА 5:23

але падняўся ты супраць Госпада Неба, і прынесены былі да цябе пасудзіны Яго дома, і ты, і твае магнаты, і твае жонкі ды твае наложніцы пілі з іх віно; усхваліў ты таксама багоў срэбраных і залатых, і медных, жалезных, і драўляных, і каменных, якія ані бачаць, ані чуюць, ані разумеюць; Бога ж, Які валодае ў руцэ Сваёй тваім дыханнем і ўсімі дарогамі тваімі, — не ўшанаваў.

ЛІКІ 16:22

Яны тады ўпалі на твар і сказалі: «Божа, Божа, ад Якога залежыць жыццё ўсяго жывога, ці Сваім гневам хочаш усіх ахапіць, калі хто адзін зграшыў?»

ЯНА 3:6

Тое, што нарадзілася з цела, ёсць цела, а што нарадзілася з Духа, ёсць дух.

ДЗЕІ 17:25

ды не патрабуе паслугі рук чалавечых, як быццам Яму чаго нестае, бо Ён Сам дае ўсім жыццё, і дыханне, і ўсё.

ДЗЕІ 17:28

Бо мы ў Ім жывём, рухаемся ды існуем, як сказалі некаторыя з вашых паэтаў: “Мы ж ёсць і род Яго”.