ЁВА 11:6 - Кнігі Святога Пісання - Біблія - Біблія — пераклад Чарняўскага (выданне 2017 года)

⁶ каб паказаў Ён табе таямніцы мудрасці і патаемныя рады Яго, — ты б зразумеў, што многа менш Ён патрабуе ад цябе, чым заслугоўвае правіннасць твая.

Біблія (пераклад А.Бокуна)

⁶ і адкрыў табе таямніцы мудрасьці, што вышэй за ўсякае разуменьне! І ты даведаешся, што Бог забыўся пра беззаконьні твае.

Біблія (пераклад В. Сёмухі)

⁶ і адкрыў табе таямніцы мудрасьці, што табе ўдвая больш належала перацерпець! Дык вось ведай, што Бог дзеля цябе некаторыя з тваіх беззаконьняў аддаў забыцьцю.

ЁВА 11:6 Крыжаваныя спасылкі

ЭЗДРЫ 9:13

І па ўсім гэтым, што прыйшло на нас дзеля найгоршых нашых учынкаў і дзеля злачынства нашага вялікага, бо Ты, Божа наш, не асудзіў нас паводле правіннасцей нашых, і даў нам збаўленне, як маем сёння,

ПЛАЧ 3:22

Ласка Госпада, што мы не папрападалі, бо не спынілася Яго літасцівасць.

ЭФЭСЯНАЎ 3:5

Не была яна абвешчана сынам чалавечым у іншых пакаленнях, як цяпер аб’яўлена святым Апосталам Яго і прарокам у Духу,

МАЦЬВЕЯ 13:35

каб споўнілася тое, што было сказана прарокам, які казаў: «Адкрыю вусны Мае ў прыпавесцях, выказваць буду тое, што было скрыта ад стварэння свету».

ДАНІІЛА 2:28

але ёсць Бог у небе, Які адкрывае таямніцы, і Ён выяўляе цару Набукаданосару, што станецца ў апошнія дні. Твой сон і бачанні галавы тваёй, якія ты меў на сваім ложку, ёсць наступныя:

ЁВА 15:8

Ці ты раіўся з Богам і ўзяў сабе мудрасць?

ДАНІІЛА 2:47

Такім чынам, звярнуўся цар да Даніэля і сказаў: «Ваш Бог ёсць сапраўды Бог багоў і Валадар цароў, Які выяўляе таямніцы, бо змог ты выявіць гэту таямніцу».

ПСАЛТЫР 25:14

САМЭК. Спагадае Госпад тым, што баяцца Яго, каб адкрыць ім Свой запавет.

ЁВА 15:11

Ці табе мала Божых суцяшэнняў і лагоднага слова, учыненага з табою?

ЁВА 15:5

Твая сапсаванасць вучыць твае вусны, і ты карыстаешся мовай хітруноў.

ЁВА 9:4

Ён мудры сэрцам і магутны сілаю; хто супрацівіўся Яму і застаўся цэлым?

ДРУГІ ЗАКОН 29:29

Скрытае належыць Госпаду, Богу нашаму, а адкрытае — нам і сынам нашым аж навек, каб спаўнялі мы ўсе словы гэтага закону.

ПСАЛТЫР 103:10

Не адгаджае нам паводле грахоў нашых і не помсціць нам за правіннасці нашыя.

ЁВА 28:28

І сказаў Ён чалавеку: “Вось, страх Госпадаў — гэта і ёсць мудрасць; а пазбягаць зла — гэта розум”».

ЁВА 11:5

Няхай бы Сам Бог пагаварыў з табою і адкрыў вусны Свае для цябе;

ЁВА 12:13

У Яго ёсць мудрасць і сіла, Ён мае раду і разуменне.

ЁВА 22:5

Ды ці ж не праз ліхадзейнасць тваю шматлікую і бясконцую несправядлівасць тваю?

ЁВА 33:12

Вось, ты ў гэтым несправядлівы, адкажу табе, бо Бог большы за чалавека.