3 ЦАРСТВАЎ 4:24 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁴ Ён бо валодаў усім абшарам на той бок ракі, ад Тапсы да Газы, і ўсімі царамі тых земляў; і меў ён супакой на ўсіх межах сваіх наўкола.

Біблія (пераклад А.Бокуна)

²⁴ Ён панаваў над усім абшарам на гэты бок ракі [Эўфрат], ад Тыфсаху да Газы, і над усімі валадарамі абшараў на гэты бок ракі. І меў ён супакой на ўсіх межах сваіх наўкола.

Біблія (пераклад В. Сёмухі)

²⁴ бо ён валадарыў над усёю зямлёю па гэты бок ракі, ад Тыпсаха да Газы, над усімі царамі па гэты бок ракі, і быў у яго мір з усімі навакольнымі краінамі.

3 ЦАРСТВАЎ 4:24 Крыжаваныя спасылкі

1 ЛЕТАПІСАЎ 22:9

Сын, які народзіцца ў цябе, будзе вельмі спакойным чалавекам; дам бо яму супакой ад усіх яго ворагаў навокал, і таму Саламонам будзе названы, і дам Ізраэлю ва ўсе дні яго мір і супакой.

ПСАЛТЫР 72:11

І паклоняцца яму ўсе цары, і ўсе народы служыць яму будуць.

БЫЦЦЁ 10:19

І былі межы хананеяў, калі ісці ад Сідона ў напрамку Герара аж да Газы, пакуль не дойдзеш да Садома і Гаморы, і да Адамы і Себаіма, аж да Лесы.

ЛУКАША 2:14

«Слава на вышынях Богу, і на зямлі супакой, людзям – добрая воля!»

ІСАІ 9:7

Вялікае будзе Яго валадаранне, і не будзе канца супакою на пасадзе Давіда, і над Яго царствам, каб Ён умацаваў яго і ўгрунтаваў на законе і справядлівасці адгэтуль і навечна: руплівае апекаванне Госпада Магуццяў учыніць гэта.

ПСАЛТЫР 72:3

Хай горы прынясуць мір для народа, а ўзгоркі — справядлівасць.

3 ЦАРСТВАЎ 5:4

Цяпер жа Госпад, Бог мой, даў мне супакой з усіх бакоў; няма супраціўніка і няма нападзення ліхога.

3 ЦАРСТВАЎ 4:21

А Саламон валодаў усім царствам ад Ракі аж да зямлі філістынцаў і аж да мяжы Егіпта; яны прыносілі яму дары і служылі яму ва ўсе дні яго жыцця.

СУДЗЬДЗЯЎ 16:1

Пайшоў Самсон у Газу, і ўбачыў там распусніцу, і ўвайшоў да яе.

СУДЗЬДЗЯЎ 1:18

Юда ўзяў таксама Газу і яе ваколіцы, Аскалон і Акарон з ваколіцамі іх.

3 ЦАРСТВАЎ 4:23

дзесяць кормных валоў і дваццаць валоў з пашы, і сто авечак, за выключэннем палявання на аленяў, сарнаў, і антылопаў, і кормных птушак.

2 ЛЕТАПІСАЎ 9:26

Справіў ён таксама ўладу над усімі царамі ад ракі Эўфрат аж да зямлі філістынцаў і аж да межаў Егіпта;

ЕРАМІІ 47:1

Вось якое было слова Госпада Ярэміі прароку супраць філістынцаў, перш чым фараон здабыў Газу.