3 ЦАРСТВАЎ 2:35 - Кнігі Святога Пісання - Біблія - Біблія — пераклад Чарняўскага (выданне 2017 года)

³⁵ І паставіў цар Банаю, сына Ёяды, кіраўніком над войскам замест яго, і Садока, святара, паставіў на месца Абіятара.

Біблія (пераклад А.Бокуна)

³⁵ І паставіў валадар Бэнаю, сына Егаяды, начальнікам над войскам замест яго, а Цадока сьвятара паставіў валадар на месца Абіятара.

Біблія (пераклад В. Сёмухі)

³⁵ І паставіў цар Саламон Ванэю, сына Ёдаевага, замест яго над войскам; а Садока сьвятара паставіў цар замест Авіятара.

3 ЦАРСТВАЎ 2:35 Крыжаваныя спасылкі

3 ЦАРСТВАЎ 1:26

А мяне, твайго паслугача, і святара Садока, і Банаю, сына Ёяды, і Саламона, паслугача твайго, ён не запрасіў.

3 ЦАРСТВАЎ 1:33

сказаў ён ім: «Вазьміце з сабою паслугачоў гаспадара вашага і пасадзіце Саламона, сына майго, на мула майго, і вядзіце яго ў Гіхон,

3 ЦАРСТВАЎ 1:38

І пайшоў Садок, святар, і Натан, прарок, і Баная, сын Ёяды, і херэты, і фелеты, і пасадзілі Саламона на мула цара Давіда і прывязлі яго ў Гіхон.

3 ЦАРСТВАЎ 2:27

І выгнаў Саламон Абіятара, каб не быў ён святаром Госпадавым, так што споўнілася слова Госпадава, якое Ён сказаў аб доме Гэлі ў Сіло.

3 ЦАРСТВАЎ 4:4

А Баная, сын Ёяды, быў кіраўніком войска, а Садок і Абіятар — святарамі.

1 ЛЕТАПІСАЎ 15:11

І паклікаў Давід святароў: Садока і Абіятара, і левітаў: Урыэля, Асаю, Ёэля, Сямэю, Эліэля і Амінадаба,

1 ЛЕТАПІСАЎ 24:3

І падзяліў іх Давід: сыноў Элеязэра — з Садокам і сыноў Ітамара — з Ахімелехам адпаведна іх чарзе і службе.

1 ЛЕТАПІСАЎ 27:5

А ў трэцім месяцы кіраўніком трэцяй дружыны быў Баная, сын Ёяды святара, і ў сваім падраздзяленні меў дваццаць чатыры тысячы;

1 ЛЕТАПІСАЎ 29:22

Ды елі і пілі перад Госпадам у той дзень з вялікаю радасцю; і ў другі раз абвясцілі царом Саламона, сына Давіда, дый намасцілі яго ў імя Госпада валадаром, і Садока — першасвятаром.

ЭЗДРЫ 7:2

сына Сэлума, сына Садока, сына Ахітуба,

ЁВА 34:24

Ён сатрэ магутных без даследавання і замест іх паставіць іншых.

ПСАЛТЫР 109:8

Хай дні яго будуць нямногія, і пасаду яго атрымае хто іншы.

ЕЗЭКІІЛЯ 40:46

А пакой, які накіраваны на поўнач, будзе прызначаны для святароў, якія будуць спаўняць службу пры ахвярніку: гэта сыны Садока, якія з сыноў Левія маюць права набліжацца да Госпада, каб Яму служыць».

ЕЗЭКІІЛЯ 43:19

дасі святарам левітам з роду Садока, якія маюць права набліжацца да Мяне, — кажа Госпад Бог, — каб служыць Мне, маладое цяля як ахвяру за грэх.

ДЗЕІ 1:20

Бо ў Кнізе псальмаў напісана: “Хай яго панадворак будзе пустым, ды хай ніхто на ім не жыве”, і: “Хай служэнне яго атрымае хто іншы”.

1 ЦАРСТВАЎ 2:35

І я пастаўлю Сабе святара вернага, які па волі сэрца Майго і па волі душы Маёй будзе рабіць; і пастаўлю яму дом цвёрды, і ён будзе хадзіць перад Памазанцам Маім усе дні.