2 ЦАРСТВАЎ 7:9 - Кнігі Святога Пісання - Біблія - Біблія — пераклад Чарняўскага (выданне 2017 года)

⁹ і Я быў усюды з табою, дзе ты хадзіў, і Я забіваў усіх ворагаў тваіх перад абліччам тваім; і ўславіў імя тваё, як аднаго з вялікіх, што жывуць на зямлі.

Біблія (пераклад А.Бокуна)

⁹ І Я быў усюды з табою, дзе ты хадзіў, і Я выгубіў усіх ворагаў тваіх перад абліччам тваім, і зрабіў вялікім імя тваё як імя аднаго з вялікіх на зямлі.

Біблія (пераклад В. Сёмухі)

⁹ і быў з табою ўсюды, куды ні хадзіў ты, і зьнішчыў усіх ворагаў тваіх перад абліччам тваім, і зрабіў імя тваё вялікім, як імя вялікіх на зямлі.

2 ЦАРСТВАЎ 7:9 Крыжаваныя спасылкі

БЫЦЦЁ 12:2

І Я зраблю з цябе вялікі народ, і буду цябе дабраслаўляць, і ўзвялічу імя тваё, і ты будзеш дабраславеннем.

2 ЦАРСТВАЎ 22:1

І заспяваў Давід словы гэтае песні Госпаду ў дзень, калі вызваліў яго Госпад з рук усіх ворагаў яго і з рукі Саўла,

2 ЦАРСТВАЎ 22:30

З Табою я пайду ў наступ на варожыя войскі і з Богам маім пераскочу праз мур.

2 ЦАРСТВАЎ 22:43

Я расцярушыў іх, як пыл зямлі, як гразь вуліц таптаў я іх.

2 ЦАРСТВАЎ 23:1

А гэта апошнія словы Давіда: «Сказаў Давід, сын Ясэя, сказаў чалавек, высока пастаўлены, намашчэнец Бога Якубава, прыемны спявак псальмаў Ізраэля:

2 ЦАРСТВАЎ 5:10

І Давід станавіўся штораз магутнейшы, бо Госпад, Бог Магуццяў, быў з ім.

2 ЦАРСТВАЎ 8:13

Таксама праславіў Давід імя сваё, калі, вяртаючыся, пабіў эдомцаў у Саляным лагу, забіўшы васемнаццаць тысяч чалавек.

2 ЦАРСТВАЎ 8:14

І паставіў ён у Эдоме гарнізоны, і ўвесь Эдом стаў нявольнікам Давіда. І Госпад дапамагаў Давіду ва ўсім, што ён рабіў.

2 ЦАРСТВАЎ 8:6

і паставіў Давід гарнізоны ў Араме Дамаска; і Арам быў падпарадкаваны Давіду і прыносіў яму даніну. І Госпад дапамагаў Давіду ва ўсім, што ён рабіў.

1 ЛЕТАПІСАЎ 17:8

ды быў Я з табой, дзе толькі ты ні хадзіў, і вынішчыў Я ўсіх непрыяцеляў тваіх дзеля цябе, праславіў імя тваё, як аднаго з вялікіх людзей, якія славяцца на зямлі.

ПСАЛТЫР 21:6

Вялікая хвала яго ва ўспамозе Тваёй, велічы і гожасці дадасі Ты яму;

ПСАЛТЫР 89:23

Нічога не дасягне на ім непрыяцель, і сын несправядлівасці не прыцісне яго.

ЛУКАША 1:52

спіхнуў моцных з пасадаў і ўзвысіў пакорлівых;

1 ЦАРСТВАЎ 18:14

Таксама на ўсіх шляхах сваіх дзейнічаў Давід паспяхова, і Госпад быў з ім.

1 ЦАРСТВАЎ 18:30

А кіраўнікі філістынцаў выходзілі ваяваць; але колькі разоў нападалі яны, Давід з поспехам перамагаў іх лепш, чым усе паслугачы Саўла, і вельмі слаўным сталася імя яго.

1 ЦАРСТВАЎ 2:8

Ён выцягвае беднага з гною і са смецця падымае няшчаснага, каб пасадзіць яго з князямі і каб атрымаў ён у спадчыну пасад славы. Бо Госпадавы — асновы зямлі, на іх Ён паставіў зямлю.

1 ЦАРСТВАЎ 31:6

Дык у той дзень загінулі разам Саўл і тры яго сыны, і збраяносец яго, і ўсе людзі яго.

1 ЦАРСТВАЎ 5:10

Дык адаслалі яны каўчэг Божы ў Акарон. І, калі прыбыў каўчэг Божы ў Акарон, паднялі крык акаронцы, кажучы: «Яны прынеслі да нас каўчэг Божы Ізраэля, каб выгубіць нас і народ наш!»