2 ЦАРСТВАЎ 12:20 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁰ Тады падняўся Давід з зямлі, і памыўся, і намасціўся, і, калі змяніў адзенне, увайшоў у дом Госпада і пакланіўся, і пасля вярнуўся у дом свой, і запатрабаваў, каб далі яму хлеб, і еў.

Біблія (пераклад А.Бокуна)

²⁰ І падняўся Давід з зямлі, і памыўся, і намасьціўся, і зьмя­ніў адзеньне сваё, і ўвайшоў у Дом ГОСПАДА, і пакланіўся. І вярнуўся ў дом свой, і папрасіў, каб далі яму хлеб, і еў.

Біблія (пераклад В. Сёмухі)

²⁰ Тады Давід устаў зь зямлі і ўмыўся, і памазаўся, і памяняў вопратку сваю, і пайшоў у дом Гасподні, і маліўся. Вярнуўшыся дамоў, запатрабаваў, каб падалі яму хлеба, і ён еў.

2 ЦАРСТВАЎ 12:20 Крыжаваныя спасылкі

2 ЦАРСТВАЎ 12:19

Калі, аднак, Давід убачыў паслугачоў сваіх, якія шапталіся, ён зразумеў, што дзіця памерла, і спытаўся ў паслугачоў сваіх: «Ці дзіця памерла?» Тыя яму адказалі: «Памерла».

2 ЦАРСТВАЎ 12:21

І сказалі яму паслугачы яго: «Што ты робіш? Пакуль яшчэ дзіця жыло, дзеля дзіцяці пасціў ты і плакаў; а калі дзіця памерла, ты ўстаў і еў хлеб».

2 ЦАРСТВАЎ 14:2

паслаў у Тэкуа, і прывёў адтуль разумную жанчыну, і сказаў ёй: «Прыкінься, што ты ў жалобе, і апраніся ў жалобнае адзенне, і не намашчайся алеем, каб быць, як жанчына, якая ўжо вельмі доўга смуткуе па памерлым.

2 ЦАРСТВАЎ 19:24

І Мэрыбаал, сын Саўла, таксама выйшаў насустрач цару; не мыў ён ног, і не стрыг пазногцяў, і не стрыг барады, і не мыў адзення свайго з таго дня, у які цар выехаў, аж да дня вяртання яго.

2 ЦАРСТВАЎ 6:17

І прынеслі каўчэг Госпада, і паставілі яго на месцы яго, у сярэдзіне палаткі, якую паставіў для яго Давід; і склаў Давід перад Госпадам ахвяры цэласпалення і ахвяры прымірэння.

2 ЦАРСТВАЎ 7:18

А цар Давід пайшоў і сеў перад абліччам Госпада, і сказаў: «Хто я ёсць, Госпадзе Божа, і што ёсць мой дом, што Ты прывёў мяне аж сюды?

ЁВА 1:20

Тады Ёў устаў, і раздзёр адзенне сваё, і, агаліўшы галаву і ўпаўшы на зямлю, пакланіўся

ЁВА 2:10

Той адказаў ёй: «Ты гаварыла, як адна з неразумных жанчын. Калі мы прынялі добрае з рукі Бога, то як жа нам не прыняць злога?» Ва ўсім гэтым не зграшыў Ёў вуснамі сваімі.

ПСАЛТЫР 103:1

Давідаў. Дабраславі, душа мая, Госпада, і ўсё, што ёсць ува мне, — імя святое Яго.

ПСАЛТЫР 103:8

Літасцівы і спагадны Госпад, доўгацярплівы і вельмі міласэрны.

ПСАЛТЫР 39:9

Вырві мяне ад усіх правіннасцей маіх, не выстаўляй мяне на пасмешышча неразумнаму.

ПСАЛТЫР 95:6

Прыходзьце, паклонімся, і ўкленчым, схілім калені перад Госпадам, Які стварыў нас,

ВЫСЛОЎІ 3:7

Не будзь мудрацом перад самім сабою; шануй Бога і пазбягай ліха,

ЭКЛЕЗІЯСТА 9:8

Хай увесь час будуць белымі шаты твае, ды хай алеек з галавы тваёй не знікае!

МАЦЬВЕЯ 6:17

А ты, калі посціш, памаж галаву сваю ды абмый твар свой,

ЛУКАША 7:46

Не намасціў ты галавы Маёй; а яна ногі Мае намасціла алейкам.

РУТ 3:3

Дык ты памыйся, намасціся і апрані строі свае і схадзі на ток; але не з’яўляйся перад ім, пакуль не скончыць ён есці і піць.

1 ЦАРСТВАЎ 15:25

ты ж цяпер здымі, прашу, з мяне грэх мой і вярніся са мной, каб я пакланіўся Госпаду».

1 ЦАРСТВАЎ 15:31

І вярнуўся Самуэль, і пайшоў з Саўлам, і Саўл пакланіўся Госпаду.