2 ПЯТРА 2:21 - Кнігі Святога Пісання - Біблія - Біблія — пераклад Чарняўскага (выданне 2017 года)

²¹ Лепш было б ім дарогі справядлівасці не ведаць, чым, пазнаўшы, адвярнуцца назад ад дадзенага ім святога прыказання.

Біблія (пераклад А.Бокуна)

²¹ Бо лепш ім было не пазнаць шляху праведнасьці, чым, пазнаўшы, адвярнуцца ад перададзенага ім сьвятога прыказаньня.

Біблія (пераклад В. Сёмухі)

²¹ Лепей бы ім не спазнаць дарогі праўды, чым, спазнаўшы, вярнуцца назад ад перададзенай ім сьвятой запаведзі.

2 ПЯТРА 2:21 Крыжаваныя спасылкі

ПСАЛТЫР 125:5

А тых, што ўхіляюцца на свае крывыя дарогі, хай прагоніць Госпад разам з ліхадзеямі. Супакой над Ізраэлем!

ПСАЛТЫР 85:8

Госпадзе, пакажы нам Тваю міласэрнасць і дай нам Тваё збаўленне.

ВЫСЛОЎІ 12:28

На сцежцы справядлівасці — жыццё, але ёсць таксама шлях, што адкрыты для смерці.

ВЫСЛОЎІ 16:31

Вянок годнасці — сівізна, якую можна знайсці на шляхах справядлівасці.

ЕЗЭКІІЛЯ 18:24

Калі ж справядлівы адвернецца ад справядлівасці сваёй і будзе рабіць несправядлівасць паводле ўсіх агіднасцей, якіх звычайна дапускаецца бязбожнік, ці ж такі будзе жыць? Уся справядлівасць яго, якую чыніў, не будзе залічана яму; у крывадушнасці, якой крывадушнічаў, і ў граху сваім, якім грашыў, — у іх памрэ.

ЕЗЭКІІЛЯ 23:13

І ўбачыў Я, што яна апаганілася і што абедзве ідуць тою самаю дарогай.

ЕЗЭКІІЛЯ 3:20

Але калі і справядлівы адступіцца ад сваёй справядлівасці, дапусціцца злачыннасці, то Я перашкоджу яму; ён памрэ, бо ты не перасцярог яго: ён памрэ ў сваім граху; справядлівасць, якую ён рабіў, не будзе яму залічана; цябе, аднак, зраблю адказным за яго кроў.

ЕЗЭКІІЛЯ 33:13

Нават калі скажу справядліваму: “Напэўна будзеш жыць”, і ён, упэўнены ў сваёй справядлівасці, дапусціцца злачыннасці, то ўжо не будзе памяці пра ўсю яго справядлівасць, ды дзеля злачыннасці, якой дапусціўся, мусіць ён у ёй памерці.

САФОНА 1:6

і тых, якія адварочваюцца ад Госпада, і тых, якія не шукаюць Госпада і не пытаюцца пра Яго».

МАЦЬВЕЯ 21:32

Бо прыйшоў да вас Ян дарогай справядлівасці, і вы не паверылі яму; мытнікі ж і распусніцы паверылі яму. Вы, аднак, бачачы гэта, нават потым не навярнуліся, каб яму паверыць.

ЛУКАША 12:47

Той жа паслугач, які ведаў волю гаспадара свайго, але не прыгатаваўся і не рабіў паводле волі яго, будзе строга пакараны.

ЯНА 15:22

Калі б Я не прыйшоў і не гаварыў ім, не мелі б граху, але цяпер не маюць апраўдання за свой грэх.

ЯНА 9:41

Сказаў ім Ісус: «Калі б вы былі сляпыя, не мелі б граху. Вы, аднак, кажаце: “Мы бачым!”; і грэх ваш застаецца.

РЫМЛЯНАЎ 7:12

Вось жа, закон сам па сабе святы, і прыказанне святое, і справядлівае, і добрае.

ГАЛЯТАЎ 6:2

Насіце цяжары адзін аднаго і гэтым выканайце закон Хрыстоў.

1 ФЕСАЛОНІКІЙЦАЎ 4:2

Бо ведаеце, пэўна, якія мы вам далі пастановы ад Госпада Ісуса.

1 ЦІМАФЕЯ 6:14

каб ты захаваў прыказанне беззаганна і няўхільна аж да прыходу Госпада нашага Ісуса Хрыста,

ГАБРЭЯЎ 10:26

Бо калі мы самахоць грашым, прыняўшы пазнанне праўды, дык не застаецца ўжо ахвяры за грэх,

ЯКАВА 4:17

Таму той, хто ўмее рабіць дабро і не робіць, грэх таму!

2 ПЯТРА 3:2

каб вы памяталі тыя словы, якія прадказаны былі святымі прарокамі, і прыказанне Госпада і Збаўцы, перададзенае Апосталамі.

ЮДЫ 1:3

Улюбёныя, прыкладаючы ўсю стараннасць, каб напісаць вам пра супольнае наша збаўленне, я палічыў неабходным напісаць вам, каб заахвоціць змагацца за веру, аднойчы перададзеную святым.