2 ЛЕТАПІСАЎ 32:21 - Кнігі Святога Пісання - Біблія - Біблія — пераклад Чарняўскага (выданне 2017 года)

²¹ І паслаў Госпад анёла, які паразіў усіх дужых ваяроў і князёў у лагеры цара асірыйцаў; і ён вярнуўся з ганьбаю ў сваю зямлю. І калі ён увайшоў у дом бога свайго, сыны, якія выйшлі з нутра яго, — забілі яго там мечам.

Біблія (пераклад А.Бокуна)

²¹ І паслаў ГОСПАД анёла, і ён зьнішчыў мужных ваяроў, і правадыра, і табар валадара Асірыі. І ён вярнуўся з сорамам аблічча ў зямлю сваю. І ён прыйшоў у дом бога свайго, і тыя, што выйшлі з нутра ягонага, забілі там яго мячом.

Біблія (пераклад В. Сёмухі)

²¹ І паслаў Гасподзь анёла, і ён вынішчыў усіх адважных і галоўнага начальніка і начальнікаў у войску цара Асірыйскага. І вярнуўся ён з сорамам у зямлю сваю; і калі прыйшоў у дом бога свайго, выхадні сьцёгнаў яго забілі яго там мечам.

2 ЛЕТАПІСАЎ 32:21 Крыжаваныя спасылкі

ПСАЛТЫР 76:5

Ты Дзівосны, што нясеш святло ад гор крадзяжу.

ДЗЕІ 12:23

І адразу ж ударыў яго анёл Госпадаў, таму што ён не аддаў Богу належнай славы, і ён памёр, сточаны чарвямі.

ДАНІІЛА 6:22

Мой Бог паслаў Анёла Свайго, і Ён закрыў пашчы львам; і не скрыўдзілі яны мяне, бо перад Ім знайшлася ў мяне справядлівасць; але і адносна цябе, цару, не зрабіў я нічога благога».

ІСАІ 42:8

Я — Госпад: гэта імя Маё; і славы сваёй не аддам іншаму, і хвалы сваёй — ідалам.

ІСАІ 37:21

Дык паслаў Ісая, сын Амоса, да Эзэкіі сказаць: «Вось што кажа Госпад, Бог Ізраэля, адносна таго, што прасіў ты мяне ў справе Санхэрыба, цара асірыйскага;

ІСАІ 36:9

А якім чынам ты адвернеш аблічча хоць аднаго з найменшых слуг гаспадара майго? Але ты спадзяешся на Егіпет, на калясніцы і конніцу!

ІСАІ 10:8

Скажа вось: “Ці ж і мае князі ўсе не цары?

ВЫСЛОЎІ 16:18

Знішчэнню папярэднічае фанабэрыстасць, а перад пагібеллю — пыхлівасць духа.

ВЫСЛОЎІ 11:2

Прыходзіць пыхлівасць — прыйдзе і ганьба; а ў пакорлівых — мудрасць.

ПСАЛТЫР 132:18

Непрыяцеляў яго пакрыю сорамам, а над ім будзе зіхацець вянец яго».

ПСАЛТЫР 76:12

Прыносьце прысягі і выконвайце [іх] перад Госпадам Богам вашым; усе навокал Яго хай прыносяць дарункі Найвялебнаму.

ПСАЛТЫР 76:7

Ад папрокаў Тваіх, Божа Якуба, пазаміралі вознік і конь.

ПСАЛТЫР 18:50

Дзеля таго будуць славіць Цябе, Госпадзе, паміж паганамі і імю Твайму прагавару псальм.

ЁВА 9:4

Ён мудры сэрцам і магутны сілаю; хто супрацівіўся Яму і застаўся цэлым?

4 ЦАРСТВАЎ 19:20

А Ісая, сын Амоса, паслаў да Эзэкіі, кажучы: «Гэта кажа Госпад, Бог Ізраэля: “Я пачуў тое, аб чым ты маліўся да Мяне адносна Санхэрыба, цара асірыйцаў”.

2 ЦАРСТВАЎ 24:16

І, калі выцягнуў анёл руку сваю на Ерузалім, каб яго знішчыць, Госпад злітаваўся дзеля смутку і сказаў анёлу, што нішчыў людзей: «Хопіць, цяпер спыні руку сваю!» А быў анёл Госпадаў каля тока Арнана Евусея.

ДАНІІЛА 3:28

Бо выдаў Ты праўдзівыя прысуды ва ўсім, што Ты навёў на нас і на Ерузалім, святы горад нашых бацькоў, бо ў праўдзе і ў законнасці навёў Ты ўсё гэта на нас з прычыны нашых грахоў.

2 ЛЕТАПІСАЎ 32:20

Дык цар Эзэкія і прарок Ісая, сын Амоса, маліліся дзеля блюзнення гэтага і прызывалі неба.

2 ЛЕТАПІСАЎ 32:22

Такім чынам, збавіў Госпад Эзэкію і жыхароў Ерузаліма ад рукі Санхэрыба, цара асірыйцаў, і ад рукі ўсіх ворагаў, і даў ім навокал супакой.

ПСАЛТЫР 44:15

Ты выставіў нас, як прыказку між паганамі, на пагардлівае ківанне галавою між народамі.

ПСАЛТЫР 76:6

Абрабаваныя магутныя сэрцам, паснулі яны сваім сном, і не знайшлі ўсе моцныя мужы рук сваіх.

ІСАІ 14:25

Сатру Асірыю на Маёй зямлі і стапчу яе на Маіх гарах. Тады будзе скінута з іх ярмо яе ды цяжар яе будзе зняты з іх спіны».

ЕРАМІІ 21:2

«Спытай пра нас Госпада, бо Набукаданосар, цар Бабілона, абвясціў нам вайну. Можа, Госпад учыніць нам штосьці паводле ўсіх цудаў Сваіх, ды той адступіць ад нас».