2 ЛЕТАПІСАЎ 16:9 - Кнігі Святога Пісання - Біблія - Біблія — пераклад Чарняўскага (выданне 2017 года)

⁹ Вочы бо Госпадавы сочаць за ўсёю зямлёю, і даюць мужнасць тым, хто шчырым сэрцам верыць у Яго. Дык неразумна паступаў ты ў гэтым, бо ад цяперашняга часу пачнуцца войны супраць цябе».

Біблія (пераклад А.Бокуна)

⁹ Бо ГОСПАД вачыма Сваімі абыходзіць усю зямлю, каб умацоўваць тых, чыё сэрца цалкам з Ім. Дрэнна ты зрабіў. Бо цяпер будуць у цябе войны».

Біблія (пераклад В. Сёмухі)

⁹ бо вочы Госпада азіраюць усю зямлю, каб падтрымаць тых, чыё сэрца цалкам аддадзена Яму. Безразважліва ты ўчыніў цяпер. За тое ад сёньня будуць у цябе войны.

2 ЛЕТАПІСАЎ 16:9 Крыжаваныя спасылкі

БЫЦЦЁ 31:28

Ты не даў мне пацалаваць маіх унукаў і дачок, неразумна зрабіў ты!

2 ЦАРСТВАЎ 24:10

А сэрца Давіда ўдарыла яго пасля таго, як палічаны быў народ, і сказаў Давід Госпаду: «Цяжка зграшыў я гэтым учынкам; а цяпер прашу, Госпадзе, каб дараваў Ты правіннасць паслугача твайго, бо вельмі я неразумна зрабіў».

3 ЦАРСТВАЎ 15:32

І працягвалася вайна паміж Асам і Баасам, царом Ізраэля, праз усе дні іх.

4 ЦАРСТВАЎ 20:3

«О Госпадзе! Узгадай, як я хадзіў перад Табою верна і са шчырым сэрцам, і рабіў тое, што міла Табе». І заплакаў Эзэкія ўголас.

1 ЛЕТАПІСАЎ 21:8

І прызнаўся Давід Богу: «Надта я зграшыў тым, што я зрабіў; малю, адпусці правіннасць паслугача Свайго, бо надта неразумна паступіў».

2 ЛЕТАПІСАЎ 15:17

А ўзгоркі засталіся ў Ізраэлі; аднак сэрца Асы было дасканалым ва ўсе яго дні.

2 ЛЕТАПІСАЎ 15:19

Вайны ж не было аж да трыццаць пятага года царавання Асы.

2 ЛЕТАПІСАЎ 16:10

І, разгневаўшыся на Прадракальніка, Аса загадаў яго ўкінуць у вязніцу, бо надта быў дзеля гэтага ўзлаваны; і ў той час мучыў Аса і другіх з народа.

2 ЛЕТАПІСАЎ 19:9

І загадаў ім, кажучы: «Маеце так рабіць са страхам Госпада: справядліва ды са шчырым сэрцам.

2 ЛЕТАПІСАЎ 6:20

каб вочы Твае днём і ноччу глядзелі на дом гэты, на месца, якое Ты выбраў, каб пакінуць імя Тваё і каб выслухаць мальбу, якую паслугач Твой вымаўляе там.

ЭЗДРЫ 5:5

А вока Бога іх было над старшынамі юдэяў, і яны не перашкодзілі ім, аж пакуль справа не апынулася ў Дарыя, і той не пераслаў рашэнне ў гэтай справе.

ЁВА 28:24

Ён бачыць ускрайкі зямлі і заўважае ўсё, што пад небам.

ЁВА 31:4

Ці ж Ён не бачыў шляхоў маіх і не лічыў усе крокі мае,

ЁВА 34:21

Бо вочы Яго — над дарогамі людзей, і Ён бачыць усе крокі іх.

ПСАЛТЫР 113:6

І схіляецца, каб пазіраць на неба і на зямлю?

ПСАЛТЫР 33:14

Зірнуў Ён з месца Свайго пражывання на ўсіх тых, што насяляюць зямлю.

ПСАЛТЫР 33:15

Ён, Які ўтварыў кожнаму паасобку сэрцы іх, Які разумее ўсе справы іх.

ПСАЛТЫР 33:18

Вось вочы Госпада над тымі, што Яго баяцца, і да тых, якія спадзяюцца на Яго ласку.

ПСАЛТЫР 34:15

САМЭК. Адступіся ад ліха і чыні дабро, шукай спакою і імкніся да яго,

ПСАЛТЫР 37:37

СІН. Назірай за бязгрэшным і глядзі на справядлівага, бо будучыня належыць чалавеку міратворцу.

ВЫСЛОЎІ 15:3

Ва ўсялякім месцы вочы Госпада. Яны бачаць ліхіх і добрых.

ВЫСЛОЎІ 5:21

Бо перад Госпадам — дарогі чалавека і Ён бачыць крокі яго.

ІСАІ 31:1

Гора тым, якія сыходзяць у Егіпет за дапамогай, спадзеючыся на коней, маючы надзею на павозкі, што іх многа, ды на коннікаў, што яны вельмі магутныя, ды не зважаюць на Святога Ізраэлева і Госпада не шукаюць.

ЕРАМІІ 16:17

Бо вочы Мае — на ўсіх шляхах іх: яны не схаваліся ад Мяне, і не ўтоена ліхота іх ад вачэй Маіх.

ЕРАМІІ 32:19

Вялікі ў рашэннях і магутны ў справах, вочы Твае адкрыты на ўсе шляхі сыноў Адама, каб аддаць кожнаму паводле шляхоў яго і паводле пладоў учынкаў яго.

ЕРАМІІ 5:1

“Абыдзіце кругом вуліцы Ерузаліма, агледзьце і прасачыце, і пашукайце на плошчах яго, ці знойдзеце чалавека, ці ёсць такі, хто чыніў бы па справядлівасці ды шукаў праўды, і Я буду да яго літасцівы.

ЕРАМІІ 5:21

“Паслухай, народ без розуму і без сэрца, якія, маючы вочы, не бачаць, маючы вушы, не чуюць.

ЕРАМІІ 5:3

Госпадзе, ці ж вочы Твае не пазіраюць на праўду? Ты апанаваў іх горам, а яны не бядуюць, знішчыў іх, а яны адмовіліся прыняць павучанне; закамянілі твары свае горш за скалу, не хочуць навярнуцца.

ЗАХАРЫІ 4:10

Бо хто адцураўся ад дня сціплых пачаткаў? І з радасцю будуць глядзець на грунтвагу ў руцэ Зарабабэля. Сем гэтых лямпаў — гэта вочы Госпада, якія прыглядаюцца да ўсёй зямлі».

МАЦЬВЕЯ 5:22

А Я вам кажу, што той, хто дарэмна гневаецца на брата свайго, будзе асуджаны; а хто скажа брату свайму: “рака”, – будзе асуджаны радай, а хто скажа: “дурны”, – будзе асуджаны агнём пякельным.

ЛУКАША 12:20

Але Бог сказаў яму: “Бязглузды! У гэтую ноч запатрабуюць душу тваю ад цябе, а тое, што прыгатаваў, чыё будзе?”

1 КАРЫНФЯНАЎ 15:36

О неразумны! Дык жа тое, што ты сееш, не ажыве, калі перш не памрэ.

ГАЛЯТАЎ 3:1

О неразумныя галаты! Хто зачараваў вас, каб вы не пакараліся праўдзе, вас, перад вачамі якіх апісаны быў Ісус Хрыстос, як бы між вамі укрыжаваны?

ГАБРЭЯЎ 4:13

І няма тварэння, схаванага ад Яго, усё вачам Яго аголена і адкрыта, і мы перад Ім адкажам.

1 ПЯТРА 3:12

Бо вочы Госпада – да справядлівых, і вушы Яго – да просьбаў іх; але аблічча Госпада супраць тых, што чыняць ліха».

1 ЦАРСТВАЎ 13:13

І сказаў Самуэль Саўлу: «Неразумна ты зрабіў. О, каб ты захоўваў прыказанні Госпада, Бога твайго, якія Ён табе даў! Напэўна цяпер замацаваў бы Госпад цараванне тваё над Ізраэлем навекі.