2 КАРЫНФЯНАЎ 7:15 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁵ І сэрца яго яшчэ мацней туліцца да вас, калі прыпамінае вашу агульную паслухмянасць ды тое, як вы прынялі яго са страхам і трымценнем.

Біблія (пераклад А.Бокуна)

¹⁵ І сэрца ягонае яшчэ больш [зьвернута] да вас, калі ён узгадвае паслухмянасьць усіх вас, як вы прынялі яго са страхам і дрыжаньнем.

Біблія (пераклад В. Сёмухі)

¹⁵ і сэрца ягонае вельмі прыхільнае да вас, калі згадвае ён пакорлівасьць вашу, як вы яго прынялі былі са страхам і трымценьнем.

2 КАРЫНФЯНАЎ 7:15 Крыжаваныя спасылкі

БЫЦЦЁ 43:30

І хуценька выйшаў ён, бо ўзварушылася сэрца яго дзеля брата яго і вырываліся слёзы. І, увайшоўшы ў пакой, ён расплакаўся.

3 ЦАРСТВАЎ 3:26

І жанчына, якой сын быў жывы, — бо ўзрушылася сэрца яе дзеля сына яе, — сказала цару: «Прашу, гаспадару, не забівайце яго і жывога аддайце ёй». А другая казала: «Падзяліце, хай не будзе ён ані табе, ані мне».

ЭЗДРЫ 10:9

І сабраліся ўсе жыхары Юды і Бэньяміна ў Ерузалім у тры дні, дваццатага дня месяца, а быў гэта дзевяты месяц, і сеў увесь народ на плошчы ля дома Божага, дрыжучы дзеля граху і дажджу.

ЭЗДРЫ 9:4

А сышліся да мяне ўсе, хто баяўся слоў Бога Ізраэля дзеля злачынстваў тых, хто прыйшоў з няволі; і сядзеў я сумны аж да вячэрняй ахвяры.

ЁВА 21:6

І я, калі ўзгадаю, палохаюся, і трымценне калоціць цела маё.

ПСАЛТЫР 119:120

Трымціць ад страху Твайго цела маё; баюся я судоў Тваіх.

ПСАЛТЫР 2:11

Служыце Госпаду са страхам і радуйцеся Яму з дрыжаннем,

ПЕСЬНЯ 5:4

Улюбёны мой працягнуў руку сваю праз дзірку [у дзвярах], і задрыжэла імгненна нутро маё.

ІСАІ 66:2

Ці ж не рука Мая ўчыніла ўсё гэта, ды ўсё гэта Маё, — кажа Госпад. — Але вось да каго Я буду прыглядацца: да беднага і прыгнечанага духам, і да таго, хто трымціць перад словамі Маімі.

АСІІ 13:1

Калі Эфраім прамаўляў, страх браў; быў ён правадыром у Ізраэлі. Вось жа, зграшыў праз Баала і памёр.

ЯНА 16:21

Жанчына, калі нараджае, тужыць, бо надыходзіць яе гадзіна, а калі дзіця народзіць, ужо не памятае сваіх пакут з радасці, што чалавек на свет нарадзіўся.

ДЗЕІ 16:29

Тады ён, запатрабаваўшы святла, ускочыў унутр ды ўпаў, дрыжучы, да ног Паўлы і Сілы.

1 КАРЫНФЯНАЎ 2:3

І быў я сярод вас у немачы, са страхам і з трымценнем вялікім,

2 КАРЫНФЯНАЎ 2:9

З гэтаю мэтаю я пісаў, каб спазнаць вашу выпрабаванасць, ці ва ўсім вы паслухмяныя.

2 КАРЫНФЯНАЎ 6:12

Вам не цесна ў нас, але цесна ў вашых сэрцах.

ЭФЭСЯНАЎ 6:5

Нявольнікі, са страхам і трымценнем у прастаце сэрца падпарадкоўвайцеся цялесным гаспадарам вашым, як Хрысту,

ПІЛІПЯНАЎ 1:8

Сведка мне Бог, як сардэчна імкнуся да ўсіх вас у Ісусе Хрысце.

ПІЛІПЯНАЎ 2:12

Дык вось, дарагія мае, як заўжды былі вы паслухмянымі, не толькі ў маёй прысутнасці, але тым больш цяпер, калі я адсутнічаю, са страхам і трымценнем здзяйсняйце сваё збаўленне.

КАЛАСЯНАЎ 3:12

Дык апраніцеся як выбраннікі Божыя, святыя і ўлюбёныя, у сэрца спагаднае, ласкавасць, пакорлівасць, сціпласць, доўгацярплівасць,

2 ФЕСАЛОНІКІЙЦАЎ 3:14

Калі хто часам не паслухае слова нашага з ліста гэтага, такога майце на прыкмеце ды не сябруйце з такім, каб быў асаромлены.

1 ЯНА 3:17

Калі хто мае багацце гэтага свету і бачыць, што брат яго жыве ў нястачы, і зачыняе сэрца сваё ад яго, дык як можа трываць у ім любоў Божая?