2 КАРЫНФЯНАЎ 6:14 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁴ Не запрагайцеся з няверуючымі ў адно ярмо. Бо што мае агульнага справядлівасць з несправядлівасцю? Або якая супольнасць святла з цемраю?

Біблія (пераклад А.Бокуна)

¹⁴ Ня будзьце пад чужым ярмом з бязьвернымі, бо якое таварыства праведнасьці і беззаконьня? Якая супольнасьць у сьвятла з цемраю?

Біблія (пераклад В. Сёмухі)

¹⁴ Ня ўгінайцеся пад чужое ярмо зь нявернымі. Бо што супольнага ў праведнасьці зь беззаконьнем? што супольнага ў сьвятла зь цемраю?

2 КАРЫНФЯНАЎ 6:14 Крыжаваныя спасылкі

БЫЦЦЁ 24:3

і я папрашу цябе ў імя Госпада, Бога неба і Бога зямлі, каб ты не браў жонку для сына майго з дачок хананейскіх, сярод якіх жыву,

3 ЦАРСТВАЎ 18:21

І звярнуўся тады Ілля да ўсяго народа і сказаў: «Дакуль будзеце кульгаць на абедзве нагі? Калі Госпад ёсць Бог, ідзіце за Ім; калі ж Баал, — ідзіце тады за ім». І народ ані слова не адказаў яму на гэта.

2 ЛЕТАПІСАЎ 19:2

Насустрач яму выбег Егу, сын Ханані Прадракальніка, і сказаў яму: «Бязбожніку ты даеш дапамогу і з тымі, што ненавідзяць Госпада, распачынаеш сяброўства, — і таму сапраўды заслужыў ты гнеў Госпада;

ЭЗДРЫ 10:19

і яны далі рукі свае ў доказ, што адправяць жонак сваіх; і за грэх свой ахвяруюць барана.

ПСАЛТЫР 106:35

а памяшаліся яны з паганамі і навучыліся справам іх.

ПСАЛТЫР 119:63

Я саўдзельнік усіх тых, што шануюць Цябе і пільнуюцца прыказанняў Тваіх.

ПСАЛТЫР 16:3

Да святых, што ёсць на зямлі, да слаўных Тваіх, — да іх усё памкненне маё.

ВЫХАД 34:16

Не бяры з іх дачок сынам сваім жонак, каб, калі будуць яны распуснічаць са сваімі багамі, не прымусілі і сыноў тваіх распуснічаць з багамі сваімі.

ВЫСЛОЎІ 22:24

Не будзь сябрам чалавеку гняўліваму і не хадзі з чалавекам нястрыманым,

ВЫСЛОЎІ 29:27

Справядлівыя грэбуюць бязбожным чалавекам; а бязбожнікі грэбуюць тымі, хто на вернай дарозе.

ЛЯВІТ 19:19

Пільнуйце законы Мае. Жывёлы тваёй не лучы з жывёламі другой пароды; поля свайго не засявай рознымі гатункамі насення. Не апранай адзення з двух матэрыялаў.

МАЛАХІІ 2:11

Здраджвае Юда, і агіднасць дапушчана ў Ізраэлі і ў Ерузаліме, бо Юда апаганіў святыню Госпада, якую любіў, і ўзяў сабе за жонку дачку чужога бога.

МАЛАХІІ 2:15

Ці не даканаў Ён адзінства цела і духа? Дык якога адзінства жадаеш, акрамя патомства ад Бога. Дык беражыце дух ваш і жонцы маладосці сваёй будзьце вернымі.

ЯНА 7:7

Вас свет не можа ненавідзець, а Мяне ненавідзіць, бо Я сведчу аб ім, што яго ўчынкі ліхія.

ДЗЕІ 4:23

Выпушчаныя, яны прыйшлі да сваіх і абвясцілі, што казалі ім першасвятары і старэйшыны.

1 КАРЫНФЯНАЎ 10:21

Не можаце піць з келіха Госпада ды з келіха дэманаў; не можаце быць удзельнікамі Госпадава стала і стала дэманаў.

1 КАРЫНФЯНАЎ 15:33

Не падманвайце сябе: «Благія сяброўствы псуюць добрыя звычаі».

1 КАРЫНФЯНАЎ 5:9

У лісце пісаў я вам: «Не майце зносін з распуснікамі».

1 КАРЫНФЯНАЎ 6:6

А то брат з братам судзіцца, ды яшчэ перад бязвернымі?

1 КАРЫНФЯНАЎ 7:39

Жонка звязана законам, пакуль яе муж жыве, а як муж яе памрэ, можа выйсці за каго захоча, толькі ў Госпадзе.

ПІЛІПЯНАЎ 2:15

каб вам быць без заганы і чыстымі, дзецьмі Божымі без віны паміж народа сапсаванага і крывадушнага, пасярод якога свеціце, як светачы ў свеце,

ЯКАВА 4:4

Чужаложнікі, ці вы не ведаеце, што сяброўства з гэтым светам ёсць варожасць Богу? Дык хто хацеў бы стацца прыяцелем гэтага веку, той робіцца ворагам Бога.