1 ЯНА 3:22 - Кнігі Святога Пісання - Біблія - Біблія — пераклад Чарняўскага (выданне 2017 года)

²² і, пра што прасіць будзем, атрымаем ад Яго, бо захоўваем прыказанні Яго і робім тое, што Яму падабаецца.

Біблія (пераклад А.Бокуна)

²² і чаго ні папросім, атрымаем ад Яго, бо захоўваем прыказаньні Ягоныя і тое, што падабаецца [Яму], робім перад Ім.

Біблія (пераклад В. Сёмухі)

²² і, чаго ні папросім, атрымаем ад Яго, бо трымаемся запаведзяў Ягоных і робім богаспадобнае перад Ім.

1 ЯНА 3:22 Крыжаваныя спасылкі

ЁВА 22:26

Тады будзеш мець дастаткова асалод ва Усемагутным і падымеш аблічча сваё да Бога.

ПСАЛТЫР 10:17

ТАУ. Жаданне ўбогіх Ты выслухаў, Госпадзе; Ты ўмацуеш сэрца іх, прыхіліш вуха Тваё,

ПСАЛТЫР 34:4

ГІМЭЛЬ. Узвялічвайце Госпада са мною і давайце ўзнясём імя Яго ўсе разам.

ПСАЛТЫР 50:15

А тады пакліч Мяне ў дзень бяды, і Я ўратую цябе, і ты будзеш ганараваць Мяне.

ВЫСЛОЎІ 15:29

Ад бязбожнікаў Госпад далёка, а размовы справядлівых Ён выслухае.

ВЫСЛОЎІ 28:9

Хто адхіляе вуха сваё, каб не чуць закон, — малітва таго таксама будзе брыдотай.

ІСАІ 1:15

Калі выцягнеце рукі вашы, адвярну вочы Мае ад вас, і нават калі вы павялічыце малітвы, не выслухаю. Рукі бо вашы поўныя крыві.

ЕРАМІІ 33:3

“Пакліч Мяне, і Я выслухаю цябе і абвяшчу табе справы вялікія і недасяжныя, якіх ты не ведаеш”.

МАЦЬВЕЯ 17:5

Калі ён яшчэ гэта гаварыў, вось, светлае воблака закрыла іх. І вось, голас з воблака, які казаў: «Гэта Сын Мой улюбёны, у Якім Я маю ўпадабанне; Яго слухайце».

МАЦЬВЕЯ 21:22

І ўсё, пра што будзеце прасіць у малітве з вераю, атрымаеце».

МАРКА 11:24

Таму кажу вам: усё, пра што ў малітве просіце, верце, што атрымаеце, і будзе вам.

ЯНА 14:13

І пра што толькі прасіць будзеце ў імя Маё, зраблю гэта, каб Айцец быў праслаўлены ў Сыне;

ЯНА 15:10

Калі зберажэце Мае прыказанні, застанецеся ў Маёй любові, як і Я збярог прыказанні Айца Майго і застаюся ў Яго любові.

ЯНА 15:7

Калі застанецеся ўва Мне, і словы Мае ў вас застануцца, пра што захочаце, прасіце, і станецца вам.

ЯНА 6:29

Адказаў Ісус і сказаў ім: «Гэта справа Божая, каб вы верылі ў Таго, Каго Ён паслаў».

ЯНА 8:29

Той, Хто Мяне паслаў, ёсць са Мной; Айцец не пакінуў Мяне аднаго, бо Я раблю заўсёды тое, што Яму падабаецца».

ЯНА 9:31

Ведаем жа, што грэшнікаў Бог не слухае, а калі хто спахвальнік Бога і волю Яго выконвае, таго слухае.

ДЗЕІ 17:30

І вось, зважаючы на часы няведання, Бог цяпер заклікае людзей, каб усе паўсюдна навярталіся,

ДЗЕІ 20:21

сведчучы як юдэям, так і грэкам навярнуцца да Бога і верыць Госпаду нашаму Ісусу Хрысту.

ПІЛІПЯНАЎ 4:18

Я ўсё атрымаў і хапае мне ўсяго; я напоўніўся, атрымаўшы ад Эпафрадыта салодкі водар, які вы даслалі, ахвяру прыемную, мілую Богу.

КАЛАСЯНАЎ 1:10

і каб жылі вы дастойна Госпада, ва ўсім падабаючыся Яму, прыносячы плод у кожным добрым дзеянні і ўзрастаючы ў пазнанні Бога,

ГАБРЭЯЎ 13:21

хай удасканаліць вас ва ўсякай справе добрай, каб спаўнялі вы Яго волю, выконваючы ў нас, што Яму падабаецца, праз Ісуса Хрыста, Якому слава на векі вечныя. Амін.

ЯКАВА 1:5

Калі ж каму з вас не хапае мудрасці, хай просіць яе ў Бога, Які дае ўсім шчодра і без дакораў, і будзе дадзена яму.

ЯКАВА 4:3

просіце і не атрымліваеце, бо блага просіце, каб толькі задаволіць сваю пажадлівасць.

ЯКАВА 5:16

Дык прызнавайцеся адны адным у грахах ды маліцеся адны за адных, каб атрымалі здароўе. Бо вялікую сілу мае настойлівая малітва справядлівага.

1 ЯНА 2:3

З гэтага пазнаём, што Яго ведаем: калі выконваем Яго прыказанні.

1 ЯНА 5:14

І вось давер, які мы маем да Яго, што, калі чаго паводле волі Яго просім, Ён слухае нас.