1 ЦАРСТВАЎ 17:28 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁸ Калі пачуў Эліяб, старэйшы брат яго, як ён гаварыў аб гэтым з іншымі, загневаўся на Давіда і сказаў: «Чаго ты прыйшоў і каму пакінуў тых нешматлікіх авечак у пустыні? Я ведаю пыху тваю і ліхоту сэрца твайго, бо прыйшоў ты, каб паглядзець на вайну».

Біблія (пераклад А.Бокуна)

²⁸ І пачуў Эліяў, старэйшы брат ягоны, як ён гаварыў пра гэта з іншымі, і загневаўся Эліяў на Давіда, і сказаў: «Навошта ты прыйшоў і каму пакінуў той малы статак у пустыні ? Я ведаю пыху тваю і ліхоту сэрца твайго, бо ты прыйшоў сюды, каб паглядзець на вайну».

Біблія (пераклад В. Сёмухі)

²⁸ І пачуў Эліяў, старэйшы брат Давідаў, што гаварыў ён зь людзьмі, і раззлаваўся Эліяў на Давіда і сказаў: навошта ты сюды прыйшоў і на каго пакінуў нямногія авечкі тыя ў пустыні? я ведаю пыху тваю і благое сэрца тваё, ты прыйшоў падзівіцца на бойку.

1 ЦАРСТВАЎ 17:28 Крыжаваныя спасылкі

БЫЦЦЁ 37:11

Дык браты яго зайздросцілі яму, а бацька абдумваў гэта моўчкі.

БЫЦЦЁ 37:4

І браты яго, бачачы, што бацька любіць яго болей за ўсіх сыноў, зненавідзелі яго і не маглі з ім спакойна гаварыць.

БЫЦЦЁ 37:8

І сказалі яму браты: «Няўжо ты будзеш нашым царом? І няўжо будзеш валадарыць над намі, і будзем у тваёй уладзе?» І яшчэ горш яго зненавідзелі з прычыны яго сноў і слоў.

2 ЛЕТАПІСАЎ 11:18

Ажаніўся ж Рабаам з Махалат, дачкой Ерымота, сына Давіда і Абігайль, дачкі Эліяба, сына Ясэя,

ПСАЛТЫР 35:11

Падняўшыся, фальшывыя суддзі дапытваліся ў мяне таго, пра што я не ведаю.

ВЫСЛОЎІ 18:19

Брат, якога абражаюць, мацнейшы за моцны горад, а сваркі — як крэпасці гарадоў.

ВЫСЛОЎІ 27:4

Шалёны нораў і абурэнне, што прарываецца наверх, — а хто можа ўстаяць перад зайздрасцю?

ЭКЛЕЗІЯСТА 4:4

Ізноў прыгледзеўся я да ўсіх намаганняў і да любога поспеху працы, і гэта — на зайздрасць бліжняму свайму. Таму і ў гэтым — марнасць і турбаванне духа.

МАЦЬВЕЯ 10:36

І ворагі чалавеку хатнія яго.

МАЦЬВЕЯ 27:18

Бо ён ведаў, што Яго выдалі з-за зайздрасці.

МАРКА 3:21

І калі пачулі гэта сваякі, выйшлі, каб узяць Яго, бо казалі яны: «Ашалеў».

ЮДЫ 1:10

Гэтыя ж блюзняць на тое, чаго не ведаюць, а што па прыродзе ведаюць, як неразумныя жывёліны, гэтым самі сябе знішчаюць.

1 ЦАРСТВАЎ 16:13

І ўзяў Самуэль рог з алеем, і памазаў яго ў прысутнасці братоў яго; і ад таго дня сышоў на Давіда Дух Госпадаў. І Самуэль падняўся і вярнуўся ў Раму.

1 ЦАРСТВАЎ 16:7

І Госпад сказаў Самуэлю: «Не глядзі на твар яго, ані на высокі рост яго, бо Я яго не выбраў; Я не вырашаю так, як чалавек: бо чалавек бачыць яўнае, а Госпад бачыць сэрца».

1 ЦАРСТВАЎ 17:29

І Давід сказаў яму: «Што я зрабіў? Ці ж няможна пра гэта гаварыць?»