1 ПЯТРА 2:24 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁴ Ён грахі нашы Сам узнёс целам Сваім на дрэва, каб мы, пазбавіўшыся ад грахоў, жылі дзеля справядлівасці; Яго ранамі вы аздароўлены.

Біблія (пераклад А.Бокуна)

²⁴ Ён грахі нашыя Сам узьнёс у целе Сваім на дрэва, каб мы, памёршы дзеля грахоў, жылі ў праведнасьці; ранамі Ягонымі вы аздароўленыя.

Біблія (пераклад В. Сёмухі)

²⁴ Ён грахі нашыя Сам узьнёс Целам Сваім на дрэва, каб мы, адцураўшыся грахоў, жылі дзеля праўды: ранамі Ягонымі вы ацаліліся.

1 ПЯТРА 2:24 Крыжаваныя спасылкі

БЫЦЦЁ 22:6

І ўзяў Абрагам дровы на цэласпаленне, і ўсклаў на сына свайго, Ізаака. А сам нёс у руках агонь і нож. Калі так абодва ішлі разам,

ПСАЛТЫР 147:3

Ён лечыць зламаных духам і перавязвае іх раны;

ПСАЛТЫР 38:4

няма нічога здаровага ў маім целе праз гнеў Твой, няма супакою касцям маім праз грахі мае,

ВЫХАД 28:38

І хай Аарон панясе на сабе правіннасць адносна святынь, якія будуць асвячаць сыны Ізраэля ў дарах і падарунках сваіх. І хай будзе пласціна заўсёды на яго чале, каб Госпад меў ласку да іх.

ВЫСЛОЎІ 20:30

Сіняк раны праганяе ліха, і ўдары — у глыбінях нутра.

ІСАІ 53:11

На подзвіг душы Сваёй Ён будзе глядзець з задавальненнем, насыціцца веданнем Сваім. «Слуга Мой справядлівы апраўдае многіх, і несправядлівасці іх Сам Ён будзе несці.

ЛЯВІТ 16:22

Такім спосабам казёл панясе на сабе ўсе іх правіны ў зямлю бязлюдную, і выгнаны будзе казёл у пустыню.

ЛЯВІТ 22:9

Хай выконваюць Мае прыказанні, каб не мелі дзеля таго граху, ды каб з гэтай прычыны не памерлі, калі спаганяць іх. Я — Госпад, Які асвячае іх.

МАЛАХІІ 4:2

І для вас, шануючых імя Маё, узыдзе сонца справядлівасці, і аздараўленне будзе ў промнях яго; і вы выйдзеце, і будзеце скакаць, як адкормленыя цяляты,

ЛІКІ 18:22

каб не набліжаліся больш да палаткі сустрэчы і каб не дапусціліся граху аж да смерці.

ЛІКІ 7:15

адзін бычок ад статка, баран і гадавалае ягня ў ахвяру цэласпалення,

МАЦЬВЕЯ 27:26

Тады ён адпусціў ім Барабу, а Ісуса ўбічаванага аддаў на ўкрыжаванне.

МАЦЬВЕЯ 5:20

Бо кажу вам: калі ваша справядлівасць не будзе большай, чым у кніжнікаў і ў фарысеяў, не ўвойдзеце вы ў Валадарства Нябеснае.

МАЦЬВЕЯ 8:17

каб збылося тое, што сказана было прарокам Ісаем, які казаў: «Ён на Сябе узяў немачы нашы і панёс хваробы».

МАРКА 15:15

І Пілат, жадаючы дагадзіць народу, выпусціў ім Барабу, а Ісуса, пасля бічавання, выдаў на ўкрыжаванне.

ЛУКАША 4:18

«Дух Госпада на Мне; таму Госпад Мяне намасціў, каб нёс добрую вестку ўбогім, паслаў Мяне лячыць раны зламаным сэрцам, прадказваць палонным свабоду, сляпым – відушчасць, а вязням – вызваленне,

ЯНА 1:29

Назаўтра ўбачыў Ян Ісуса, што ішоў да яго, і гаворыць: «Вось, Ягня Божае, Той, Хто бярэ на Сябе грэх свету.

ЯНА 19:1

Тады Пілат узяў Ісуса і бічаваў [Яго].

ДЗЕІ 10:35

але ў кожным народзе мілы яму той, хто баіцца Яго і служыць справядлівасці.

ДЗЕІ 10:39

І мы – сведкі ўсяго, што Ён учыніў у зямлі Юдэйскай і ў Ерузаліме; Яго і забілі, павесіўшы на дрэве.

ДЗЕІ 13:29

А калі выканалі ўсё, што пра Яго было напісана, зняўшы Яго з крыжа, паклалі ў магілу.

ДЗЕІ 5:30

Бог нашых бацькоў уваскрасіў Ісуса, Якога вы забілі, прыбіўшы да дрэва,

РЫМЛЯНАЎ 6:11

Так і вы лічыце сябе памерлымі для граху, а жывымі для Бога ў Хрысце Ісусе, Госпадзе нашым.

РЫМЛЯНАЎ 6:13

Не аддавайце граху члены вашы як зброю несправядлівасці, але аддавайце сябе Богу як тыя, што пасля смерці ажылі, ды члены вашы Богу як зброю справядлівасці.

РЫМЛЯНАЎ 6:16

Ці ж не ведаеце, што, каму аддаяце сябе паслугачом на паслухмянасць, становіцеся таго вы паслугачамі, каму паслухмяныя: ці граху на смерць, ці паслухмянасці на справядлівасць.

РЫМЛЯНАЎ 6:2

Бо калі мы памерлі для граху, дык як жа жыць у ім будзем?

РЫМЛЯНАЎ 6:22

Цяпер жа, вызваленыя ад граху ды ўчыненыя паслугачамі Бога, маеце плод ваш на асвячэнне, а канец – жыццё вечнае!

РЫМЛЯНАЎ 6:7

Хто бо памёр, апраўдаўся ад граху.

РЫМЛЯНАЎ 7:6

Цяпер жа мы вызвалены ад закону, у якім утрымліваліся, памерлі для яго, каб служыць Богу ў абнаўленні Духа, а не па старой літары.

1 КАРЫНФЯНАЎ 15:3

Бо я перш перадаў вам тое, што і я прыняў, што Хрыстос памёр за нашы грахі паводле Пісання,

2 КАРЫНФЯНАЎ 6:17

Таму выйдзіце з іх асяроддзя і адлучыцеся ад іх, – кажа Госпад, – і не дакранайцеся да нячыстага, і Я вас прыму,

ГАЛЯТАЎ 3:13

Хрыстос адкупіў нас ад праклёну закону, стаўшыся за нас пракляццем, як напісана: «Пракляты кожны, хто вісіць на дрэве»,

ЭФЭСЯНАЎ 5:9

Плод жа Духа выяўляецца ва ўсякай дабрыні, і справядлівасці, і праўдзе.

ПІЛІПЯНАЎ 1:11

поўныя пладоў справядлівасці, што праз Ісуса Хрыста на ўшанаванне і славу Бога.

КАЛАСЯНАЎ 2:14

скасаваўшы напісаную рукою пастанову, якая асуджала нас і была супраць нас, і ўзяў Яго з асяроддзя нашага, і, прыбіўшы цвікамі Яго да крыжа,

КАЛАСЯНАЎ 2:20

Дык калі вы памерлі з Хрыстом для стыхій свету, чаму ж, быццам жывучы яшчэ ў свеце, падпарадкоўваецеся пастановам:

КАЛАСЯНАЎ 3:3

Бо вы – памерлыя, і жыццё ваша пахавана з Хрыстом у Богу!

ГАБРЭЯЎ 10:10

На моцы той волі асвечаны мы назаўсёды праз ахвяру цела Ісуса Хрыста.

ГАБРЭЯЎ 10:5

Таму, прыходзячы на свет, кажа Хрыстос: «Ахвяры і прынашэння не захацеў Ты, але цела Мне прыгатаваў.

ГАБРЭЯЎ 12:13

і «проста рабіце крокі нагамі вашымі, каб хто кульгавы не спрывіліў нагу, а лепш паздаравеў».

ГАБРЭЯЎ 7:26

Такога, вось, належала мець нам Першасвятара, святога, нявіннага, беззаганнага, аддзеленага ад грэшнікаў і ўзвышанага па-над неба,

ГАБРЭЯЎ 9:28

так і Хрыстос адзін раз быў ахвяраваны дзеля знішчэння грахоў многіх, а другі раз з’явіцца не дзеля граху да тых, што Яго чакаюць, на збаўленне.

ЯКАВА 5:16

Дык прызнавайцеся адны адным у грахах ды маліцеся адны за адных, каб атрымалі здароўе. Бо вялікую сілу мае настойлівая малітва справядлівага.

1 ЯНА 2:29

Калі вы ведаеце, што Ён справядлівы, дык ведайце, што кожны, хто чыніць справядлівасць, з Яго нарадзіўся.

1 ЯНА 3:7

Дзеткі! Хай ніхто вас не зводзіць. Хто робіць справядлівасць, той справядлівы, як і Ён справядлівы.

АДКРЫЦЦЁ 22:2

На сярэдзіне вуліцы яго і паабапал ракі дрэва жыцця, што прыносіць плады дванаццаць разоў, даючы штомесяц плод свой, і лісце дрэва – для ацалення народаў.