1 ЛЕТАПІСАЎ 3:11 - Кнігі Святога Пісання - Біблія - Біблія — пераклад Чарняўскага (выданне 2017 года)

¹¹ бацька Ярама, сын Ярама — Ахазія, ад якога нарадзіўся Ёас.

Біблія (пераклад А.Бокуна)

¹¹ сын ягоны — Ёрам; сын ягоны — Ахазія; сын ягоны — Ёаш;

Біблія (пераклад В. Сёмухі)

¹¹ ягоны сын Ёрам, ягоны сын Озія, ягоны сын Ёас,

1 ЛЕТАПІСАЎ 3:11 Крыжаваныя спасылкі

3 ЦАРСТВАЎ 22:50

І Язафат супачыў з бацькамі сваімі, і быў разам з імі пахаваны ў горадзе Давіда, бацькі свайго; і па ім царом стаў сын яго Ярам.

3 ЦАРСТВАЎ 22:51

А Ахазія, сын Ахаба, стаў царом у Самарыі на сямнаццаты год Язафата, цара Юды, і быў царом у Ізраэлі два гады.

4 ЦАРСТВАЎ 11:2

Але Ёсаба, дачка цара Ярама, сястра Ахазіі, узяла Ёаса, сына Ахазіі, і выкрала яго з сыноў цара, якіх забівалі, разам з карміцелькай яго, і схавала яго ад Аталіі, каб не быў забіты, у пакоі спальным.

4 ЦАРСТВАЎ 11:21

Ёас меў сем гадоў, калі стаў царом.

4 ЦАРСТВАЎ 12:1

На сёмы год валадарання Егу Ёас стаў царом і цараваў сорак гадоў у Ерузаліме. Маці яго называлася Сэбія з Бээр-Сэбы.

4 ЦАРСТВАЎ 8:16

На пяты год Ярама, сына Ахаба, цара Ізраэля, — а Язафат быў царом Юдэі — Ярам, сын Язафата, стаўся царом Юдэі.

4 ЦАРСТВАЎ 8:24

І супачыў Ярам з бацькамі сваімі, і быў пахаваны з імі ў горадзе Давіда, і па ім цараваў сын яго, Ахазія.

4 ЦАРСТВАЎ 8:25

На дванаццаты год Ярама, сына Ахаба, цара Ізраэля, пачаў цараваць Ахазія, сын Ярама, цара Юдэі.

1 ЛЕТАПІСАЎ 3:10

Сынам жа Саламона быў Рабаам; сын якога Абія быў бацькам Асы, ад яго таксама нарадзіўся Язафат,

1 ЛЕТАПІСАЎ 3:12

І сын Ёаса Амазія быў бацькам Азарыі, а сын Азарыі Ёатам

2 ЛЕТАПІСАЎ 21:1

А супачыў Язафат са сваімі бацькамі ды пахаваны быў з імі ў горадзе Давіда; і царом стаў па ім сын яго Ярам.

2 ЛЕТАПІСАЎ 21:17

і яны ўварваліся ў зямлю Юдэі, і знішчылі яе ды захапілі ўсю маёмасць, што знаходзілася ў палацы цара, а па-за гэтым і сыноў яго, і жонак, і не застаўся яму ніводзін сын, апрача найменшага Ёахаза.

2 ЛЕТАПІСАЎ 22:6

Ён вярнуўся, каб лячыцца ў Езрагэлі ад ран, якія атрымаў у вышэй названым баі. Дык Ахазія, сын Ярама, цар Юдэі, выбраўся, каб наведаць Ярама, сына Ахаба, які ў Езрагэлі хварэў.

2 ЛЕТАПІСАЎ 24:1

Ёас стаў царом, калі меў сем гадоў, і сорак гадоў цараваў у Ерузаліме. Імя маці яго Сэбія з Бээр-Сэбы.