1 ЛЕТАПІСАЎ 29:2 - Кнігі Святога Пісання - Біблія - Біблія — пераклад Чарняўскага (выданне 2017 года)

² Я ж па магчымасцях усіх сваіх прыгатаваў матэрыял для дома Бога майго: золата на пасудзіны залатыя, і срэбра на срэбраныя, медзь — на медныя, жалеза — на жалезныя, дрэва — на драўляныя, камяні оніксавыя і камяні ўкладныя, цвёрды цэмент ды камяні розных колераў, і ўсякі каштоўны камень, і вельмі шмат мармуру пароскага.

Біблія (пераклад А.Бокуна)

² З усёй сілай маёй я пад­рыхтаваў для Дому Бога майго золата на [рэчы] залатыя, і срэбра — на срэбныя, і медзь — на мядзяныя, жалеза — на жалезныя, і дрэва — на драўляныя, камяні оніксу і для аправаў камяні аздобныя і каляровыя, і ўсялякія камяні каштоўныя, і мноства мармуровых камянёў.

Біблія (пераклад В. Сёмухі)

² Усімі сіламі сваімі я нарыхтаваў на дом Бога майго золата на залатыя рэчы і срэбра на срэбраныя, і медзь на медныя, жалеза на жалезныя, і драўніну на драўляныя, камяні анікса і камяні ўстаўныя, камяні прыгожыя, і ўсялякія дарагія камяні, і мноства мармуру;

1 ЛЕТАПІСАЎ 29:2 Крыжаваныя спасылкі

БЫЦЦЁ 2:12

А золата той зямлі найлепшае, там знаходзяць бдалах і онікс.

1 ЛЕТАПІСАЎ 29:19

Саламону ж, сыну майму, дай таксама сэрца дасканалае, каб захоўваў прыказанні Твае, сведчанні Твае і законнасць Тваю, і хай зробіць усё і пабудуе святыню, на якую я ўсё прыгатаваў».

1 ЛЕТАПІСАЎ 29:3

І звыш таго, з любові да дома Бога майго, аддаю з маёмасці маёй на дом Бога майго золата і срэбра, за выключэннем таго, што ўжо прыгатаваў на дом святы:

2 ЛЕТАПІСАЎ 3:6

Таксама пакрыў падлогу дома найкаштоўнейшым мармурам для аздаблення.

ЁВА 28:1

Срэбра мае пачаткі жылаў, і ў золата ёсць месца, дзе яго плавяць.

ЁВА 28:16

Нельга заплаціць золатам Афіру, ані найкаштоўнейшым сарданіксам, ані сапфірам.

ВЫХАД 28:17

І памясці на ім чатыры рады камянёў: у першым радзе хай будзе рубін, тапаз і смарагд,

ВЫХАД 28:20

у чацвёртым — хрызаліт, онікс і берыл. Хай будуць яны апраўлены ў золата адпаведна радам сваім.

ВЫХАД 28:9

Вазьмі два камяні онікса, і высечы на іх імёны сыноў Ізраэля:

ВЫХАД 39:13

у чацвёртым радзе — хрызаліт, онікс і берыл: устаўлены яны былі ў залатыя аправы па радах сваіх.

ВЫХАД 39:6

Прыгатавалі таксама два камяні онікса, устаўленыя ў залатыя аправы, з высечанымі на іх ювелірным майстэрствам імёнамі сыноў Ізраэля;

ЭКЛЕЗІЯСТА 9:10

Што толькі можа рабіць рука твая, выконвай несупынна, бо ў пекле, куды ты спяшаешся, не будзе ані працы, ані розуму, ані мудрасці, ані ведаў.

МАЦЬВЕЯ 4:24

І разышлася слава Яго па ўсёй Сірыі. Дык прыводзілі да Яго ўсіх немачных, рознымі хваробамі і пакутамі апанаваных, і апанаваных дэманамі, і лунатыкаў, і паралітыкаў, і Ён аздараўляў іх.

2 КАРЫНФЯНАЎ 8:3

Яны, сведчу, па магчымасці, ды нават звыш магчамасці, былі добраахвотнымі,

КАЛАСЯНАЎ 3:23

Усё, што ні робіце, ад душы рабіце, як Богу, а не людзям,