1 ЛЕТАПІСАЎ 19:19 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁹ А паслугачы Ададэзэра, бачачы, што пераможаны Ізраэлем, прымірыліся з Давідам і служылі яму; і сірыйцы больш не хацелі аказваць дапамогу аманіцянам.

Біблія (пераклад А.Бокуна)

¹⁹ І ўбачылі слугі Гададэзэра, што яны пабітыя перад абліччам Ізраіля, і замірыліся з Давідам, і служылі яму. І не хацеў Арам больш ратаваць сыноў Амона.

Біблія (пераклад В. Сёмухі)

¹⁹ Калі ўбачылі слугі Адраазара, што яны пабітыя Ізраільцянамі, заключылі з Давідам мір і падпарадкаваліся яму. І не хацелі Сірыйцы дапамагаць больш Аманіцянам.

1 ЛЕТАПІСАЎ 19:19 Крыжаваныя спасылкі

2 ЦАРСТВАЎ 10:1

У гэты час памёр цар Амона, і зацараваў на яго месцы Ханон, сын яго.

2 ЦАРСТВАЎ 10:19

А ўсе цары, якія прыйшлі на дапамогу Ададэзэру, убачыўшы, што яны пераможаны Ізраэлем, заключылі саюз з Ізраэлем і служылі яму. І надалей сірыйцы баяліся дапамагаць сынам Амона.

3 ЦАРСТВАЎ 20:1

А Бэнадад, цар сірыйскі, сабраў усё сваё войска, і трыццаць два цары былі з ім, таксама коні і калясніцы, і, устаўшы, ён змагаўся супраць Самарыі, і абкладваў яе.

3 ЦАРСТВАЎ 20:12

Калі пачуў гэты адказ цар, які піў сам і цары з ім у палатках, і сказаў ён паслугачам сваім: «Акружыце горад!» І яны акружылі яго.

1 ЛЕТАПІСАЎ 14:17

І слава Давіда разышлася па ўсіх краінах, і Госпад нагнаў страх на ўсе народы.

1 ЛЕТАПІСАЎ 19:18

А сірыйцы ўцяклі перад ізраэльцамі, і Давід знішчыў сем тысяч калясніц сірыйскіх і сорак тысяч пехацінцаў, і Сабаха, камандзіра войска.

1 ЛЕТАПІСАЎ 20:1

Здарылася ж праз год, у той час, калі цары звычайна выходзяць на вайну, што і Ёаб павёў сілу вайсковую і спустошыў зямлю аманіцян; і далей пайшоў, і асадзіў Рабу. Давід у той час заставаўся ў Ерузаліме, калі Ёаб узяў Рабу і зруйнаваў яе.

ПСАЛТЫР 18:39

Я сцінаў іх, каб не маглі падняцца; яны падалі пад ногі мае.

ПСАЛТЫР 18:44

Выхапіў мяне ад бунту народа, паставіў мяне на чале плямёнаў. Народ, якога я не ведаў, служыць мне,

ІСАІ 10:8

Скажа вось: “Ці ж і мае князі ўсе не цары?