1 КАРЫНФЯНАЎ 4:8 - Кнігі Святога Пісання - Біблія - Біблія — пераклад Чарняўскага (выданне 2017 года)

⁸ Вы ўжо насыціліся і сталіся ўжо багатымі, без нас ужо валадарыце. О, каб вы сапраўды валадарылі, ды каб і мы з вамі разам маглі валадарыць!

Біблія (пераклад А.Бокуна)

⁸ Вы ўжо насыціліся, ужо сталіся багатымі, бяз нас валадарыце. І калі б вы так валадарылі, каб і нам з вамі валадарыць!

Біблія (пераклад В. Сёмухі)

⁸ Вы перанасыціліся ўжо, вы ўжо ўзбагаціліся, вы пачалі валадарыць бяз нас. О, калі б на самай справе валадарылі, каб і мы з вамі валадарылі!

1 КАРЫНФЯНАЎ 4:8 Крыжаваныя спасылкі

АДКРЫЦЦЁ 5:10

і ўчыніў нас царамі і святарамі Богу нашаму, і будзем валадарыць на зямлі».

ГАЛЯТАЎ 6:3

Бо калі хто думае, што ён штосьці, хоць ён нішто, той самога сябе ашуквае.

2 КАРЫНФЯНАЎ 13:9

Бо мы цешымся, калі мы слабыя, а вы дужыя; аб гэтым жа і молімся – аб вашай дасканаласці.

1 КАРЫНФЯНАЎ 5:6

Дык не добрая пахвальба ваша. Ці не ведаеце, што крошка кіслі ўсё цеста квасіць?

1 КАРЫНФЯНАЎ 1:5

бо ў Ім вы ва ўсім сталіся багатымі, усякім словам і ўсякім веданнем,

РЫМЛЯНАЎ 12:3

Дадзенаю мне ласкаю кажу кожнаму з вас, каб не думалі аб сабе вышэй, чым належыць, але каб думалі цвяроза, паводле той меры веры, якую вызначыў Бог.

ЛУКАША 6:25

Гора вам, што цяпер насычаны, бо будзеце галодныя. Гора вам, што цяпер смеяцеся, бо будзеце сумаваць і плакаць.

ВЫСЛОЎІ 13:7

Ёсць той, хто быццам лічыцца за багача, хаця нічога не мае; і ёсць той, хто быццам лічыцца за беднага, хаця ў яго багацця шмат.

АДКРЫЦЦЁ 3:17

Бо кажаш ты: «Багаты я і забяспечаны, і нічога мне не трэба», і не ведаеш, што ты бедны, і найнешчаслівейшы, і ўбогі, і сляпы, і голы.

ПІЛІПЯНАЎ 2:12

Дык вось, дарагія мае, як заўжды былі вы паслухмянымі, не толькі ў маёй прысутнасці, але тым больш цяпер, калі я адсутнічаю, са страхам і трымценнем здзяйсняйце сваё збаўленне.

ПІЛІПЯНАЎ 1:27

Толькі жывіце дастойна Евангелля Хрыстова, каб, ці калі прыбуду і ўбачу вас, ці адсутны, пачуў пра вас, што вы стаіце ў адным Духу, аднадумна змагаючыся за веру Евангельскую

2 КАРЫНФЯНАЎ 11:1

О, каб вы маглі сцярпець крыху маю неразумнасць! Але ж вы і церпіце мяне!

1 КАРЫНФЯНАЎ 4:18

Некаторыя заганарыліся, быццам я не маю намеру наведаць вас.

ДЗЕІ 26:29

А Паўла сказаў: «Я маліў бы Бога, каб хутка ці няскора не толькі ты, але таксама ўсе, што мяне сёння слухаюць, сталіся б такімі, як я, апрача гэтых путаў».

ЕРАМІІ 28:6

І сказаў Ярэмія прарок: «Хай станецца! Хай так Госпад зробіць! Хай Госпад здзейсніць твае словы, якія праракаваў ты, каб вярнуліся пасудзіны ў дом Госпада ды ўсе перасяленцы з Бабілона на гэтае месца!

ІСАІ 5:21

Гора тым, хто мудрыя ў сваіх вачах і разважлівыя ва ўласным уяўленні.

ВЫСЛОЎІ 25:14

Хмары і вецер без дажджу — гэтак вядомы чалавек фанабэрысты і які не выконвае абяцанняў.

ЛІКІ 11:29

Але Майсей адказаў: «Ці не раўнуеш ты за мне? О, калі б усе ў народзе былі прарокі, калі б даў ім Госпад Духа Свайго?»

МАЦЬВЕЯ 5:1

І, бачачы натоўпы, Ён узышоў на гару; і, калі сеў, падышлі да Яго вучні Яго;