1 КАРЫНФЯНАЎ 14:26 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁶ Дык што ж, браты? Калі збіраецеся разам, кожны з вас мае псальм, мае навуку, мае адкрыццё, мае мовы, мае тлумачэнне: усё гэта хай будзе на пабудову царквы.

Біблія (пераклад А.Бокуна)

²⁶ Дык што, браты? Калі вы зыходзіцеся, кожны з вас мае псальм, мае навучаньне, мае [незнаёмую] мову, мае адкрыцьцё, мае тлумачэньне; усё няхай будзе на збудаваньне.

Біблія (пераклад В. Сёмухі)

²⁶ Дык што ж, браты? Калі вы сыходзіцеся, і ў кожнага з вас ёсьць псальма, ёсьць павучаньне, ёсьць мова, ёсьць адкрыцьцё, ёсьць тлумачэньне, - хай ўсё гэта будзе на настаўленьне.

1 КАРЫНФЯНАЎ 14:26 Крыжаваныя спасылкі

РЫМЛЯНАЎ 1:13

Хачу, браты, каб вы ведалі, што я часта збіраўся наведаць вас, каб мець нейкі плод і ў вас, як і ў іншых народаў, але меў перашкоды аж дасюль.

РЫМЛЯНАЎ 12:7

калі служэнне – то для служэння, калі хто навучае – для навучання,

РЫМЛЯНАЎ 14:19

Дык будзем дбаць пра тое, што вядзе да супакою ды ўзаемнага збудавання.

РЫМЛЯНАЎ 15:2

Бо кожны з нас хай дагаджае бліжняму на дабро дзеля збудавання.

1 КАРЫНФЯНАЎ 14:15

Дык што рабіць? Буду маліцца духам, але таксама буду маліцца розумам; буду спяваць духам, буду спяваць і розумам.

1 КАРЫНФЯНАЎ 14:2

Бо хто гаворыць мовамі, не людзям гаворыць, але Богу. Бо ніхто не чуе, а ён Духам гаворыць тайны.

1 КАРЫНФЯНАЎ 14:27

Калі хто гаворыць мовамі, дык хай па чарзе двое, найбольш трое, а адзін хай тлумачыць.

1 КАРЫНФЯНАЎ 14:40

Хай усё адбываецца прыстойна і парадкам.

2 КАРЫНФЯНАЎ 12:19

Вы ўжо даўно думаеце, што мы перад вамі апраўдваемся? На віду Бога ў Хрысце гаворым; а ўсё, найдаражэйшыя, на збудаванне ваша.

2 КАРЫНФЯНАЎ 13:10

Таму, вось, адсутны, я пішу, каб прысутны ў вас не мусіў паступаць больш сурова, па ўладзе, якую даў мне Госпад на збудаванне, а не на руйнаванне.

ЭФЭСЯНАЎ 4:12

на ўдасканаленне святых, на патрэбы служэння, на збудаванне Цела Хрыстова,

ЭФЭСЯНАЎ 4:16

з Якога ўсё Цела, састаўленае і злучанае ўсякімі вязямі даравання, праз дзейнасць у патрэбную меру кожнага паасобнага члена ўзрастае на збудаванне самога сябе ў любові.

ЭФЭСЯНАЎ 4:29

Усякае ліхое слова хай не выходзіць з вуснаў вашых, але толькі добрае на збудаванне, каб давала ласку тым, што слухаюць.

ЭФЭСЯНАЎ 5:19

гаворачы між сабою псальмамі, і гімнамі, і песнямі духоўнымі; спяваючы і граючы Госпаду ў сэрцах вашых.

1 ФЕСАЛОНІКІЙЦАЎ 5:11

Таму пацяшайце адзін аднаго і падтрымлівайце ўзаемна, як вы і робіце.