1 КАРЫНФЯНАЎ 12:9 - Кнігі Святога Пісання - Біблія - Біблія — пераклад Чарняўскага (выданне 2017 года)

⁹ яшчэ іншаму даецца вера тым жа Духам, іншаму – дары аздараўлення тым самым Духам,

Біблія (пераклад А.Бокуна)

⁹ а іншаму — вера ў тым самым Духу; а іншаму — дары аздараўленьня ў тым самым Духу;

Біблія (пераклад В. Сёмухі)

⁹ іншаму вера, тым самым Духам; іншаму дар ацаленьня, тым самым Духам;

1 КАРЫНФЯНАЎ 12:9 Крыжаваныя спасылкі

МАЦЬВЕЯ 10:8

Хворых аздараўляйце, памерлых уваскрашайце, пракажоных ачышчайце, дэманаў выганяйце. Дарма атрымалі, дарма давайце.

МАЦЬВЕЯ 21:21

А Ісус, адказваючы, гаворыць ім: «Сапраўды кажу вам: калі вы будзеце мець веру і не будзеце сумнявацца, вы зробіце не толькі тое, што з дрэвам фігавым, але нават калі гэтай гары скажаце: “Падыміся і кінься ў мора”, – станецца.

МАРКА 16:18

змеяў будуць падымаць, ды хоць бы што атрутнае выпілі – не пашкодзіць ім, на хворых рукі ўскладаць будуць – і яны аздараўляцца будуць».

МАРКА 6:13

ды многа дэманаў выганялі, і многіх нямоглых намашчалі алеем і аздараўлялі.

ЛУКАША 10:9

і аздараўляйце хворых, што ў ім, ды кажыце ім: “Наблізілася да вас Валадарства Божае”.

ЛУКАША 9:2

і паслаў іх прапаведаваць Валадарства Божае і аздараўляць хворых,

ДЗЕІ 10:38

пра Ісуса з Назарэта, як намасціў Яго Бог Духам Святым і магутнасцю, і Ён хадзіў, чынячы дабро і аздараўляючы ўсіх апанаваных дэманамі, бо Бог быў з Ім.

ДЗЕІ 5:15

так што людзі нават на вуліцу выносілі хворых ды там клалі на насілкі або ложкі, каб, калі пройдзе Пётра, хоць цень яго ўпаў на якога з іх.

1 КАРЫНФЯНАЎ 12:28

І адных Бог паставіў у Царкве па-першае – Апосталамі, па-другое – прарокамі, па-трэцяе – настаўнікамі, потым тых, што маюць моц чынення цудаў, потым дары аздараўлення, дар успамогі, дар гаспадаравання, дар усякіх моў.

1 КАРЫНФЯНАЎ 12:30

Ці ўсе маюць дары аздараўлення? Ці ўсе гавораць мовамі? Ці ўсе тлумачаць?

1 КАРЫНФЯНАЎ 13:2

І калі я маю дар праракавання ды зведаў усе таямніцы і ўсякія веды, і маю ўсю веру, што і горы пераносіць, але любові не маю, – я нішто.

2 КАРЫНФЯНАЎ 4:13

А маючы такі самы дух веры, аб якім напісана: «Я паверыў, і таму прамовіў», і мы верым, і таму гаворым,

ЭФЭСЯНАЎ 2:8

Бо ласкаю вы збаўлены праз веру, і гэта не ад вас, але Божы дар;

ГАБРЭЯЎ 11:33

якія вераю перамагалі царствы, аказвалі справядлівасць, атрымлівалі абяцанні, закрывалі пашчы львам,