ЯНА 17:26 - Біблія (пераклад В. Сёмухі)

²⁶ і Я адкрыў ім імя Тваё і адкрыю, каб любоў, якою Ты палюбіў Мяне, ў іх была; і Я ў іх.

Біблія (пераклад А.Бокуна)

²⁶ І Я паведаміў ім імя Тваё і паведамлю, каб любоў, якою Ты палюбіў Мяне, у іх была, і Я ў іх».

Кнігі Святога Пісання - Біблія - Біблія — пераклад Чарняўскага (выданне 2017 года)

²⁶ і Я з’явіў ім імя Тваё, і з’яўляю, каб любоў, якою Ты палюбіў Мяне, у іх была, і Я ў іх».

ЯНА 17:26 Крыжаваныя спасылкі

ЯНА 14:20

У той дзень спазнаеце вы, што Я ў Айцы Маім, і вы ўва Мне, і Я ў вас.

ЯНА 14:23

Ісус сказаў яму ў адказ: хто любіць Мяне, той сьледуе слову Майму; і Айцец Мой палюбіць яго, і Мы прыйдзем да яго і прыстанішча ў ім створым.

ЯНА 15:15

Я ўжо не называю вас рабамі, бо раб ня ведае, што робіць гаспадар ягоны; а Я назваў вас сябрамі, бо сказаў вам усё, што чуў ад Айца Майго.

ЯНА 15:4

Заставайцеся ўва Мне, і Я ў вас. Як галіна ня можа радзіць плоду сама сабою, калі ня будзе на лазе, так і вы, калі ня будзеце ўва Мне.

ЯНА 15:9

Як палюбіў Мяне Айцец, і Я палюбіў вас; заставайцеся ў любові Маёй,

ЯНА 17:23

Я ў іх, і Ты ўва Мне; хай будуць паяднаныя ў адно, і хай уведае сьвет, што Ты паслаў Мяне і палюбіў іх, як палюбіў Мяне.

ЯНА 17:6

Я адкрыў імя Тваё людзям, якіх Ты даў Мне ад сьвету; яны былі Твае, і Ты даў іх Мне, і яны выканалі слова Тваё;

ЯНА 17:8

бо словы, якія Ты даў Мне, Я перадаў ім, і яны прынялі і ўразумелі ў праўдзе, што Я зыйшоў ад Цябе, і ўверавалі, што Ты паслаў Мяне.

ЯНА 6:56

хто есьць Маю Плоць і п'е Маю Кроў, застаецца ўва Мне, і Я ў ім;

ЯНА 8:50

але ж Я ня шукаю Маёй славы: ёсьць Той, Хто шукае і судзіць;

РЫМЛЯНАЎ 8:10

А калі Хрыстос у вас, дык цела мёртвае для грэху, а дух жывы для праведнасьці.

1 КАРЫНФЯНАЎ 1:30

Ад Яго і вы ў Хрысьце Ісусе, Які зрабіўся нам мудрасьцю ад Бога, праведнасьцю і асьвячэньнем і адкупленьнем,

1 КАРЫНФЯНАЎ 12:12

Бо, як цела адно, але мае многа чэлесаў, і ўсе чэлесы аднаго цела, хоць іх многа, складаюць адно цела, - так і Хрыстос.

ГАЛЯТАЎ 2:20

і ўжо ня я жыву, а жыве ўва мне Хрыстос. А што цяпер жыву ў целе, дык жыву вераю ў Сына Божага, Які палюбіў мяне і аддаў Сябе за мяне.

ЭФЭСЯНАЎ 1:6

на хвалу славы мілаты Сваёй, якою Ён умілаваў нас у Любасным,

ЭФЭСЯНАЎ 3:17

каб Хрыстос вераю ўсяліўся ў сэрцы вашыя,

ЭФЭСЯНАЎ 5:30

бо мы часткі Цела Ягонага, ад плоці Ягонай і ад касьцей Ягоных.

ЭФЭСЯНАЎ 5:32

Тайна гэтая вялікая; я кажу пра Хрыста і пра Царкву.

КАЛАСЯНАЎ 1:27

якім дабараволіў Бог паказаць, якое багацьце славы ў тайне гэтай для язычнікаў, якая ёсьць Хрыстос у вас, надзея славы,

КАЛАСЯНАЎ 2:10

і вы маеце паўнату ў Ім, Які ёсьць галава ўсяго начальства і ўлады;

КАЛАСЯНАЎ 3:11

дзе няма ні Эліна, ні Юдэя, ні абразаньня, ні неабразаньня, варвара, Скіфа, раба, вольніка, а ўсё і ўва ўсім - Хрыстос.

2 ФЕСАЛОНІКІЙЦАЎ 2:16

А Сам Гасподзь наш Ісус Хрыстос і Бог і Айцец наш, Які палюбіў нас і даў уцеху вечную і надзею добрую ў мілаце,

ГАБРЭЯЎ 2:12

«абвяшчу Тваё імя братам Маім, сярод царквы апяю Цябе».

1 ЯНА 3:24

І хто захоўвае запаведзі Ягоныя, той жыве ў Ім, і Ён у тым. А што Ён жыве ў нас, спазнаём па духу, які Ён даў нам.