ЯКАВА 3:17 - Біблія (пераклад В. Сёмухі)

¹⁷ А мудрасьць, якая прыходзіць згары, найперш - чыстая, потым - згодлівая, лагодная, пакорлівая, поўная мілажальнасьці і добрых пладоў, неадступная, і некрывадушная.

Біблія (пераклад А.Бокуна)

¹⁷ Але мудрасьць, якая з вышыні, па-першае, — чыстая, пасьля — мірная, спагадная, саступлівая, поўная літасьці і добрых пладоў, бесстаронная і некрывадушная.

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁷ А мудрасць, што з вышыні, перш за ўсё чыстая, пасля мірная, пакорлівая, лагодная, поўная міласэрнасці і добрых пладоў, бесстаронная ды некрывадушная.

ЯКАВА 3:17 Крыжаваныя спасылкі

3 ЦАРСТВАЎ 3:12

вось, Я зраблю паводле слова твайго: вось, Я даю табе сэрца мудрае і разумнае, так што падобнага да цябе ня было да цябе, і пасьля цябе не паўстане падобны да цябе;

3 ЦАРСТВАЎ 3:28

І пачуў увесь Ізраіль пра суд, як рассудзіў цар. І пачалі баяцца цара, бо ўбачылі, што мудрасьць Божая ў ім, каб чыніць суд.

3 ЦАРСТВАЎ 3:9

даруй жа рабу Твайму сэрца разумнае, каб судзіць народ Твой і разьбіраць, што дабро і што ліха; бо хто можа кіраваць гэтым шматлікім народам Тваім?

1 ЛЕТАПІСАЎ 22:12

Хай дасьць табе Гасподзь кемнасьць і розум і паставіць цябе над Ізраілем; і датрымайся закону Госпада Бога твайго.

1 ЛЕТАПІСАЎ 22:9

Вось, у цябе народзіцца сын: ён будзе чалавек мірны; Я дам яму спакой ад усіх ворагаў ягоных вакол: таму імя яму будзе Саламон. І мір і спакой дам Ізраілю ў дні ягоныя.

ЁВА 28:12

Але дзе мудрасьць жыве? і дзе месца розуму?

ЁВА 28:23

Бог ведае шлях яе, і Ён ведае месца яе.

ЁВА 28:28

і сказаў чалавеку: вось страх Гасподні ёсьць сапраўдная мудрасьць, і аддаленьне ад ліха - розум.

ВЫХАД 36:2

І заклікаў Майсей Вэсэлііла і Агаліява і ўсіх мудрых сэрцам, якім Гасподзь даў мудрасьць, і ўсіх, каго вяло сэрца прыступіць да працы і працаваць.

ВЫСЛОЎІ 2:6

Бо Гасподзь дае мудрасьць; і з вуснаў Яго - веды і розум;

ІСАІ 2:4

І будзе Ён судзіць народы, і выкрые многія плямёны; і перакуюць мячы свае на аралы, і дзіды свае - на сярпы; не падыме народ на народ меча, і ня будуць болей вучыцца ваяваць.

ІСАІ 32:6

Бо невук гаворыць дурное, і сэрца ягонае намышляе беззаконнае, каб рабіць крывадушна і вымаўляць агуду на Госпада, душу галоднага пазбаўляць хлеба і адбіраць пітво ў сасьмяглага.

ІСАІ 40:11

Як пастух Ён будзе пасьвіць Свой статак; ягнят будзе браць на рукі і насіць на грудзях Сваіх, і вадзіць дойных.

ДАНІІЛА 1:17

І даў Бог чатыром гэтым падлеткам веданьне і разуменьне ўсякай кнігі і мудрасьці, а Даніілу яшчэ даў разумець і ўсякія ўявы і сны.

МАЛАХІІ 2:9

За гэта і Я зраблю вас пагарджанымі і прыніжанымі перад усім народам, бо вы не ідзяце шляхамі Маімі, крывадушнічаеце ў справах закону.

МАЛАХІІ 3:3

і сядзе пераплаўляць і ачышчаць срэбра, і ачысьціць сыноў Левія і пераплавіць іх, як золата і як срэбра, каб прыносілі ахвяру Госпаду ў праўдзе.

МАЦЬВЕЯ 23:28

так і вы зьнешне здаяцеся людзям праведнымі, а ўсярэдзіне поўныя крывадушнасьці і беззаконьня.

МАЦЬВЕЯ 5:8

Дабрашчасныя чыстыя сэрцам, бо яны Бога ўбачаць.

МАЦЬВЕЯ 5:9

Дабрашчасныя міратворцы, бо яны сынамі Божымі назавуцца.

ЛУКАША 21:15

бо Я дам вам вусны і мудрасьць, якой ня здолеюць супярэчыць, ні супрацьстаяць усе, хто супрацівіцца вам.

ЛУКАША 6:36

Дык вось, будзьце міласэрныя, як і Айцец ваш міласэрны.

ЯНА 1:14

І Слова стала плоцьцю, і ўсялілася ў нас, поўнае мілаты і праўды; і мы бачылі славу Ягоную, славу, як Адзінароднага ад Айца.

ЯНА 1:47

Ісус, убачыўшы Натанаіла, які ішоў да Яго, кажа пра яго: вось, сапраўдны Ізраільцянін, у якім няма зламыснасьці.

ДЗЕІ 11:24

бо ён быў муж добры і поўны Духа Сьвятога і веры. І прыхілілася многа людзей да Госпада.

ДЗЕІ 9:36

У Ёпіі была адна вучаніца, якую звалі Тавіта, што азначае: Сарна; яна была поўная добрых учынкаў і чыніла шмат міласьціны.

РЫМЛЯНАЎ 12:18

Калі можна, і ад вас тое залежыць, будзьце ў згодзе з усімі людзьмі.

РЫМЛЯНАЎ 12:9

Любоў хай будзе някрывадушная; цурайцеся зла, гарнецеся да дабра;

РЫМЛЯНАЎ 15:14

І сам я пэўны за вас, браты мае, што і вы поўныя даброці, поўныя ўсякага веданьня і можаце настаўляць адно аднаго;

1 КАРЫНФЯНАЎ 12:8

аднаму даецца Духам слова мудрасьці, другому слова веданьня, тым самым Духам;

2 КАРЫНФЯНАЎ 10:1

А сам я, Павал, асабіста сьціплы сярод вас, а здалёку супроць вас адважны, пераконваю вас лагодаю і мілажальнасьцю Хрыстовай.

2 КАРЫНФЯНАЎ 6:6

у чысьціні, у добрай разумнасьці, у вялікадушнасьці, у даброці, у Духу Сьвятым, у шчырай любові,

2 КАРЫНФЯНАЎ 7:11

Бо тое, што вы засмуціліся дзеля Бога, глядзеце, якую абудзіла ў вас руплівасьць, якія перапросіны, якую абуранасьць вінаватымі, які страх, якое жаданьне, якую дбайнасьць, якое спагнаньне! І ва ўсім вы паказалі сябе чыстымі ў гэтай справе.

2 КАРЫНФЯНАЎ 9:10

А Той, Хто дае насеньне сейбіту і хлеб на ежу, дасьць і шчодрасьць пасеянаму вамі і памножыць плады праведнасьці вашай,

ЭФЭСЯНАЎ 5:9

бо плод Духа - ва ўсякай даброці, праведнасьці і ісьціне.

ПІЛІПЯНАЎ 1:11

поўныя пладоў праведнасьці празь Ісуса Хрыста, на славу і хвалу Божую.

ПІЛІПЯНАЎ 4:8

Нарэшце, браты мае, што толькі ў ісьціне, што сумленнае, што справядлівае, што чыстае, што любае, што вартае хвалы, што толькі дабрадзейнасьць, ці што пахвалы годнае, - тое і майце наўме.

КАЛАСЯНАЎ 1:10

каб жылі годна Бога, ува ўсім дагаджаючы Яму, родзячы плод ва ўсякай працы добрай і ўзрастаючы ў спазнаньні Бога,

1 ФЕСАЛОНІКІЙЦАЎ 2:7

мы маглі зьявіцца напышліва, як апосталы Хрыстовыя, але былі лагодныя сярод вас падобна таму, як карміцелька пяшчотна клапоціцца пра дзетак сваіх.

1 ЦІМАФЕЯ 5:21

Перад Богам і Госпадам Ісусам Хрыстом і выбранымі анёламі заклінаю цябе захаваць гэта зь бесстароннасьцю, нічога ня робячы з прадузятасьцю.

2 ЦІМАФЕЯ 2:24

а рабу Госпада нельга сварыцца, а трэба быць прыязным да ўсіх, навучальным, нязлосным,

ЦІТА 1:15

У чыстых усё чыстае: а ў апаганеных і няверных няма нічога чыстага, а спаганены і розум іхні ды сумленьне.

ЦІТА 3:2

нікога ня бэсьціць, быць не сварлівымі, а ціхмянымі, і паказваць поўную лагоду да ўсіх людзей.

ГАБРЭЯЎ 12:11

Усякае пакараньне ў цяперашні час здаецца ня радасьцю, а журбою; але пасьля навучаным празь яе дае мірны плод праведнасьці.

ГАБРЭЯЎ 12:14

Старайцеся мець мір з усімі і сьвятасьць, безь якое ніхто не пабачыць Госпада.

ЯКАВА 1:17

Усякае даньне добрае і ўсякі дар дасканалы зыходзіць згары, ад Айца сьвятла, у Якога няма перамены, ані ценю пераменнасьці.

ЯКАВА 1:5

Калі ж каму-небудзь з вас не хапае мудрасьці, хай просіць у Бога, Які дае ўсім проста і без дакораў, - і дасца яму.

ЯКАВА 2:13

Бо суд ня мецьме літасьці да таго, хто не літасьцівы; літасьць узьнесена над судом.

ЯКАВА 2:4

дык ці ня робіце розьніцы між сабою і ці ня робіцеся вы зламыснымі судзьдзямі?

ЯКАВА 3:15

гэта бо ня мудрасьць, што згары прыходзіць, а зямная, плоцкая, дэманская;

ЯКАВА 4:8

да Бога наблізьцеся, і наблізіцца да вас; ачысьціце рукі, грэшнікі, папраўце сэрцы, двудушныя;

1 ПЯТРА 1:22

Паслушэнствам ісьціне праз Духа ачысьціўшы душы вашыя да некрывадушнага браталюбства, няспынна любеце адно аднаго ад чыстага сэрца,

1 ПЯТРА 2:1

Дык вось, адклаўшы ўсякую злосьць і ўсякае падступства і крывадушнасьць і зайздрасьць і ўсякае ліхаслоўе,

1 ПЯТРА 2:18

Слугі, - з поўным страхам скарайцеся гаспадарам, ня толькі добрым і лагодным, але і суровым.

1 ЯНА 3:18

Дзеці мае! будзем любіць ня словам альбо языком, а ўчынкамі і праўдаю.

1 ЯНА 3:3

І кожны, хто мае гэтую надзею на Яго, ачышчае сябе, бо Ён чысты.