ЮДЫ 1:19 - Біблія (пераклад В. Сёмухі)

¹⁹ Гэта - людзі, якія адлучаюць сябе (ад адзінства веры), душэўныя, але бяз духу.

Біблія (пераклад А.Бокуна)

¹⁹ Гэта тыя, якія адлучаюць сябе ад іншых, душэўныя, але ня маюць духа.

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁹ Гэта тыя, што самі сябе адлучаюць, душэўныя; яны не маюць Духа.

ЮДЫ 1:19 Крыжаваныя спасылкі

1 КАРЫНФЯНАЎ 2:14

Душэўны чалавек ня прымае таго, што ад Духа Божага, бо ён лічыць гэта юродзтвам; і ня можа разумець, бо пра гэта трэба разважаць духоўна.

РЫМЛЯНАЎ 8:9

Але вы не паводле плоці жывяце, а паводле Духа, калі толькі Дух Божы жыве ў вас. Калі ж хто Духа Хрыстовага ня мае, той не Ягоны.

ЯКАВА 3:15

гэта бо ня мудрасьць, што згары прыходзіць, а зямная, плоцкая, дэманская;

ГАБРЭЯЎ 10:25

ня будзем пакідаць сходу свайго, як гэта ў некаторых у звычаі; а будзем намаўляць адно аднаго, і тым болей, чым выразьней бачыце набліжэньне дня таго.

АСІІ 9:10

Як вінаград у пустыні, Я знайшоў Ізраіля; як першую ягадзіну на смакоўніцы, у першы час яе, убачыў я бацькоў вашых, - але яны пайшлі да Ваалфэгора і аддаліся ганебшчыне, і самі зрабіліся мярзотнымі, як тыя, якіх палюбілі.

ВЫСЛОЎІ 18:1

Сваволі шукае прымхлівы, паўстае супроць усяго разумнага.

АСІІ 4:14

Я пакіну караць дочак вашых, калі яны блудадзейнічаюць, а нявестак вашых, калі яны пералюбы чыняць, бо вы самыя - на баку блудадзеек і зь любадзейкамі прыносіце ахвяры, а невук-народ гіне.

ЕЗЭКІІЛЯ 14:7

Бо калі хто з дому Ізраілевага і з прыхадняў, якія жывуць у Ізраіля, адпадзе ад Мяне і дапусьціць ідалаў сваіх у сэрца сваё, і паставіць спакусу бязбожнасьці сваёй перад абліччам сваім і прыйдзе да прарока папытацца ў Мяне празь яго, - дык Я, Гасподзь, ці дам яму адказ ад Сябе?

1 КАРЫНФЯНАЎ 6:19

Ці ня ведаеце, што целы вашыя - храм Сьвятога Духа, Які ў вас жыве, Якога маеце вы ад Бога, і вы не належыце сабе?

ІСАІ 65:5

які кажа: «спыніся: не падыходзь да мяне, бо я сьвяты для цябе». Яны - дым у нос Мой, - агонь, што гарыць кожны дзень.