ЭФЭСЯНАЎ 1:7 - Біблія (пераклад В. Сёмухі)

⁷ у Якім мы маем адкупленьне Крывёю Ягонай, дараваньне грахоў, паводле багацьця мілаты Ягонай,

Біблія (пераклад А.Бокуна)

⁷ у Якім маем адкупленьне праз кроў Яго, адпушчэньне грахоў, паводле багацьця ласкі Яго,

Кнігі Святога Пісання - Біблія - Біблія — пераклад Чарняўскага (выданне 2017 года)

⁷ у Якім маем адкупленне праз Кроў Яго, адпушчэнне грахоў паводле багацця ласкі Яго,

ЭФЭСЯНАЎ 1:7 Крыжаваныя спасылкі

ЁВА 33:24

Бог умілажаліцца зь яго і скажа: вызвалі яго ад магілы; Я знайшоў умілажаленьне.

ПСАЛТЫР 86:5

А пра Сіён казаць будуць: «такі-а-такі і такі-а-такі муж нарадзіўся ў ім, і Сам Усявышні ўмацаваў яго».

ВЫХАД 34:7

Які захоўвае літасьць у тысячы родаў, даруе віну і злачынства і грэх, але не пакідае без пакараньня, карае віну бацькоў у дзецях і ў дзецях дзяцей да трэцяга і чацьвёртага роду.

ІСАІ 43:25

Я, Я Сам згладжваю злачынствы твае дзеля Сябе Самога і грахоў тваіх не ўзгадаю.

ЕРАМІІ 31:34

І ўжо ня будуць вучыць адзін аднаго, брат - брата і казаць: «спазнайце Госпада», бо ўсе самі будуць ведаць Мяне, ад малога да старога, кажа Гасподзь, бо Я дарую беззаконьні іхнія і грахоў іхніх ужо не спамяну болей.

ДАНІІЛА 9:19

Госпадзе, выслухай! Госпадзе, даруй! Госпадзе, уважы і зьдзейсьні, не спазьніся дзеля Цябе Самога, Божа мой, бо Тваё імя названа над горадам Тваім і над народам Тваім!»

ДАНІІЛА 9:9

А Госпаду Богу нашаму - міласэрнасьць і дараваньне, бо мы бунтаваліся супроць Яго,

ЁНЫ 4:2

І маліўся ён Госпаду і сказаў: «о, Госпадзе! ці ж ня раз гэта казаў я, калі быў яшчэ ў краіне маёй? Таму я і пабег у Тарсіс, бо ведаў, што Ты - Бог добры і міласэрны, шматцярплівы і шматлітасьцівы, і шкадуеш за бедства.

МІХЕЯ 7:18

Хто Бог, як Ты, Які выбачаеш беззаконьне і не залічваеш злачынствы астатку спадчыны Тваёй? ня вечна гневаецца Ён, бо любіць літаваць.

ЗАХАРЫІ 13:1

У той дзень адчыніцца крыніца дому Давідаваму і жыхарам Ерусаліма для адмываньня грэху і нечыстаты.

ЗАХАРЫІ 13:7

О, меч! падыміся на пастыра Майго і на блізкага Майго, кажа Гасподзь Саваоф: пакараю пастыра, і расьсеюцца авечкі! І Я абярну руку Маю на малых.

ЗАХАРЫІ 9:11

А што да цябе, дзеля крыві запавету твайго Я вызвалю вязьняў тваіх з рова, у якім няма вады.

МАЦЬВЕЯ 20:28

бо Сын Чалавечы ня прыйшоў, каб Яму служылі, а каб паслужыць і аддаць душу Сваю як выкуп за многіх.

МАЦЬВЕЯ 26:28

бо гэта Кроў Мая новага запавету, за многіх праліваная дзеля дараваньня грахоў.

МАЦЬВЕЯ 6:12

і даруй нам правіны нашыя, як і мы даруем вінаватым перад намі;

МАРКА 14:24

І сказаў ім: гэта Кроў Мая новага запавету, за многіх праліваная.

ЛУКАША 1:77

каб разумеў народ Ягоны ратунак у дараваньні грахоў іхніх,

ЛУКАША 24:47

і абвешчаным быць у імя Ягонае пакаяньню і дараваньню грахоў ува ўсіх народах, пачынаючы зь Ерусаліма;

ЯНА 20:23

каму даруеце грахі, таму даруюцца: на кім пакінеце, на тым застануцца.

ДЗЕІ 10:43

Пра Яго ўсе прарокі сьведчаць, што ўсякі, хто верыць у Яго, атрымае дараваньне грахоў імем Ягоным.

ДЗЕІ 2:38

А Пётр сказаў ім: пакайцеся, і хай ахрысьціцца кожны з вас у імя Ісуса Хрыста на дараваньне грахоў, - і атрымаеце дар Сьвятога Духа;

ДЗЕІ 20:28

Дык вось, пільнуйце сябе і ўвесь статак, у якім Дух Сьвяты паставіў вас ахавальнікамі, пасьвіць Царкву Госпада і Бога, якую Ён здабыў Сабе Крывёю Сваёю.

ДЗЕІ 3:19

Дык пакайцеся і навярнецеся, каб загладзіліся грахі вашыя,

РЫМЛЯНАЎ 2:4

Альбо пагарджаеш багацьцем даброці, лагоднасьці і вялікай цярплівасьці Божай, не разумеючы, што даброць Божая вядзе цябе да пакаяньня?

РЫМЛЯНАЎ 3:24

атрымліваючы апраўданьне дарам, паводле мілаты Ягонай, адкупленьнем у Ісусе Хрысьце,

РЫМЛЯНАЎ 3:25

Якога Бог прынёс у ахвяру ўмілажальваньня ў Крыві Ягонай празь веру, для паказу справядлівасьці Ягонай ў дараваньні грахоў, учыненых раней,

РЫМЛЯНАЎ 9:23

каб разам выявіць багацьце славы Сваёй над посудамі міласэрнасьці, якія Ён падрыхтаваў для славы, -

1 КАРЫНФЯНАЎ 1:30

Ад Яго і вы ў Хрысьце Ісусе, Які зрабіўся нам мудрасьцю ад Бога, праведнасьцю і асьвячэньнем і адкупленьнем,

2 КАРЫНФЯНАЎ 8:9

Бо ведаеце вы мілату Госпада нашага Ісуса Хрыста, што Ён, будучы багаты, зьбяднеў дзеля вас, каб вы ўзбагаціліся Ягонай беднасьцю.

ЭФЭСЯНАЎ 1:14

Які ёсьць зарука спадчыны нашай, на адкупленьне долі Ягонай, на хвалу славы Ягонай!

ЭФЭСЯНАЎ 1:18

і прасьветліў вочы сэрца вашага, каб вы ўведалі, у чым надзея закліканьня Ягонага, і якое багацьце слаўнае спадчыны Ягонай для сьвятых,

ЭФЭСЯНАЎ 1:6

на хвалу славы мілаты Сваёй, якою Ён умілаваў нас у Любасным,

ЭФЭСЯНАЎ 1:8

якую Ён у вялікай шчодрасьці даў нам ва ўсякай мудрасьці і разуменьні,

ЭФЭСЯНАЎ 2:4

Бог, багаты міласэрнасьцю, зь вялікай сваёй любові, якою палюбіў вас,

ЭФЭСЯНАЎ 2:7

каб зьявіць у наступных вяках найшчадрэйшае багацьце мілаты Сваёй у даброці да нас у Хрысьце Ісусе.

ЭФЭСЯНАЎ 3:16

хай дасьць вам, па багацьці славы Сваёй, моцна ўцьвердзіцца Духам Ягоным ва ўнутраным чалавеку,

ЭФЭСЯНАЎ 3:8

Мне, самаму найменшаму з усіх сьвятых, дадзена мілата гэтая - зьвеставаць язычнікам недасьледнае багацьце Хрыстовае

ПІЛІПЯНАЎ 4:19

Бог мой няхай адшкадуе вам на любую патрэбу вашую, ад багацьця Свайго ў славе, празь Ісуса Хрыста.

КАЛАСЯНАЎ 1:14

у Якім мы маем адкупленьне Крывёю Ягонаю і дараваньне грахоў,

КАЛАСЯНАЎ 1:27

якім дабараволіў Бог паказаць, якое багацьце славы ў тайне гэтай для язычнікаў, якая ёсьць Хрыстос у вас, надзея славы,

КАЛАСЯНАЎ 2:13

і вас, якія былі мёртвыя ў грахах і ў неабразаньні плоці вашай, ажывіў разам зь Ім, дараваўшы нам усе грахі,

КАЛАСЯНАЎ 2:2

каб усьцешыліся сэрцы іхнія, паяднаныя ў любові, каб узбагаціліся поўным разуменьнем дзеля дасканалага спазнаньня тайны Бога і Айца і Хрыста,

1 ЦІМАФЕЯ 2:6

Які аддаў Сябе на адкупленьне ўсіх: такое было ў свой час сьведчаньне,

ЦІТА 2:14

Які аддаў Сябе за нас, каб выбавіць нас з усякай беззаконнасьці і ачысьціць Сабе народ адмысловы, шчыра адданы добрым учынкам.

ЦІТА 3:6

Якога выліў на нас шчодра празь Ісуса Хрыста, Збаўцу нашага,

ГАБРЭЯЎ 9:22

Ды і ўсё амаль паводле закона ачышчаецца крывёю, і без праліцьця крыві ня бывае дараваньня.

1 ПЯТРА 2:24

Ён грахі нашыя Сам узьнёс Целам Сваім на дрэва, каб мы, адцураўшыся грахоў, жылі дзеля праўды: ранамі Ягонымі вы ацаліліся.

1 ПЯТРА 3:18

бо і Хрыстос, каб прывесьці нас да Бога, аднаго разу пацярпеў за грахі нашыя, праведны за няправедных, быўшы забіты ў целе, але ажылы духам,

1 ЯНА 2:12

Пішу вам, дзеці, бо дараваныя вам грахі дзеля імя Ягонага.

1 ЯНА 2:2

Ён ёсьць ахвяра мілажалю за грахі нашыя, і ня толькі за нашыя, але і ўсяго сьвету.

1 ЯНА 4:10

У тым любоў, што ня мы палюбілі Бога, а Ён палюбіў нас і паслаў Сына Свайго, каб умілажаліцца з грахоў нашых.

АДКРЫЦЦЁ 14:4

Гэта тыя, якія не апаганіліся з жанчынамі, бо яны цнотнікі; гэта тыя, якія ідуць сьледам за Ягнём, куды б яно ні пайшло. Яны адкуплены зь людзей, як першынцы Богу і Ягняці,

АДКРЫЦЦЁ 5:9

і сьпяваюць новую песьню, кажучы: Ты варты ўзяць кнігу і зьняць зь яе пячаткі; бо Ты быў заколаты, і Крывёю Сваёю Ты адкупіў нас Богу з кожнага калена і роду, і народу і племені,