СУДЗЬДЗЯЎ 19:16 - Біблія (пераклад В. Сёмухі)

¹⁶ І вось, ідзе адзін стары з працы сваёй з поля ўвечары; ён родам быў з гары Яфрэмавай, і жыў у Гіве. А жыхары горада гэтага былі сыны Веньямінавыя.

Біблія (пераклад А.Бокуна)

¹⁶ У той дзень адзін стары вяртаўся ўвечары з працы сваёй у полі. Ён быў з гары Эфраіма і як прыхадзень жыў у Гіве. А ў тым горадзе людзі былі з сыноў Бэн’яміна.

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁶ І вось, з’явіўся стары чалавек, што вяртаўся вечарам са сваёй працы ў полі; ён і сам быў з гары Эфраім і як чужынец жыў у Габе; а ў той мясцовасці людзі былі з пакалення Бэньяміна.

СУДЗЬДЗЯЎ 19:16 Крыжаваныя спасылкі

БЫЦЦЁ 3:19

У поце твару твайго будзеш есьці хлеб, пакуль ня вернешся ў зямлю, зь якое ты ўзяты; бо пыл ты і ў пыл вернешся.

ПСАЛТЫР 104:23

Тады прыйшоў Ізраіль у Егіпет, і перасяліўся Якаў у зямлю Хамаву,

ПСАЛТЫР 128:2

шмат уціскалі мяне зь юнацтва майго, але не адолелі мяне.

ВЫСЛОЎІ 13:11

Багацьце ад марнасьці памяншаецца, а хто зьбірае працаю, памнажае яго.

ВЫСЛОЎІ 14:23

Ад усякае працы ёсьць прыбытак, а ад пустаслоўя толькі пахіба.

ВЫСЛОЎІ 24:27

Зрабі справы свае па-за домам, закончы іх на полі тваім, а потым уладжвай і дом твой.

ЭКЛЕЗІЯСТА 1:13

І паклаў я на сэрца помысел мой, каб шукаць і дасьледаваць мудрасьцю ўсё, што пад небам робіцца: гэты прыкры занятак даў Бог сынам чалавечым, каб кіраваліся ім.

ЭКЛЕЗІЯСТА 5:12

Ёсьць нядоля балючая, якую я пад сонцам бачыў: багацьце, якое ўласьнік пільнуе на шкоду сабе.

АСІІ 9:9

Глыбока ўпалі яны, разбэсьціліся, як за дзён Гівы; Ён успомніў бязбожнасьць іхнюю, пакарае іх за грахі іхнія.

ЭФЭСЯНАЎ 4:28

Хто краў, больш ня крадзь, а лепей працуй, робячы сваімі рукамі карыснае, каб было з чаго выдзяляць таму, хто мае патрэбу.

2 ФЕСАЛОНІКІЙЦАЎ 3:10

Бо, калі мы былі ў вас, дык наказвалі вам вось што: калі хто ня хоча працаваць, той і ня еж.

СУДЗЬДЗЯЎ 19:1

У тыя дні, калі ня было цара ў Ізраіля, жыў адзін лявіт на схіле гары Яфрэмавай. І ўзяў сабе наложніцу зь Віфляема Юдэйскага.

СУДЗЬДЗЯЎ 19:14

І пайшлі, і ішлі, і закацілася сонца каля Гівы Веньямінавай.

СУДЗЬДЗЯЎ 19:15

І завярнулі яны туды, каб пайсьці начаваць у Гіве. І прыйшоў ён і сеў на вуліцы ў горадзе; але ніхто не запрашаў іх у дом на наялег.

СУДЗЬДЗЯЎ 19:17

Ён падняў вочы свае, убачыў прахожага на вуліцы гарадской. І сказаў стары: куды ідзеш? і адкуль ты прыйшоў?