СУДЗЬДЗЯЎ 16:30 - Біблія (пераклад В. Сёмухі)

³⁰ І сказаў Самсон: памры, душа мая, з Філістымлянамі! І ўперся з усяе сілы, і абваліўся дом на ўладцаў і на ўвесь народ, які быў у ім. І было памерлых, якіх забіў Самсон пры сьмерці сваёй, больш, чым калі забіў ён у жыцьці сваім.

Біблія (пераклад А.Бокуна)

³⁰ І сказаў Самсон: «Няхай памрэ душа мая разам з Філістынцамі!» І страсянуў ён моцна слупы, і ўпаў дом на ўсіх князёў, і на ўсіх іншых, якія там былі. І тых, якіх ён тады забіў, сам гінучы, было болей, чым тых, якіх ён пазабіваў у час усяго жыцьця свайго.

Кнігі Святога Пісання - Біблія - Біблія — пераклад Чарняўскага (выданне 2017 года)

³⁰ і сказаў Самсон: «Хай памрэ душа мая разам з філістынцамі!» І страсянуў ён моцна калоны, і ўпаў дом на ўсіх князёў, і на ўсіх іншых, якія там былі; і тых, каго ён тады забіў, сам гінучы, было болей, чым тых, каго пазабіваў за час усяго жыцця свайго.

СУДЗЬДЗЯЎ 16:30 Крыжаваныя спасылкі

ПІЛІПЯНАЎ 2:8

упакорыў Сябе і быў паслухмяны аж да сьмерці, і сьмерці крыжовай.

МАЦЬВЕЯ 16:25

Бо хто хоча душу сваю ўратаваць, той страціць яе; а хто страціць душу сваю дзеля Мяне, той знойдзе яе;

1 ФЕСАЛОНІКІЙЦАЎ 5:2

бо самі вы дакладна ведаеце, што дзень Гасподні так прыйдзе, як злодзей уначы.

КАЛАСЯНАЎ 2:15

забраўшы сілу ў начальстваў і ўладаў, уладна паставіў іх пад ганьбу, перамогшы іх Сабою.

ПІЛІПЯНАЎ 2:30

бо ён за справу Хрыстовую хадзіў каля сьмерці, ставіў жыцьцё пад пагрозу, каб дапоўніць недахоп вашых паслугаў мне.

ПІЛІПЯНАЎ 2:17

Але калі я і мушу зрабіцца ахвяраю за ахвяру і служэньне веры вашай, дык радуюся і цешуся разам з усімі за вас;

ДЗЕІ 21:13

Але Павал у адказ сказаў: што вы робіце? чаго плачаце і засмучаеце сэрца маё? я ня толькі хачу быць вязьнем, але гатовы памерці ў Ерусаліме за імя Госпада Ісуса.

ДЗЕІ 20:24

Але я ні на што не зважаю і не даражу сваім жыцьцём, толькі б з радасьцю зьдзейсьніць абавязак мой і служэньне, якое я прыняў ад Госпада Ісуса, прапаведаваць Дабравесьце мілаты Божай.

ЭКЛЕЗІЯСТА 9:12

Бо чалавек сваёй пары ня знае. Як рыбы ловяцца ў згубную сетку, як птушкі ў сілах заблытваюцца, так сыны чалавечыя за ліхі час хапаюцца, калі ён раптоўна находзіць на іх.

ПСАЛТЫР 62:3

каб бачыць сілу Тваю і славу Тваю, як бачыў Цябе ў сьвятыні:

ЁВА 31:3

Ці не для бязбожніка пагібель, і напасьце ці ж не для таго, хто ўчыняе ліха?

ЁВА 20:5

весялосьць беззаконных кароткая ў часе, і радасьць крывадушнікаў імгненная?

БЫЦЦЁ 3:15

і варожасьць пакладу паміж табою і паміж жанчынаю, і паміж семем тваім і паміж семем яе; яно будзе біць цябе ў галаву, а ты будзеш джаліць яго ў пяту.

СУДЗЬДЗЯЎ 15:15

Знайшоў ён сьвежую асьліную сківіцу, і, працягнуўшы руку сваю, узяў яе, і забіў ёю тысячу чалавек.

СУДЗЬДЗЯЎ 15:8

І перабіў ён ім галені і клубы, і пайшоў і засеў у цясьніне скалы Этама.

СУДЗЬДЗЯЎ 14:19

І сышоў на яго Дух Гасподні, і пайшоў ён у Аскалон, і, забіўшы там трыццаць чалавек, зьняў зь іх вопратку, і аддаў перамены вопраткі тым, што разгадалі загадку ягоную. І запалаў гнеў ягоны, і пайшоў ён у дом да бацькі свайго.

СУДЗЬДЗЯЎ 16:29

І ссунуў Самсон зь месца два сярэднія слупы, на якіх уцьверджаны быў дом, упершыся ў іх, у адзін праваю рукою сваёю, а ў другі леваю.

СУДЗЬДЗЯЎ 16:31

І прыйшлі браты ягоныя і ўвесь дом бацькі ягонага, і ўзялі яго, і пайшлі і пахавалі яго паміж Цораю і Эстаолам, у магіле Маноя, бацькі ягонага. Ён быў судзьдзя Ізраіля дваццаць гадоў.