РЫМЛЯНАЎ 6:22 - Біблія (пераклад В. Сёмухі)

²² А сёньня, калі вы вызваліліся з грэху і сталіся рабамі Богу, плён ваш ёсьць сьвятасьць, а канец - жыцьцё вечнае.

Біблія (пераклад А.Бокуна)

²² А цяпер, вызваліўшыся ад грэху і стаўшыся слугамі Бога, вы маеце плод свой на сьвятасьць, а канец — жыцьцё вечнае.

Кнігі Святога Пісання - Біблія - Біблія — пераклад Чарняўскага (выданне 2017 года)

²² Цяпер жа, вызваленыя ад граху ды ўчыненыя паслугачамі Бога, маеце плод ваш на асвячэнне, а канец – жыццё вечнае!

РЫМЛЯНАЎ 6:22 Крыжаваныя спасылкі

1 ПЯТРА 2:16

як вольныя, а ня як тыя, што карыстаюцца воляю, каб прыхаваць зло, а як рабы Божыя.

РЫМЛЯНАЎ 6:18

А вызваліўшыся ад грэху, вы зрабіліся рабамі праведнасьці.

РЫМЛЯНАЎ 8:2

бо закон Духа жыцьця ў Хрысьце Ісусе вызваліў мяне ад закона грэху і сьмерці.

ЯНА 8:32

І спазнаеце праўду, і праўда зробіць вас свабоднымі.

ГАЛЯТАЎ 5:13

Да вольнасьці закліканы вы, браты, толькі вольнасьць ваша ня была б повадам дагаджаць плоці; а любоўю служэце адно аднаму.

1 КАРЫНФЯНАЎ 7:22

Бо раб, пакліканы ў Госпадзе, ёсьць вольнік Гасподні; гэтак сама і пакліканы вольнік ёсьць раб Хрыстовы.

1 ПЯТРА 1:9

дасягаючы нарэшце вераю вашаю выратаваньня душ;

ГАЛЯТАЎ 1:10

Ці ў людзей я цяпер шукаю ўпадабаньня, ці ў Бога? ці людзям дагаджаць стараюся? Калі б я і дагэтуль дагаджаў людзям, дык ня быў бы рабом Хрыстовым.

РЫМЛЯНАЎ 6:14

Грэх не павінен над вамі валадарыць, бо вы не пад законам, а пад мілатою.

ІСАІ 54:17

Ніякая зброя, зробленая на цябе, ня дасьць посьпеху; і кожны язык, які будзе спаборнічаць з табою на судзе, - ты зьвінаваціш. Гэта спадчына рабоў Госпада, апраўданьне іх ад Мяне, кажа Гасподзь.

ГАЛЯТАЎ 5:22

А плод Духа: любоў, радасьць, згода, доўгая цярплівасьць, добрасьць, міласэрнасьць, вера,

РЫМЛЯНАЎ 7:4

Гэтак і вы, браты мае, памерлі для закона Целам Хрыстовым, каб належаць Іншаму, Уваскрэсламу зь мёртвых, каб прынесьлі мы плод Богу.

РЫМЛЯНАЎ 6:21

Які ж плён мы мелі тады? такія дзеі, якіх сёньня самі саромеецеся, бо канец іхні - сьмерць.

МАЦЬВЕЯ 25:46

І пойдуць гэтыя на пакуты вечныя, а праведнікі ў жыцьцё вечнае.

ДАНІІЛА 3:26

Тады Навухаданосар падышоў да вусьця распаленай вогненнай печы, і сказаў: «Сэдрах, Місах і Аўдэнага, рабы Бога Ўсявышняга! выйдзіце і падыдзеце!» Тады Сэдрах, Місах і Аўдэнага выйшлі зь сярэдзіны агню.

ПСАЛТЫР 143:12

Хай будуць сыны нашыя, як расьліны збуялыя ў іх маладосьці; дочкі нашыя - як слупы на акрасу разьбёныя ў харомах.

ЦІТА 1:1

Павал, раб Божы, і апостал Ісуса Хрыста, па веры выбраных Божых і спазнаньня ісьціны, што вядзе да пабожнасьці,

КАЛАСЯНАЎ 1:10

каб жылі годна Бога, ува ўсім дагаджаючы Яму, родзячы плод ва ўсякай працы добрай і ўзрастаючы ў спазнаньні Бога,

ПІЛІПЯНАЎ 4:17

Ня тое, каб шукаў я дароў; а шукаю плоду, які памнажаецца на карысьць вам.

ПІЛІПЯНАЎ 1:11

поўныя пладоў праведнасьці празь Ісуса Хрыста, на славу і хвалу Божую.

ЭФЭСЯНАЎ 5:9

бо плод Духа - ва ўсякай даброці, праведнасьці і ісьціне.

2 КАРЫНФЯНАЎ 3:17

Гасподзь ёсьць Дух; а дзе Дух Гасподні, там свабода.

РЫМЛЯНАЎ 7:25

Дзякую Богу (майму) празь Ісуса Хрыста, Госпада нашага. Дык вось, сам я служу розумам закону Божаму, а плоцьцю - закону грахоў.

ЯНА 15:16

Ня вы Мяне выбралі, а Я вас выбраў і паставіў вас, каб вы ішлі і радзілі плод, і каб плод ваш заставаўся, каб, чаго ні папросіце ў Айца ў імя Маё, Ён даў вам.

ЯНА 15:2

кожную зь Мяне галінку, якая ня родзіць плоду, Ён абцінае; і кожную, якая родзіць плод, ачышчае, каб больш урадзіла плоду.

ЯНА 4:36

хто жне, дастае ўзнагароду і зьбірае плод у жыцьцё вечнае, так што і сейбіт і жнец разам радавацца будуць;

МАЦЬВЕЯ 19:29

і кожны, хто пакіне дамы, альбо братоў, альбо сёстраў, альбо бацьку, альбо маці, альбо жонку, альбо дзяцей, альбо землі дзеля імя Майго, атрымае ў сто разоў больш і ўспадкуе жыцьцё вечнае.

МАЦЬВЕЯ 13:43

тады праведныя зазьзяюць, як сонца, у Царстве Айца іх. Хто мае вушы, каб чуць, няхай чуе!

МАЦЬВЕЯ 13:40

А таму, як зьбіраюць куколь і агнём паляць, гэтак сама будзе пры сканчэньні веку гэтага:

ЁВА 1:8

І сказаў Гасподзь сатане: ці зьвярнуў ты ўвагу сваю на раба Майго Ёва? бо няма такога, як ён, на зямлі: чалавек беззаганны, справядлівы, богабаязны і ўцечны ад зла.

ЛІКІ 23:10

Хто палічыць пясок Якава і велічыню чацьвёртай часткі Ізраіля? Хай памрэ душа мая сьмерцю праведнікаў, і хай будзе скон мой, як і іхні!

БЫЦЦЁ 50:17

так скажэце Язэпу: даруй братам тваім віну і грэх іхні, бо яны зрабілі табе благое. І сёньня даруй правіны рабоў Бога бацькі твайго. Язэп плакаў, калі яму казалі гэта.

АДКРЫЦЦЁ 7:13

І, пачаўшы прамову, адзін старац спытаўся ў мяне: гэтыя апранутыя ў белую адзежу, хто, і адкуль прыйшлі?

ЯКАВА 1:1

Якаў, раб Бога і Госпада Ісуса Хрыста, дванаццаці родам, якія ў расьсеяньні, - радавацца!

ДАНІІЛА 6:20

і, падышоўшы да рова, жаласным голасам клікнуў Данііла, і сказаў цар Даніілу: «Данііле, рабе Бога жывога! Бог твой, Якому ты заўсёды служыш, ці мог цябе ўратаваць ад ільвоў?»

ПСАЛТЫР 86:2

Падмурак ягоны на горах сьвятых. Гасподзь любіць браму Сіёна больш за ўсе паселішчы Якава.

КАЛАСЯНАЎ 4:12

Вітае вас Эпафрас, раб Ісуса Хрыста, які заўсёды дабразычыць вам у малітвах, каб вы былі дасканалыя і напоўненыя ўсім, што даспадобы Богу.

ГАБРЭЯЎ 12:14

Старайцеся мець мір з усімі і сьвятасьць, безь якое ніхто не пабачыць Госпада.