ПСАЛТЫР 7:10 - Біблія (пераклад В. Сёмухі)

¹⁰ Хай суймецца злосьць бязбожных, а справядлівага ўмацуй, бо Ты выпрабоўваеш сэрца й нутрыну, праведны Божа!

Біблія (пераклад А.Бокуна)

¹⁰ Няхай счэзьне ліхота бязбожнікаў, але ўмацуй праведнага Ты, Які выспрабоўваеш сэрцы і ныркі, Божа Праведны!

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁰ Хай спыніцца зласлівасць грэшнікаў, а справядлівага ўмацуй, справядлівы Божа, што пранікаеш у сэрцы і ўлонні.

ПСАЛТЫР 7:10 Крыжаваныя спасылкі

ВЫСЛОЎІ 28:18

Хто ходзіць беззаганна, той будзе ўратаваны; а хто ходзіць крывымі дарогамі, упадзе на адной зь іх.

ПСАЛТЫР 125:4

Вярні, Госпадзе, паланёных нашых, як патокі на поўдзень.

ПСАЛТЫР 84:11

Вернасьць і мілата сустрэнуцца, справядлівасьць і мір пацалуюцца;

ВЫСЛОЎІ 11:20

Агіда Госпаду - падступныя сэрцам; а падабаецца Яму, хто ў беспахібнасьці ходзіць.

БЫЦЦЁ 15:1

Пасьля гэтых падзей было слова Госпада Абраму ў відзежы, і сказана: ня бойся, Абраме; Я твой шчыт; узнагарода твая даволі вялікая.

ВЫСЛОЎІ 2:21

бо праведныя будуць жыць на зямлі, і беспахібныя застануцца на ёй;

ПСАЛТЫР 112:2

Хай будзе імя Гасподняе дабраславёна ад сёньня і навечна,

ПСАЛТЫР 3:3

Шмат каторыя кажуць душы маёй: «Няма яму ў Богу ратунку!»

ЁВА 8:6

і калі ты чысты і з праўдаю, дык Ён сёньня ж устане над табою і замірыць жытлішча праўды тваёй.

1 ЛЕТАПІСАЎ 28:9

І ты, Саламоне, сыне мой, ведай Бога бацькі твайго і служы Яму ад усяго сэрца і ад усёй душы, бо Гасподзь выпрабоўвае ўсе сэрцы і ведае ўсе рухі думак. Калі будзеш ісьціць Яго, дык знойдзеш Яго, а калі пакінеш Яго, Ён пакіне цябе назаўсёды.

2 ЛЕТАПІСАЎ 6:30

Ты пачуй зь неба - месца пабытаваньня Твайго, і даруй, і аддай кожнаму паводле шляхоў ягоных, як Ты ведаеш сэрца ягонае, - бо Ты адзін ведаеш сэрца сыноў чалавечых,

ЕРАМІІ 11:20

Але, Госпадзе Саваофе, Судзьдзя справядлівы, выпрабавальнік сэрца і нутробы! дай пабачыць мне помсту Тваю над імі, бо Табе даверыў я справу маю.

ЕРАМІІ 17:10

Я, Гасподзь, пранікаю ў сэрца і выпрабоўваю ўсярэдзіне, каб даць кожнаму паводле шляху ягонага і паводле плёну дзеяў ягоных.