ПЛАЧ 5:16 - Біблія (пераклад В. Сёмухі)

¹⁶ Упаў вянок з галавы нашай; гора нам, што мы зграшылі!

Біблія (пераклад А.Бокуна)

¹⁶ Звалілася карона з галавы нашай; гора нам, бо мы саграшылі.

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁶ З галавы нашай спаў вянец, гора нам, бо мы награшылі!

ПЛАЧ 5:16 Крыжаваныя спасылкі

ЁВА 19:9

Зьняў зь мяне славу маю і зьняў вянок з галавы маёй.

ВЫСЛОЎІ 14:34

Праведнасьць узвышае народ, а беззаконьне - ганьба народаў.

ВЫСЛОЎІ 27:24

бо багацьце не навекі, ды і ўлада іхняя хіба з роду ў род?

ІСАІ 3:8

Так рухнуў Ерусалім, і ўпаў Юда, бо язык іх і дзеі іхнія - супроць Госпада, абразьлівыя вачам славы Ягонай.

ЕРАМІІ 13:18

Скажы цару і царыцы: упакорцеся, сядзьце ніжэй, бо ўпаў з галавы вашай вянок славы вашай.

ЕРАМІІ 2:17

Ці ня ўчыніў ты сабе гэтага тым, што занядбаў Госпада Бога твайго ў той час, калі Ён вёў цябе па дарозе?

ЕРАМІІ 2:19

Пакарае цябе бязбожнасьць твая, і адступніцтва тваё выкрые цябе: дык вось, спазнай і разваж, як блага і горка тое, што ты занядбаў Госпада Бога твайго, і страху Майго няма ў табе, кажа Гасподзь Бог Саваоф.

ЕРАМІІ 32:23

Яны ўвайшлі і завалодалі ёю, але перасталі слухацца голасу Твайго і рабіць паводле закона Твайго, перасталі рабіць тое, што Ты наказаў ім рабіць, і за тое Ты навёў на іх усё гэта бедства.

ЕРАМІІ 4:18

Шляхі твае і дзеі твае прычынілі табе гэта; ад тваёй бязбожнасьці табе так горка, што даходзіць да сэрца твайго.

ПЛАЧ 1:1

Які асамотнены горад, людны калісьці! ён нібы аўдавеў; вялікі паміж народамі, уладца краін адрабляе даніну.

ПЛАЧ 1:18

Гасподзь праведны, бо не ўпакораны быў я слову Ягонаму. Паслухайце, усе народы, і зірнеце на немач маю: дзевы мае і хлопцы мае ў няволю пайшлі.

ПЛАЧ 1:20

Паглядзі, Госпадзе, бо мне цесна, хвалюецца ўва мне нутроба, сэрца маё перавярнулася ўва мне за тое, што я ўпарта Табе супрацівіўся; меч звонку зьбязьдзетніў мяне, а дома - як сьмерць.

ПЛАЧ 1:8

Цяжка зграшыў Ерусалім, і за тое зрабіўся агідны; кожны, хто славіў яго, глядзіць на яго з пагардай, галізну ягоную ўбачыўшы; ён і сам уздыхае і адварочваецца.

ПЛАЧ 2:1

І як спахмурніў Гасподзь у гневе Сваім дачку Сіёна! скінуў зь нябёсаў на зямлю красу Ізраіля і не ўзгадаў пра падножжа ног Сваіх у дзень гневу Свайго.

ПЛАЧ 4:13

Усё гэта - за грахі ілжэпрарокаў, за беззаконьні яго сьвятароў, што пралівалі кроў праведнікаў;

ЕЗЭКІІЛЯ 21:26

так кажа Гасподзь Бог: здымі зь сябе дыядэму і складзі вянок: гэтага ўжо ня будзе: прыніжанае ўзвысіцца і высокае прынізіцца.

МІХЕЯ 6:13

дык і Я нявылечна ўражу цябе спусташэньнем за грахі твае.

АДКРЫЦЦЁ 2:10

Ня бойся нічога, што табе выпадзе перацярпець. Вось, д'ябал будзе ўкідаць з асяродзьдзя вас у цямніцу, каб спакусіць вас, і будзеце мець скруху дзён дзесяць. Будзь верны да сьмерці, і дам табе вянок жыцьця.

АДКРЫЦЦЁ 3:11

Вось, я прыйду неўзабаве; трымай, што маеш, каб хто не ўхапіў вянка твайго.

1 ЦАРСТВАЎ 7:6

І сабраліся ў Масіфу, і чэрпалі ваду, і вылівалі прад Госпадам, і пасьціліся ў той дзень, кажучы: зграшылі мы прад Госпадам. І судзіў Самуіл сыноў Ізраілевых у Масіфе.