ПІЛІПЯНАЎ 4:8 - Біблія (пераклад В. Сёмухі)

⁸ Нарэшце, браты мае, што толькі ў ісьціне, што сумленнае, што справядлівае, што чыстае, што любае, што вартае хвалы, што толькі дабрадзейнасьць, ці што пахвалы годнае, - тое і майце наўме.

Біблія (пераклад А.Бокуна)

⁸ Нарэшце, браты, што ёсьць праўдзівае, што сумленнае, што справядлівае, што чыстае, што вартае любові, што добрай славы, калі ёсьць якая цнота і якая пахвала, — пра тое думайце.

Кнігі Святога Пісання - Біблія - Біблія — пераклад Чарняўскага (выданне 2017 года)

⁸ Урэшце, браты, што толькі ёсць праўдзівае, што толькі сумленнае, што толькі справядлівае, што толькі чыстае, што толькі любае, што толькі добрай славы, ці якая цнота, ці што пахвальнае, – тое майце на думцы.

ПІЛІПЯНАЎ 4:8 Крыжаваныя спасылкі

БЫЦЦЁ 18:19

бо Я выбраў яго на тое, каб ён наказаў сынам сваім і дому свайму пасьля сябе, хадзіць шляхам Гасподнім, чынячы праўду і суд; і спраўдзіць Гасподзь над Абрагамам, што сказаў пра яго.

2 ЦАРСТВАЎ 1:23

Саўл і Ёнатан, любасныя і згодныя ў жыцьці сваім, не разлучыліся і ў сьмерці сваёй; імклівейшыя за арлоў, дужэйшыя за львоў яны былі.

2 ЦАРСТВАЎ 23:3

Сказаў Бог Ізраілеў, гаварыў пра мяне скала Ізраілевая: валадарны над людзьмі будзе праведны, валадарачы ў страху Божым.

ПСАЛТЫР 82:2

Божа! Не перамоўчы, не маўчы, і не заставайся спакойны, Божа!

ВЫСЛОЎІ 11:1

Няправільныя вагі - агідныя Госпаду, а правільныя вагі ўпадабаньне Яму.

ВЫСЛОЎІ 12:4

Дабрачынная жонка - вянок мужу свайму; а ганебная - як гнілізна ў касьцях у яго.

ВЫСЛОЎІ 16:11

Правільныя вагі і вагавыя шалі - ад Госпада; ад Яго ж усе гіры ў торбе.

ВЫСЛОЎІ 20:7

Праведнік ходзіць у сваёй беспахібнасьці: шчасныя дзеці ягоныя пасьля яго!

ВЫСЛОЎІ 31:10

Хто знойдзе дабрадзейную жонку? цана яе вышэй за жэмчуг.

ВЫСЛОЎІ 31:29

«шмат было жонак дабрадзейных; але ты пераўзышла іх усіх».

ВЫСЛОЎІ 31:31

Дайце ёй ад плёну рук яе, і хай праславяць яе каля брамы ўчынкі яе!

ПЕСЬНЯ 5:16

Вусны ў яго - гэта слодыч, і ўвесь ён - уцеха! Вось хто мой мілы, вось хто мой сябар, Ерусалімскія дочкі!

ІСАІ 26:7

Дарога ў праведніка простая; Ты раўняеш сьцежку праведніку.

МАЦЬВЕЯ 22:16

І пасылаюць да Яго вучняў сваіх зь ірадыянамі, кажучы: Настаўнік! мы ведаем, што Ты справядлівы, і шляху Божаму праўдзіва вучыш, і не стараешся дагадзіць каму-небудзь, бо не глядзіш на абліччы;

МАРКА 6:20

Бо Ірад баяўся Яна, ведаючы, што ён муж праведны і сьвяты і пільнаваў яго; многае рабіў, слухаючыся яго, і з прыемнасьцю слухаў яго.

ЛУКАША 16:15

Ён сказаў ім: вы аказваеце сябе праведнікамі перад людзьмі, але Бог ведае сэрцы вашыя: бо, што высока ў людзей, тое брыдота перад Богам.

ЛУКАША 2:25

Тады быў у Ерусаліме чалавек, імем Сымон. Ён быў муж праведны і пабожны, чакаў суцяшэньня Ізраілевага; і Дух Сьвяты быў на ім.

ЛУКАША 23:50

Тады нехта, на імя Язэп, сябра рады, чалавек добры і праўдзівы,

ЯНА 7:18

хто гаворыць сам ад сябе, шукае славы сабе; а Хто шукае славы Таму, Хто паслаў Яго, Той сапраўдны, і няма няпраўды ў Ім.

ДЗЕІ 10:22

А яны сказалі: Карнілій сотнік, чалавек дабрачынны і богабаязны, шанаваны ўсім народам Юдэйскім, атрымаў ад сьвятога анёла наказ паклікаць цябе ў дом свой і паслухаць словаў тваіх.

ДЗЕІ 22:12

Нехта Ананія, муж пабожны паводле закона, пахвалёны ўсімі Юдэямі, што жывуць у Дамаску,

ДЗЕІ 6:3

Дык вось, браты, выберыце спаміж сябе сем мужоў абазнаных, напоўненых Сьвятым Духам і мудрасьцю; іх паставім на гэтую службу;

РЫМЛЯНАЎ 13:13

Як удзень, будзем паводзіць сябе прыстойна: ні ў аб'ядзеньні і п'янстве, ні ў распусьце і блудзе, ні ў свары і зайздрасьці;

РЫМЛЯНАЎ 13:3

Бо начальнікі страшныя не для добрых дзеяў, а для ліхіх. Ці хочаш не баяцца ўлады? Рабі дабро, і дастанеш пахвалы ад яе;

РЫМЛЯНАЎ 14:18

Хто гэтым служыць Хрысту, той богаспадобны і варты ўхвалы людзкое.

РЫМЛЯНАЎ 2:29

а той Юдэй, хто ўнутрана такі, і тое абразаньне, якое ў сэрцы паводле Духа, а не паводле літары: яму і пахвала не ад людзей, а ад Бога.

1 КАРЫНФЯНАЎ 4:5

Таму ня судзеце ніяк дачасна, пакуль ня прыйдзе Гасподзь, Які і асьветліць схаванае ў змроку і выявіць сардэчныя намеры, і тады кожнаму будзе пахвала ад Бога.

2 КАРЫНФЯНАЎ 13:7

Молім Бога, каб вы не рабілі ніякага ліха, не на тое, каб нам здацца, чым павінны быць; а каб вы рабілі дабро, хоць бы мы здаваліся і ня тым, чым павінны быць.

2 КАРЫНФЯНАЎ 6:8

у славе і няславе, пры ганьбе і хвале: нас лічаць ашуканцамі, але мы верныя;

2 КАРЫНФЯНАЎ 8:18

Зь ім паслалі мы таксама брата, якога ва ўсіх цэрквах многа хваляць за зьвеставаньне,

2 КАРЫНФЯНАЎ 8:21

бо мы дбаем за дабро ня толькі перад Госпадам, але і перад людзьмі.

ГАЛЯТАЎ 5:22

А плод Духа: любоў, радасьць, згода, доўгая цярплівасьць, добрасьць, міласэрнасьць, вера,

ЭФЭСЯНАЎ 4:25

Таму, адкінуўшы ману, гаварэце праўду кожны блізкаму свайму, бо мы чэлесы адзін аднаму.

ЭФЭСЯНАЎ 5:9

бо плод Духа - ва ўсякай даброці, праведнасьці і ісьціне.

ЭФЭСЯНАЎ 6:14

Так што станьце, апаясаўшы сьцёгны вашыя праўдаю, і апрануўшыся ў браню праведнасьці,

ДРУГІ ЗАКОН 16:20

праўды, праўды шукай, каб ты быў жывы і авалодаў зямлёю, якую Гасподзь, Бог твой, дае табе.

ПІЛІПЯНАЎ 3:1

У астатнім, браты мае, радуйцеся ў Госпадзе. Пісаць вам пра гэта самае мне ня цяжка, а вам карысна.

КАЛАСЯНАЎ 4:5

З чужымі абыходзьцеся разумна, карыстаючыся часам.

1 ФЕСАЛОНІКІЙЦАЎ 4:12

каб вы паводзіліся прыстойна перад чужымі і ні ў чым патрэбы ня мелі.

1 ЦІМАФЕЯ 2:2

за цароў і за ўсіх уладцаў, каб нам весьці жыцьцё ціхае і маўклівае ў богабаязнай пабожнасьці і чысьціні;

1 ЦІМАФЕЯ 3:11

Гэтак сама і жонкі іхнія павінны быць сумленныя, не паклёпніцы, цьвярозыя, верныя ва ўсім.

1 ЦІМАФЕЯ 3:4

павінен добра кіраваць домам сваім, дзяцей трымаць у паслушэнстве з усёй сумленнасьцю;

1 ЦІМАФЕЯ 4:12

Ніхто хай не пагарджае маладосьцю тваёю; але будзь узорам веруючым у слове, у жыцьці, у любові, у духу, у веры, у чысьціні.

1 ЦІМАФЕЯ 5:10

вядомая добрымі ўчынкамі, калі яна выгадавала дзяцей, прымала гасьцінна дарожнікаў, умывала ногі сьвятым, пасабляла гаротнікам і была старанная ў кожнай добрай справе.

1 ЦІМАФЕЯ 5:2

старых жанчын, як маці; маладых, як сёстраў, з поўнаю чысьцінёю.

ЦІТА 1:8

а гасьцінны да вандроўнікаў, дабралюбны, цнатлівы, справядлівы, пабожны, устрымлівы,

ЦІТА 2:14

Які аддаў Сябе за нас, каб выбавіць нас з усякай беззаконнасьці і ачысьціць Сабе народ адмысловы, шчыра адданы добрым учынкам.

ЦІТА 2:2

каб старцы былі пільныя, спаважныя, цнатлівыя, здаровыя ў веры, у любові, у цярплівасьці;

ЦІТА 2:7

Ва ўсім паказвай у сабе ўзор добрых учынкаў, у настаўніцтве чысьціню, разважлівасьць, непарушнасьць,

ЦІТА 3:14

Хай і нашыя вучацца практыкавацца ў добрых учынках, у задавольваньні неабходных патрэбаў, каб ня былі бясплодныя.

ГАБРЭЯЎ 11:2

У ёй засьведчаны продкі.

ГАБРЭЯЎ 13:18

Малецеся за нас; бо мы ўпэўненыя, што маем добрае сумленьне, бо ва ўсім хочам паводзіцца сумленна.

ЯКАВА 1:27

Чыстая і беспахібная пабожнасьць перад Богам і Айцом ёсьць тое, каб дагледзець сірот і ўдоваў у іхніх скрухах і захоўваць сябе неапаганенага сьветам.

ЯКАВА 3:17

А мудрасьць, якая прыходзіць згары, найперш - чыстая, потым - згодлівая, лагодная, пакорлівая, поўная мілажальнасьці і добрых пладоў, неадступная, і некрывадушная.

1 ПЯТРА 1:22

Паслушэнствам ісьціне праз Духа ачысьціўшы душы вашыя да некрывадушнага браталюбства, няспынна любеце адно аднаго ад чыстага сэрца,

1 ПЯТРА 2:12

і жыць дабрадзейна сярод язычнікаў, каб яны за тое, за што клянуць вас, як ліхадзеяў, пабачыўшы добрыя дзеі вашыя, уславілі Бога ў дзень адведзінаў.

1 ПЯТРА 4:8

А найболей за ўсё майце шчырую любоў адно да аднаго, бо любоў пакрывае мноства грахоў;

2 ПЯТРА 3:1

Гэта ўжо другое пасланьне пішу вам, любасныя; у ім напамінам буджу вашую чыстую думку,

1 ЯНА 3:18

Дзеці мае! будзем любіць ня словам альбо языком, а ўчынкамі і праўдаю.

1 ЯНА 3:3

І кожны, хто мае гэтую надзею на Яго, ачышчае сябе, бо Ён чысты.

1 ЯНА 4:1

Любасныя! ня кожнаму духу верце, а выпрабоўвайце духаў, ці ад Бога яны, бо многа ілжэпрарокаў зьявілася ў сьвеце.

РУТ 3:11

дык вось, дачка мая, ня бойся, я зраблю табе ўсё, што ты сказала; бо каля ўсіх брамаў народу майго ведаюць, што ты жанчына дабрадзейная;