МАРКА 12:14 - Біблія (пераклад В. Сёмухі)

¹⁴ А яны, прыйшоўшы, кажуць Яму: Настаўнік! мы ведаем, што Ты справядлівы і не стараешся дагадзіць каму-небудзь, бо не глядзіш ні на якія абліччы, а шчыра шляху Божаму вучыш; ці дазваляецца даваць падатак кесару, ці не? ці даваць нам, ці не даваць?

Біблія (пераклад А.Бокуна)

¹⁴ Яны, прыйшоўшы, гавораць Яму: «Настаўнік, мы ведаем, што Ты праўдзівы і не дагаджаеш нікому, бо не глядзіш на абліччы людзей, але шляху Божаму паводле праўды навучаеш. Ці належыцца даваць даніну цэзару, ці не? Даваць ці не даваць?»

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁴ Вось, яны, падышоўшы, спыталіся ў Яго: «Настаўнік, мы ведаем, што Ты справядлівы і нікому не патураеш, і не глядзіш на аблічча людзей, але дарозе Божай па праўдзе навучаеш. Ці належыць плаціць падатак цэзару, ці не? Даваць ці не даваць?»

МАРКА 12:14 Крыжаваныя спасылкі

2 ЛЕТАПІСАЎ 18:13

І сказаў Міхей: жывы Гасподзь, - што скажа мне Бог мой, тое вымаўлю.

2 ЛЕТАПІСАЎ 19:7

Дык вось, хай будзе страх Гасподні на вас: дзейце абачліва, бо няма ў Госпада Бога нашага няпраўды, ні ўвагі на асобы, ні хабарніцтва.

НЭЭМІІ 9:37

І ўтворы свае яна багата прыносіць царам, якім Ты ўпакорыў нас за грахі нашыя. І целамі нашымі і быдлам нашым яны валодаюць, як самі хочуць, і мы ў вялікім уціску.

ПСАЛТЫР 120:2

Дапамога мая ад Госпада, Які стварыў неба й зямлю.

ЕРАМІІ 42:20

бо вы зграшылі супроць саміх сябе: вы паслалі мяне да Госпада Бога нашага, сказаўшы: «памаліся за нас Госпаду Богу нашаму, і ўсё, што скажа Гасподзь Бог наш, абвясьці нам, - і мы зробім»,

МІХЕЯ 3:8

А я напоўнены сілаю Духа Гасподняга, праўды і цьвёрдасьці, каб выказаць Якаву злачынства яго і Ізраілю - грэх ягоны.

МАЦЬВЕЯ 22:16

І пасылаюць да Яго вучняў сваіх зь ірадыянамі, кажучы: Настаўнік! мы ведаем, што Ты справядлівы, і шляху Божаму праўдзіва вучыш, і не стараешся дагадзіць каму-небудзь, бо не глядзіш на абліччы;

МАЦЬВЕЯ 22:17

дык вось скажы нам: як Табе здаецца? ці дазваляецца даваць падатак кесару, ці не?

МАРКА 12:13

І пасылаюць да Яго некаторых фарысэяў і ірадыян, каб падлавіць Яго на слове.

МАРКА 12:15

Але Ён, ведаючы іхнюю крывадушнасьць, сказаў ім: што спакушаеце Мяне? прынясеце Мне дынар, каб Мне бачыць яго.

МАРКА 14:45

І прыйшоўшы, адразу падышоў да Яго і кажа: Равьві, Равьві! І пацалаваў Яго.

ЛУКАША 20:22

ці дазваляецца нам даваць падатак кесару, ці не?

ЛУКАША 23:2

І пачалі вінаваціць Яго, кажучы: мы знайшлі, што Ён разбэшчвае народ наш і забараняе даваць падатак кесару, называючы Сябе Хрыстом Царом.

ЯНА 7:18

хто гаворыць сам ад сябе, шукае славы сабе; а Хто шукае славы Таму, Хто паслаў Яго, Той сапраўдны, і няма няпраўды ў Ім.

РЫМЛЯНАЎ 13:6

На тое вы і падаткі плаціце; бо яны Божыя слугі, за гэтым пільна дасочваюць.

2 КАРЫНФЯНАЎ 2:17

Мы не прадаём слова Божага, як многія, а прапаведуем шчыра, як ад Бога, перад Богам, у Хрысьце.

2 КАРЫНФЯНАЎ 2:2

бо калі я засмучаю вас, дык хто ж парадуе мяне, як ня той, хто засмучаны мною?

2 КАРЫНФЯНАЎ 4:1

Вось чаму, маючы зь міласьці Божай такое служэньне, мы не маркоцімся;

2 КАРЫНФЯНАЎ 5:11

І вось, ведаючы страх Гасподні, мы настаўляем на розум людзей, а Богу мы адкрытыя; спадзяюся, што адкрытыя і вашым сумленьням.

2 КАРЫНФЯНАЎ 5:16

Таму ад сёньня мы нікога ня ведаем па плоці; калі ж і ведалі Хрыста па плоці, дык сёньня ўжо ня ведаем.

ГАЛЯТАЎ 1:10

Ці ў людзей я цяпер шукаю ўпадабаньня, ці ў Бога? ці людзям дагаджаць стараюся? Калі б я і дагэтуль дагаджаў людзям, дык ня быў бы рабом Хрыстовым.

ГАЛЯТАЎ 2:6

І ў знакамітых праз што-небудзь, якія б яны ні былі калі-небудзь, для мяне няма нічога асаблівага: Бог не зважае на аблічча чалавека. І знакамітыя не дадалі мне больш анічога;

ДРУГІ ЗАКОН 16:19

не перакручвай закона, не зважай на асобы і не бяры дарункаў, бо дарункі сьлепяць вочы мудрым і пераварочваюць справу тых, чыя праўда;

1 ФЕСАЛОНІКІЙЦАЎ 2:4

а, як Бог выпрабоўваў нас, даверыўшы нам зьвеставаньне, так мы і гаворым, дагаджаючы ня людзям, а Богу, Які выпрабоўвае сэрцы нашыя.