МІХЕЯ 6:8 - Біблія (пераклад В. Сёмухі)

⁸ О, чалавеча! сказана табе, што - дабро, і чаго патрабуе ад цябе Гасподзь: дзейнічаць справядліва, любіць справы міласэрнасьці і пакорнамудра хадзіць перад Богам тваім.

Біблія (пераклад А.Бокуна)

⁸ Паведамлена табе, чалавеча, што добрае, і што ГОСПАД шукае ў цябе: каб ты чыніў суд [справядлівы], і любіў міласэрнасьць, і хадзіў пакорліва з Богам тваім.

Кнігі Святога Пісання - Біблія - Біблія — пераклад Чарняўскага (выданне 2017 года)

⁸ Сказана было табе, чалавеча, што добрае і што патрабуе ад цябе Госпад: каб ты чыніў справядлівасць, і любіў міласэрнасць, і з пакораю хадзіў з Богам сваім.

МІХЕЯ 6:8 Крыжаваныя спасылкі

ВЫСЛОЎІ 21:3

Справядлівасьць і праўду чыніць - больш даспадобы Госпаду, чым ахвяра.

КАЛАСЯНАЎ 3:12

Дык апранецеся, як выбранцы Божыя, сьвятыя і ўлюбёнцы, у міласэрнасьць, даброць, мудрую пакору, лагоднасьць, доўгую цярплівасьць,

ЕРАМІІ 22:3

Так кажа Гасподзь: чынеце суд і праўду і ратуйце скрыўджанага ад рук уціскальніка, ня крыўдзеце і ня ўціскайце прыхадня, сіраты і ўдавы, і нявіннай крыві не пралівайце на месцы гэтым.

АСІІ 6:6

Бо Я міласьці хачу, а не ахвяры, і Богаведаньня болей, чым усеспаленьняў.

1 ЦАРСТВАЎ 15:22

І адказаў Самуіл: няўжо цэласпаленьні і ахвяры гэтаксама прыемныя Госпаду, як паслушэнства голасу Госпада? паслушэнства лепшае за ахвяры і паслухмянасьць лепшая за тлушч авечы;

ІСАІ 66:2

Бо ўсё гэта зрабіла рука Мая, і ўсё гэта было, кажа Гасподзь. А вось, на каго Я пагляджу: на ўпакоранага і зламанага духам і на таго, хто трымціць перад словам Маім.

1 ПЯТРА 3:8

Нарэшце, будзьце ўсе аднамысныя, спагадлівыя, браталюбныя, міласэрныя, шкадоблівыя, пакорнамудрыя;

ЛУКАША 6:36

Дык вось, будзьце міласэрныя, як і Айцец ваш міласэрны.

ЛУКАША 11:42

Але гора вам, фарысэям, што даяце дзесяціну зь мяты, руты і ўсякай гародніны, і ня дбаеце пра суд і любасьць Божую: гэта трэба было рабіць, і таго не пакідаць.

АМОСА 5:24

Хай як вада цячэ суд, і праўда - як моцны паток!

МАЦЬВЕЯ 5:7

Дабрашчасныя міласэрныя, бо яны памілаваны будуць.

ЭФЭСЯНАЎ 4:32

але будзьце адно да аднаго добрыя, спагадлівыя, даруйце адно аднаму, як і Бог у Хрысьце дараваў вам.

БЫЦЦЁ 18:19

бо Я выбраў яго на тое, каб ён наказаў сынам сваім і дому свайму пасьля сябе, хадзіць шляхам Гасподнім, чынячы праўду і суд; і спраўдзіць Гасподзь над Абрагамам, што сказаў пра яго.

ЭКЛЕЗІЯСТА 12:13

Выслухаем сутнасьць усяго: бойся Бога і запаведзяў Ягоных трымайся, бо чалавеку ў гэтым - усё.

АСІІ 12:6

Зьвярніся і ты да Бога твайго: назірай міласьць і суд і спадзявайся на Бога твайго заўсёды.

ІСАІ 57:15

Бо так кажа Высокі і Ўзьнесены, вечна Жывы, - Сьвяты імя Яго: Я жыву на вышыні нябёсаў і ў сьвяцілішчы, і гэтак сама з уціснутымі і ўпакоранымі духам, каб ажыўляць дух упакораных і ажыўляць сэрцы ўціснутых.

МАЦЬВЕЯ 5:3

Дабрашчасныя ўбогія духам, бо іх ёсьць Царства Нябеснае.

САФОНА 2:3

Знайдзеце Госпада, усе пакорліўцы зямлі, выканаўцы законаў Яго; знайдзеце праўду, знайдзеце пакорлівую мудрасьць; можа стацца, вы схаваецеся ў дзень гневу Гасподняга.

НЭЭМІІ 9:13

І сышоў Ты на гару Сінай і гаварыў зь імі зь неба, і даў ім суды справядлівыя, законы правільныя; пастановы і запаведзі добрыя.

ПСАЛТЫР 112:4

Высокі над усімі народамі Гасподзь; над нябёсамі слава Ягоная.

ПЛАЧ 3:26

Добра таму, хто цярпліва чакае ратунку ад Госпада.

ПСАЛТЫР 112:9

няплодную ўсяляе ў дом мацераю, што радуецца за дзяцей? Алілуя!

2 ЛЕТАПІСАЎ 34:27

таму што зьмягчылася сэрца тваё, і ты ўпакорыўся прад Богам, пачуўшы словы Ягоныя пра месца гэтае і пра жыхароў яго, - і ты ўпакорыўся прад Мною, і падраў вопратку на сабе, і плакаў прад Мною, дык і Я пачуў цябе, кажа Гасподзь.

ЯКАВА 2:20

Але ці хочаш ведаць, марны чалавеча, што вера бязь дзеяў мёртвая?

РЫМЛЯНАЎ 7:16

А калі раблю тое, чаго не хачу, дык згаджаюся з законам, што ён добры,

2 ЛЕТАПІСАЎ 32:26

Але калі ўпакорыўся Эзэкія ў ганарыстасьці сэрца свайго, - сам і жыхары Ерусаліма, дык ня прыйшоў на іх гнеў Гасподні ў дні Эзэкіі.

1 ЦАРСТВАЎ 12:23

і я таксама не дапушчу сабе грэху прад Госпадам, каб перастаць маліцца за вас, і буду настаўляць вас на шлях добры і просты;

РЫМЛЯНАЎ 9:20

А ты хто, чалавеча, што спрачаешся з Богам? Ці скажа творыва творцу: навошта ты мяне так зрабіў?

ЛУКАША 10:42

а адно толькі трэба, Марыя ж выбрала добрую долю, якая не адымецца ў яе.

ЕЗЭКІІЛЯ 16:63

дзеля таго, каб ты памятала і саромелася, і каб наперад нельга было табе і рота разьзявіць ад сораму, калі Я дарую табе ўсё, што ты рабіла, кажа Гасподзь Бог.

2 ЛЕТАПІСАЎ 33:23

І не ўпакорыўся прад абліччам Гасподнім, як упакорыўся Манасія, бацька ягоны; наадварот, Амон памножыў свае грахі.

2 ФЕСАЛОНІКІЙЦАЎ 2:16

А Сам Гасподзь наш Ісус Хрыстос і Бог і Айцец наш, Які палюбіў нас і даў уцеху вечную і надзею добрую ў мілаце,

БЫЦЦЁ 5:22

І хадзіў Энох прад Богам, пасьля нараджэньня Мафусала, трыста гадоў і спарадзіў сыноў і дачок.

ЛЯВІТ 26:41

за што і Я ішоў супроць іх і ўвёў іх у зямлю ворагаў іхніх; тады ўпакорыцца неабрэзанае сэрца іхняе, і тады пацерпяць яны за беззаконьні свае.

2 ЛЕТАПІСАЎ 33:19

І малітва ягоная, і тое, што Бог схіліўся да яго, і ўсе грахі ягоныя і беззаконьні ягоныя, і месцы, на якіх ён пабудаваў вышыні і паставіў выявы Астарты і балванаў, да таго як упакорыўся, апісаны ў запісах Хазая.

1 КАРЫНФЯНАЎ 7:16

Адкуль ты ведаеш, жонка, ці ня выратуеш мужа? Альбо ты, муж, адкуль ведаеш, ці ня выратуеш жонкі?

2 ЛЕТАПІСАЎ 30:11

Аднак некаторыя з племя Асіравага, Манасіінага і Завулонавага зьмірыліся і прыйшлі ў Ерусалім.

ЛУКАША 12:14

А Ён сказаў чалавеку таму: хто паставіў Мяне судзіць альбо дзяліць вас?

ДРУГІ ЗАКОН 30:15

Вось, я сёньня прапанаваў табе жыцьцё і дабро, сьмерць і зло.

ІСАІ 56:1

Так кажа Гасподзь: захоўвайце суд і кіруйцеся праўдаю; бо блізка збавеньне Маё і адкрыцьцё праўды Маёй.

ЕЗЭКІІЛЯ 33:14

А калі скажу пахібніку: «ты сьмерцю памрэш», і ён адвернецца ад грахоў сваіх і будзе чыніць справядлівасьць і праўду,

МІХЕЯ 6:9

Голас Госпада кліча да горада, і мудрасьць нямее перад імем Тваім: слухайце жазло і Таго, хто паставіў яго.

ЗАХАРЫІ 7:9

так казаў тады Гасподзь Саваоф: чынеце суд справядлівы і рабеце міласьць і спагаду кожны брату свайму;

ДРУГІ ЗАКОН 27:10

дык вось, слухайся голасу Госпада, Бога твайго, і выконвай запаведзі Ягоныя і пастановы Ягоныя, якія наказваю табе сёньня.

ІСУСА 24:14

Дык вось, бойцеся Бога і служэце Яму ў чысьціні і шчырасьці; адкіньце багоў, якім служылі бацькі вашыя за ракою ў Егіпце, а служэце Госпаду.

ПСАЛТЫР 101:1

Малітва спрагненага, калі ён смуткуе і вылівае прад Госпадам скруху сваю.

ЕРАМІІ 9:23

Так кажа Гасподзь, хай не хваліцца мудры мудрасьцю сваёю, хай ня хваліцца дужы сілаю сваёю, хай ня хваліцца багаты багацьцем сваім.

ЕРАМІІ 22:16

Ён разьбіраў справу беднага і ўбогага, і таму яму добра было. Ці ня гэта азначае ведаць Мяне? кажа Гасподзь.