ЕРАМІІ 46:17 - Біблія (пераклад В. Сёмухі)

¹⁷ А там крычаць: «фараон; цар Егіпта сумеўся; ён прапусьціў умоўлены час».

Біблія (пераклад А.Бокуна)

¹⁷ Назавіце фараона, валадара Эгіпецкага, “Гармідар”, ён прапусьціў час адпаведны.

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁷ Назавіце імя фараона, цара Егіпецкага: Гармідар, які прапусціў час адпаведны.

ЕРАМІІ 46:17 Крыжаваныя спасылкі

3 ЦАРСТВАЎ 20:10

І прыслаў да яго Вэнадад сказаць: хай тое і тое зробяць мне багі і яшчэ больш зробяць, калі пылу Самарыйскага хопіць па прыгаршчах усім людзям, якія ідуць за мною.

3 ЦАРСТВАЎ 20:11

І адказваў цар Ізраільскі і сказаў: скажэце: хай ня хваліцца той, хто апяразваецца, як той, хто расьпяразваецца.

3 ЦАРСТВАЎ 20:18

Ён сказаў: калі па мір пайшлі яны, дык схапеце іх жывых, і калі на вайну выйшлі, таксама схапеце іх жывых.

ВЫХАД 15:10

Ты дыхнуў духам Тваім, і накрыла іх мора: яны апусьціліся, як волава, у вялікіх водах.

ВЫХАД 15:9

Вораг сказаў: паганю, даганю, падзялю здабычу; насыціцца імі душа мая, агалю меч мой, зьнішчыць іх рука мая.

ЭКЛЕЗІЯСТА 3:1

Усё мае сваю пару, і гадзіна кожнае дзеі - пад небам.

ІСАІ 31:3

Егіпцяне - людзі, а ня Бог; і коні ў іх - плоць, а ня дух. І працягне руку Сваю Гасподзь, і спатыкнецца абаронца, і ўпадзе той, каго бароняць, і ўсе разам загінуць.

ЕЗЭКІІЛЯ 29:3

Маўляй і скажы: «так кажа Гасподзь Бог: вось, Я на цябе, фараоне, цару Егіпецкі, вялікі кракадзіл, які, лежачы сярод сваіх рэк, кажаш: «мая рака, і я стварыў яе сабе».

ЕЗЭКІІЛЯ 31:18

Дык вось, зь якім дрэвам Эдэмскім раўняўся ты ў славе і велічы? Але цяпер нароўні з дрэвамі Эдэмскімі ты будзеш зьведзены ў апраметную, будзеш ляжаць сярод неабрэзаных, з пабітымі мечам. Гэта фараон і ўсё мноства народу яго, кажа Гасподзь Бог.