ЕРАМІІ 32:38 - Біблія (пераклад В. Сёмухі)

³⁸ Яны будуць Маім народам, а Я буду ім Богам.

Біблія (пераклад А.Бокуна)

³⁸ І будуць яны для Мяне народам, а Я буду для іх Богам.

Кнігі Святога Пісання - Біблія - Біблія — пераклад Чарняўскага (выданне 2017 года)

³⁸ І будуць яны Мне народам, а Я буду ім Богам.

ЕРАМІІ 32:38 Крыжаваныя спасылкі

БЫЦЦЁ 17:7

і пастанаўлю запавет Мой паміж Мною і наступнікамі тваімі пасьля цябе ў роды іхнія, запавет вечны ў тым, што Я буду Богам тваім і нашчадкаў тваіх пасьля цябе;

2 ЦАРСТВАЎ 7:24

І Ты замацаваў за Сабою народ Твой Ізраіля, як уласны народ, навечна, і Ты, Госпадзе, зрабіўся ягоным Богам.

ПСАЛТЫР 144:15

Вочы ўсіх спадзяюцца на Цябе, і Ты даеш ім ежу сваім часам;

ІСАІ 65:23

Ня будуць працаваць марна і нараджаць дзяцей на гора; бо будуць насеньнем, дабраславёным ад Госпада, і нашчадкі іхнія зь імі.

ЕРАМІІ 24:7

і дам ім сэрца, каб ведалі Мяне, што Я - Гасподзь, і яны будуць Маім народам, а Я буду іхнім Богам; бо яны абернуцца да Мяне ўсім сэрцам сваім.

ЕРАМІІ 30:22

І вы будзеце Маім народам, і Я буду вам Богам.

ЕРАМІІ 31:1

У той час, кажа Гасподзь, Я буду Богам усім плямёнам Ізраілевым, а яны будуць Маім народам.

ЕРАМІІ 31:33

А той запавет, які Я заключу з домам Ізраілевым пасьля тых дзён, кажа Гасподзь: укладу закон Мой у іхнюю нутрыну і на сэрцах іх напішу яго, і буду ім Богам, а яны будуць Маім народам.

ЕЗЭКІІЛЯ 16:60

Але Я прыгадаю спрымірэнства Маё з табою ў дні маладосьці тваёй, і аднаўлю з табою вечнае спрымірэнства.

ЕЗЭКІІЛЯ 36:28

І будзеце жыць на зямлі, якую Я даў бацькам вашым, і будзеце Маім народам, і Я буду вашым Богам.

ЕЗЭКІІЛЯ 37:27

І будзе ў іх жытло Маё, і буду іхнім Богам, а яны будуць Маім народам.

ЕЗЭКІІЛЯ 39:22

І будзе ведаць дом Ізраілеў, што Я - Гасподзь Бог іхні, ад сёньня і далей.

ЕЗЭКІІЛЯ 39:28

І ўведаюць, што Я - Гасподзь Бог іхні, калі, расьсеяўшы іх сярод народаў, зноў зьбяру іх у зямлю іхнюю і не пакіну ўжо там ніводнага зь іх.

ЗАХАРЫІ 13:9

І ўвяду гэтую трэцюю частку ў агонь, і растаплю іх, як топяць срэбра, і ачышчу іх, як ачышчаюць золата: яны будуць заклікаць імя Маё, і Я пачую іх і скажу: гэта Мой народ, і яны скажуць: Гасподзь - Бог мой!

ДРУГІ ЗАКОН 14:23

і еж прад Госпадам, Богам тваім, на тым месцы, якое выбера Ён, каб быць імю Ягонаму там; прынось дзесяціну хлеба твайго і алею твайго, каб ты навучыўся баяцца Госпада, Бога твайго, ва ўсе дні.

ГАБРЭЯЎ 11:16

але яны імкнуліся да лепшага, гэта значыцца, да нябеснага; таму і Бог не саромеецца іх, называючы Сябе іхнім Богам: бо Ён падрыхтаваў ім горад.

ГАБРЭЯЎ 8:10

Вось запавет, які даю ў спадчыну дому Ізраілеваму пасьля тых дзён, кажа Гасподзь: пакладу законы Мае ў думкі іхнія, і напішу іх на сэрцы іхнім, і буду ім Богам, а яны будуць Маім народам.

АДКРЫЦЦЁ 21:7

Пераможца спадкуе ўсё, і буду яму Богам, і ён будзе Мне сынам;