ЕРАМІІ 10:15 - Біблія (пераклад В. Сёмухі)

¹⁵ Гэта - поўная пустата, справа аблудная; у час наведваньня іх яны зьнікнуць.

Біблія (пераклад А.Бокуна)

¹⁵ Яны — марнота, праца, вартая сьмеху, у час наведваньня іхняга яны загінуць.

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁵ Яны — марнасць, праца, смеху вартая; у час наведання свайго яны загінуць.

ЕРАМІІ 10:15 Крыжаваныя спасылкі

ЕРАМІІ 14:22

Ці ёсьць сярод марных божышчаў язычніцкіх такія, што твораць дождж? альбо ці можа неба само па сабе падаваць зьліву? ці ня Ты гэта, Госпадзе Божа наш? на Цябе спадзяёмся мы; бо Ты творыш усё гэта.

ІСАІ 41:24

Але вы - нішто, і дзея вашая - нікчэмная; мярзота - той, хто выбірае вас.

ЕРАМІІ 51:18

Гэта - поўная пустата, дзея аблуды; у час наведаньня іх яны зьнікнуць.

ЗАХАРЫІ 13:2

І будзе ў той дзень, кажа Гасподзь Саваоф, Я зьнішчу імёны ідалаў з гэтай зямлі, і яны ня будуць больш упамінацца, гэтак сама і лжэпрарокаў і нячыстага духа зь зямлі выдалю.

ЁНЫ 2:8

Калі зьнемагла ўва мне душа мая, я ўспомніў пра Госпада, і малітва мая дайшла да Цябе, да храма сьвятога Твайго.

ЕРАМІІ 8:19

Вось, чую енк дачкі народа Майго з далёкай краіны: хіба няма Госпада на Сіёне? хіба няма Цара яго на ім? - Навошта яны спадзьвіглі Мяне на гнеў сваімі ідаламі, чужаземнымі, нікчэмнымі?

ЕРАМІІ 8:12

Ці саромеюцца яны, робячы мярзоты? Не, яны зусім не саромеюцца і не чырванеюць. За тое загінуць яны сярод пагіблых; у час наведваньня іх будуць пабітыя, кажа Гасподзь.

ДЗЕІ 14:15

мужы! што гэта вы робіце? і мы - падобныя на вас людзі, і зьвястуем вам, каб вы навярнуліся ад гэтых марных да Бога жывога, Які стварыў неба і зямлю і мора і ўсё, што ў іх;

ЕРАМІІ 10:11

Так кажэце ім: багі, якія не стварылі неба і зямлі, зьнікнуць зь зямлі і з-пад нябёсаў.

ЕРАМІІ 10:8

Усе да аднаго яны бязглуздыя і дурныя; пустое вучэньне - гэта дрэва.

ІСАІ 41:29

Вось, усе яны - нішто, нікчэмныя і дзеі іхнія; вецер і пустата - балваны іхнія.

1 ЦАРСТВАЎ 12:21

і не навяртайцеся на сьлед нікчэмных багоў, якія не прынясуць карысьці і ня выбавяць, бо яны - нішто.

ДРУГІ ЗАКОН 32:21

ня богам яны раздражнілі Мяне, марнасьцю сваёю Мяне засмуцілі: і Я раздражню іх не народам, народам бязглуздым іх засмучу;

ЕРАМІІ 18:15

А народ Мой пакінуў Мяне; яны кадзяць марным, спатыкнуліся на дарогах сваіх, пакінулі шляхі старадаўнія, каб хадзіць па сьцежках шляху непракладзенага,

АСІІ 9:7

Прыйшлі дні наведваньня, прыйшлі дні аддачы. Хай жа ўведае Ізраіль, што дурны прадказальнік, бяз розуму той, хто выдае сябе за натхнёнага, з прычыны мноства беззаконьняў тваіх і вялікай варожасьці!

1 ЦАРСТВАЎ 5:4

І ўсталі яны раніцай на другі дзень, і вось, Дагон ляжыць ніцма на зямлі перад каўчэгам Гасподнім; галава Дагонава і абедзьве нагі яго і абедзьве рукі ягоныя адцятыя, кожная асобна, на парозе, засталося толькі тулава Дагонава.

ПСАЛТЫР 115:9

Зарокі мае аддам Госпаду перад усім народам Ягоным,

ІСАІ 57:12

Я пакажу праўду тваю і ўчынкі твае, - і яны будуць не на карысьць табе.

ЕРАМІІ 43:12

І запалю агонь у капішчах божышчаў Егіпцянаў; і ён спаліць іх, а гэтых возьме ў палон, і апранецца ў зямлю Егіпецкую, як пастух апранаецца ў вопратку сваю, і выйдзе адтуль спакойна;

ЕРАМІІ 50:2

абвясьцеце і распаўсюдзьце сярод народаў, і падымеце сьцяг, аб'явеце, не хавайце, кажэце: Вавілон узяты, Віл пасаромлены, Мэрадах зламаны, балваны ягоныя пасаромленыя, ідалы яго разьбітыя.