ДРУГІ ЗАКОН 17:1 - Біблія (пераклад В. Сёмухі)

¹ Ня прынось у ахвяру Госпаду, Богу твайму, вала, альбо авечкі, на якой будзе загана, альбо што-небудзь благое, бо гэта агіда Госпаду, Богу твайму.

Біблія (пераклад А.Бокуна)

¹ Не складай у ахвяру ГОСПАДУ, Богу твайму, авечку і вала, якія маюць загану або нейкі недахоп, бо брыдзіцца гэтым ГОСПАД, Бог твой.

Кнігі Святога Пісання - Біблія - Біблія — пераклад Чарняўскага (выданне 2017 года)

¹ Не складай у ахвяру Госпаду, Богу твайму, авечку і вала, на якіх ёсць пляма або якая-небудзь загана, бо брыдзіцца гэтым Госпад, Бог твой.

ДРУГІ ЗАКОН 17:1 Крыжаваныя спасылкі

ДРУГІ ЗАКОН 15:21

а калі будзе на ім загана, кульгавасьць альбо слепата, альбо якая іншая пахіба, дык ня прынось яго ў ахвяру Госпаду, Богу твайму,

МАЛАХІІ 1:8

І калі прыносіце ў ахвяру сьляпое, ці ж ня блага гэта? альбо калі прыносіце кульгавае і хворае, ці ж ня блага гэта? Паднясі гэта твайму князю; ці будзе ён задаволены табою і ці ласкава прыме цябе? кажа Гасподзь Саваоф.

ДРУГІ ЗАКОН 23:18

Ня ўнось платы блудадзейкі і цаны сабакі ў дом Госпада, Бога твайго, ні пасьля якога б тое ні было абяцаньня, бо тое і другое ёсьць гідота прад Госпадам, Богам тваім.

ДРУГІ ЗАКОН 24:4

дык ня можа першы муж яе, які адпусьціў яе, зноў узяць яе сабе за жонку, пасьля таго, як яна заплямілася, бо гэта ёсьць гідота прад Госпадам, і не рабі грэху - той зямлі, якую Гасподзь, Бог твой, дае табе ў дзялянку.

1 ПЯТРА 1:19

а каштоўнай Крывёю Хрыста, як беспахібнага і чыстага Ягняці,

ГАБРЭЯЎ 9:14

дык наколькі ж болей Кроў Хрыста, Які Духам Сьвятым прынёс Сябе, бездакорнага, Богу, ачысьціць сумленьне нашае ад мёртвых дзеяў, на служэньне Богу жывому і Сапраўднаму!

ВЫСЛОЎІ 15:8

Ахвяра бязбожных - агідная Госпаду, а малітва праведных Яму даспадобы.

ВЫСЛОЎІ 11:1

Няправільныя вагі - агідныя Госпаду, а правільныя вагі ўпадабаньне Яму.

ВЫСЛОЎІ 6:16

Вось гэтыя шэсьць ненавідзіць Гасподзь, нават сем, - агіда душы Яго:

ДРУГІ ЗАКОН 25:16

бо агідны прад Госпадам, Богам тваім, кожны, хто ўчыняе крыўду.

ВЫХАД 12:5

Ягня ў вас павінна быць бяз хібы, мужчынскага полу, аднагодак; вазьмеце яго ад авечак альбо ад коз,

БЫЦЦЁ 41:19

але вось, пасьля іх выйшлі сем кароў іншых, кепскіх, вельмі благіх з выгляду і худых целам: я ня бачыў на ўсёй зямлі Егіпецкай такіх кепскіх, як яны;

ВЫСЛОЎІ 20:10

Дваякія шалі, дваякая мера, і тое і другое - агідныя Госпаду.

ЛЯВІТ 1:3

Калі ахвяра яго - цэласпаленьне з буйнога быдла, няхай прынясе яе з мужчынскага полу, без пахібы; хай прывядзе яе да дзьвярэй скініі сходу, каб здабыць яму ўпадабаньне прад Госпадам;

ЛІКІ 29:8

і прыносьце цэласпаленьне Госпаду дзеля прыемнай духмянасьці: адно цяля, аднаго барана сем ягнят-адналетак; без пахібы хай будуць яны ў вас;

ДРУГІ ЗАКОН 7:25

Балваноў - багоў іхніх папалеце агнём; не пажадай узяць сабе срэбра альбо золата, якое на іх, каб гэта ня сталася табе сеткаю, бо гэта агіда Госпаду, Богу твайму;