ДРУГІ ЗАКОН 15:9 - Біблія (пераклад В. Сёмухі)

⁹ пільнуйся, каб не зарадзілася ў сэрцы тваім ліхая думка: «набліжаецца сёмы год, год адпушчэньня», і каб ад таго вока тваё не зрабілася немілажальным да ўбогага брата твайго, і ты не адмовіў яму; бо ён залямантуе на цябе да Госпада, і будзе на табе грэх;

Біблія (пераклад А.Бокуна)

⁹ Сьцеражыся, каб не было ў сэрцы тваім слова нягоднага, кажучы: “Блізка сёмы год, год дараваньня даўгоў”, і ліхім вокам ты паглядзіш на ўбогага брата твайго, і не дасі яму [дапамогі], і ён будзе клікаць ГОСПАДА супраць цябе, і ты абцяжарышся грэхам.

Кнігі Святога Пісання - Біблія - Біблія — пераклад Чарняўскага (выданне 2017 года)

⁹ Сцеражыся, каб не падкралася да цябе нягодная думка: “Блізка сёмы год, год даравання”, каб не адводзіў ты вачэй сваіх ад убогага брата свайго, не жадаючы даць яму той пазыкі, якой ён патрабуе, каб той не прызываў Госпада супраць цябе ды каб не сталася гэта грахом.

ДРУГІ ЗАКОН 15:9 Крыжаваныя спасылкі

ДРУГІ ЗАКОН 24:15

таго ж самага дня аддай плату ягоную, каб сонца не зайшло раней таго, бо ён бедны, і чакае яе душа ягоная; каб ён не залямантаваў на цябе Госпаду, і ня было на табе грэху.

МАЦЬВЕЯ 20:15

хіба я ня маю ўлады рабіць што хачу ў сваім? ці вока тваё зайздросьлівае ад таго, што я добры?

ЯКАВА 5:9

Не наракайце, браты, адзін на аднаго, каб не асудзілі вас: вось, Судзьдзя стаіць каля дзьвярэй.

ЕРАМІІ 17:10

Я, Гасподзь, пранікаю ў сэрца і выпрабоўваю ўсярэдзіне, каб даць кожнаму паводле шляху ягонага і паводле плёну дзеяў ягоных.

ВЫХАД 22:23

калі ж ты ўцісьнеш іх, дык, калі яны залямантуюць да Мяне, Я пачую лямант іхні,

ЯКАВА 5:4

Вось плата, якую вы затрымалі ў працаўнікоў, што жалі палеткі вашыя, лямантуе, і лямант жняцоў дайшоў да вуха Госпада Саваофа.

МАЦЬВЕЯ 15:19

бо з сэрца выходзяць ліхія намыслы, забойствы, пералюбы, распуста, крадзяжы, ілжывыя сьведчаньні, зьнявагі:

ВЫСЛОЎІ 28:22

Сьпяшаецца да багацьця зайздросьлівы чалавек, і ня думае, што галеча спасьцігне яго.

ВЫСЛОЎІ 23:6

Не каштуй ежы ў чалавека зайздросьлівага, і не спакушайся ласнымі прысмакамі ягонымі,

ЁВА 34:28

так што дайшоў да Яго лямант бедных, і Ён пачуў стогны прыгнечаных.

ВЫХАД 3:7

І сказаў Гасподзь: Я ўбачыў пакуты народа Майго ў Егіпце і пачуў енк яго ад прыстаўнікаў ягоных; Я ведаю смуткі яго

1 ПЯТРА 4:9

будзьце гасьцінныя адно да аднаго без нарокаў;

ЯКАВА 4:17

Дык вось, хто ўмее рабіць дабро і ня робіць, на тым грэх.

ЯКАВА 4:5

Альбо вы думаеце, што дарэмна кажа Пісаньне: «да зайздры любіць дух, які жыве ў нас»?

ВЫСЛОЎІ 24:9

Намысел неразумнага - грэх, і блюзьнер - мярзота людзям.

ВЫСЛОЎІ 21:13

Хто затуляе вуха сваё ад ляманту беднага, той і сам будзе лямантаваць - і ня будзе пачуты.

ВЫСЛОЎІ 4:23

Больш за ўсё запаветнае захоўвай сэрца тваё; бо ў ім - крыніца жыцьця.

ПСАЛТЫР 9:12

Сьпявайце Госпаду, Які жыве на Сіёне, абвяшчайце ў народах дзеі Ягоныя,

ДРУГІ ЗАКОН 15:1

А ў канцы кожнага сёмага года рабі адпушчэньне.

ПСАЛТЫР 12:5

хай ня скажа мой вораг: «Я адолеў яго». Хай ня радуюцца супастаты мае, калі завагаюся.

ПСАЛТЫР 101:3

Не хавай аблічча Твайго ад мяне; у дзень смутку майго прыхілі да мяне вуха Тваё; у дзень, калі паклічу Цябе, адразу пачуй мяне.

ВЫХАД 22:22

Ні ўдавы, ні сіраты ня ўціскайце;

ДРУГІ ЗАКОН 31:10

І наказаў ім Майсей і сказаў: як пройдзе сем гадоў, у год адпусту, у сьвята кучак,

ВЫСЛОЎІ 14:21

Хто пагарджае блізкім сваім, той грэшыць; а мілажальны да бедных, той шчасны.

ЕРАМІІ 34:14

«у канцы сёмага года адпускайце кожны брата свайго, Габрэя, які прадаў сябе табе; хай ён працуе табе шэсьць гадоў, а потым адпусьці яго ад сябе на волю»; але бацькі вашыя не паслухаліся Мяне і не прыхілілі вуха свайго.