ДЗЕІ 20:36 - Біблія (пераклад В. Сёмухі)

³⁶ Сказаўшы гэта, ён стаў на калені свае і з усімі імі памаліўся.

Біблія (пераклад А.Бокуна)

³⁶ І, сказаўшы гэтае і ўкленчыўшы, ён маліўся з імі ўсімі.

Кнігі Святога Пісання - Біблія - Біблія — пераклад Чарняўскага (выданне 2017 года)

³⁶ Па гэтых словах упаўшы на калені свае, маліўся разам з усімі.

ДЗЕІ 20:36 Крыжаваныя спасылкі

2 ЛЕТАПІСАЎ 6:13

бо Саламон зрабіў медны амвон даўжынёю ў пяць локцяў і шырынёю ў пяць локцяў, а вышынёю ў тры локці, і паставіў яго сярод двара; і стаў на ім і схіліў калені наперадзе ўсяго сходу Ізраільцянаў, і падняў рукі свае да неба,

ДАНІІЛА 6:10

А Данііл, калі даведаўся, што падпісаны такі ўказ, пайшоў у свой дом; а вокны ў сьвяцёлцы ягонай былі адчынены супроць Ерусаліма, і ён тры разы на дзень схіляў калені і маліўся свайму Богу і славіў Яго, як ён рабіў гэта і да таго.

ЛУКАША 22:41

І Сам адышоў ад іх - як кінуць каменем, і, схіліўшы калені, маліўся,

ДЗЕІ 20:35

Ва ўсім паказаў я вам, што, працуючы, трэба падтрымліваць слабых і памятаць словы Госпада Ісуса, бо Ён Сам сказаў: «больш дабрашчасна - даваць, чым браць».

ДЗЕІ 21:5

Правёўшы гэтыя дні, мы выйшлі і пайшлі і нас праводзілі ўсе з жанчынамі і дзецьмі аж за горад; а на беразе, укленчыўшы, памаліліся.

ДЗЕІ 7:60

І, схіліўшы калені, усклікнуў моцным голасам: Госпадзе! ня лічы ім грэху гэтага! І, сказаўшы гэта, спачыў.

ДЗЕІ 9:40

Пётр выслаў усіх з пакоя і, укленчыўшы, памаліўся і, зьвярнуўшыся да цела, сказаў: Тавіта! устань. І яна расплюшчыла вочы свае і, убачыўшы Пятра, села.

ЭФЭСЯНАЎ 3:14

Дзеля гэтага схіляю калені мае прад Айцом Госпада нашага Ісуса Хрыста,

ПІЛІПЯНАЎ 4:6

Ня турбуйцеся ні пра што, а заўсёды ў малітве і прашэньні з падзякаваньнем адкрывайце свае жаданьні Богу, -