ДАНІІЛА 4:3 - Біблія (пераклад В. Сёмухі)

³ І дадзены быў мною загад прывесьці да мяне Вавілонскіх мудрацоў, каб яны разгадалі мне сутнасьць сну.

Біблія (пераклад А.Бокуна)

³ І ад мяне быў выдадзены загад прывесьці да мяне ўсіх мудрацоў Бабілонскіх, каб яны маглі патлумачыць мне значэньне сну.

Кнігі Святога Пісання - Біблія - Біблія — пераклад Чарняўскага (выданне 2017 года)

³ Ды выдаў я загад, каб прывялі да мяне ўсіх мудрацоў бабілонскіх, каб яны далі мне выясненне сну.

ДАНІІЛА 4:3 Крыжаваныя спасылкі

ДАНІІЛА 2:44

І ў дні тых царстваў Бог Нябесны паставіць царства, якое вавек ня зруйнуецца, і царства гэтае ня будзе перададзена другому народу; яно струшчыць і разбурыць усе царствы, а самое будзе стаяць вечна,

ІСАІ 25:1

Госпадзе! Ты Бог мой; услаўлю Цябе, усхвалю імя Тваё, бо Ты зьдзейсьніў дзівоснае; вызначэньні даўнія - у ісьціне, амін.

ДАНІІЛА 7:14

І Яму дадзена ўлада, слава і царства, каб усе народы, плямёны і роды служылі Яму; валадарства Ягонае - валадарства вечнае, яно ня мінецца, і царства Ягонае не разбурыцца.

АДКРЫЦЦЁ 11:15

І сёмы анёл затрубіў, і залуналі на небе гучныя галасы, якія казалі: царства сьвету зрабілася Царствам Госпада нашага і будзе валадарыць ва векі вечныя.

ГАБРЭЯЎ 1:8

А пра Сына: «трон Твой, Божа, у век веку; жазло валадараньня Твайго - жазло праўды.

1 ЦІМАФЕЯ 1:17

А Цару жыцьця нятленнаму, нябачнаму, адзінаму мудраму Богу гонар і слава на векі вякоў. Амін.

ДАНІІЛА 7:27

а царства і ўлада і веліч царская ва ўсёй паднябеснай дадзена будзе народу сьвятых Усявышняга, царства Якога - царства вечнае, і ўсе ўладары будуць служыць і слухацца Яго».

1 ПЯТРА 4:11

Калі гаворыць хто, гавары як словы Божыя; ці калі служыць хто, служы сілаю, якую дае Бог, каб ва ўсім ўслаўляўся Бог празь Ісуса Хрыста, Якому слава і ўлада навекі вечныя. Амін.

ГАБРЭЯЎ 2:4

што Бог і засьведчыў азнакамі і цудамі, і рознымі сіламі, і дарамі Духа Сьвятога па волі Ягонай?

ЕРАМІІ 10:10

А Гасподзь Бог ёсьць ісьціна; Ён ёсьць Бог жывы і Цар вечны. Ад гневу Яго дрыжыць зямля, і народы ня могуць вытрымаць абурэньне Ягонае.

ПСАЛТЫР 105:27

і зубожыць іхні род сярод народаў і расьсеяць іх па зямлі.

ДАНІІЛА 4:17

Дрэва, якое ты бачыў, якое было вялікае і моцнае, вышынёю сваёю сягала да нябёсаў і відно было на ўсю зямлю,

ІСАІ 28:29

І гэта робіцца ад Госпада Саваофа: дзівосны лёс у Яго, вялікая мудрасьць Ягоная!

ІСАІ 9:7

Памнажэньню ўладарства Яго і міру няма краю на пасадзе Давідавым і ў царстве ў Яго, каб Яму сьцьвердзіць яго і ўмацаваць яго правасудзьдзем і праўдаю ад сёньня і давеку. Рупнасьць Госпада Саваофа зробіць гэта.

ПСАЛТЫР 104:24

і вельмі размножыў Бог народ Свой, і зрабіў яго мацнейшым за ворагаў ягоных.

ПСАЛТЫР 92:5

Сьведчаньні Твае бяз сумненьня пэўныя. Дому Твайму, Госпадзе, належыць сьвятасьць на доўгія дні.

ПСАЛТЫР 77:19

і казалі супраць Бога, і сказалі: «ці можа Бог згатаваць трапезу ў пустыні?»

ПСАЛТЫР 72:18

Так! на коўзкіх шляхах паставіў Ты іх, і скідаеш іх у прорвішчы.

ПСАЛТЫР 66:7

Зямля дала плод свой: хай дабраславіць нас Бог, Бог наш.

ЁВА 25:2

улада і страх у Яго; Ён творыць сьвет на вышынях Сваіх!

ДРУГІ ЗАКОН 4:34

ці спрабаваў які бог пайсьці - узяць сабе народ спасярод іншага народу карамі, азнакамі й цудамі і вайною, і рукою моцнаю і мышцаю высокаю і вялікімі жахамі, як зрабіў вам Гасподзь, Бог ваш, у Егіпце перад вачыма тваімі?

РЫМЛЯНАЎ 11:33

О, бездань багацьця і мудрасьці і веданьня Божага! якія неспасьцігальныя суды Ягоныя і недасьледныя шляхі Ягоныя!

ДАНІІЛА 2:2

І загадаў цар паклікаць мудрацоў і варажбітоў, і чарадзеяў і Халдэяў, каб яны разгадалі цару ягоныя сьненьні. Яны прыйшлі і сталі перад царом.