ГАБРЭЯЎ 3:6 - Біблія (пераклад В. Сёмухі)

⁶ А Хрыстос - як Сын у доме Ягоным; а дом Ягоны - мы, калі толькі адвагу і спадзяваньне, якімі хвалімся, цьвёрда захаваем да канца.

Біблія (пераклад А.Бокуна)

⁶ а Хрыстос — як Сын у доме Ягоным, дом Якога — мы, калі толькі адвагу і пахвалу надзеі цьвёрда да канца трымаць будзем.

Кнігі Святога Пісання - Біблія - Біблія — пераклад Чарняўскага (выданне 2017 года)

⁶ Хрыстос жа – як Сын у доме Сваім. Дом жа Яго – мы, калі захаваем цвёрдую веру і ўслаўленне надзеі аж да канца.

ГАБРЭЯЎ 3:6 Крыжаваныя спасылкі

2 КАРЫНФЯНАЎ 6:16

Якая агульнасьць храма Божага зь ідаламі? Бо вы храм Бога Жывога, як сказаў Бог: «усялюся ў іх і буду хадзіць у іх; і буду іхнім Богам, і яны будуць Маім народам».

1 КАРЫНФЯНАЎ 3:16

Хіба ня ведаеце, што вы храм Божы, і Дух Божы жыве ў вас?

1 ПЯТРА 2:5

і самі, як жывыя камяні, будуйце зь сябе дом духоўны, сьвятарства сьвятое, каб прыносіць духоўныя ахвяры, любасныя Богу празь Ісуса Хрыста.

ГАБРЭЯЎ 10:35

Дык не пакідайце спадзяваньня вашага, якое мае атрымаць вялікую аддзяку.

ГАБРЭЯЎ 6:11

А жадаем, каб кожны з вас, дзеля поўнай пэўнасьці ў надзеі, выяўляў такую самую руплівасьць да канца;

1 КАРЫНФЯНАЎ 6:19

Ці ня ведаеце, што целы вашыя - храм Сьвятога Духа, Які ў вас жыве, Якога маеце вы ад Бога, і вы не належыце сабе?

ГАБРЭЯЎ 10:23

будзем трымацца вызнаньня надзеі непахісна, бо верны Той, Хто абяцаў;

ГАБРЭЯЎ 4:11

Дык вось, пастараймася ўвайсьці ў спачын той, каб хто на той самы прыклад не падупаў непакорлівасьці.

ГАБРЭЯЎ 3:14

Бо мы зрабіліся супольнікамі Хрысту, калі толькі пачатае жыцьцё цьвёрда ўтрымаем да канца,

АДКРЫЦЦЁ 3:11

Вось, я прыйду неўзабаве; трымай, што маеш, каб хто не ўхапіў вянка твайго.

ГАБРЭЯЎ 4:14

І вось, маючы Першасьвятара вялікага, Які прайшоў нябёсы, Ісуса Сына Божага, будзем цьвёрда трымацца веравызнаньня нашага.

ГАБРЭЯЎ 1:2

у апошнія дні гэтыя гаварыў нам праз Сына, Якога паставіў спадкаемцам усяго, празь Якога і вякі стварыў.

1 ЦІМАФЕЯ 3:15

каб, калі запазьнюся, ты ведаў, як трэба паводзіцца ў доме Божым, які ёсьць Царква Бога жывога, стоўп і аснова ісьціны.

КАЛАСЯНАЎ 1:23

калі толькі вы цьвёрдыя і непахісныя ў веры і не адпадаеце ад надзеі зьвеставаньня, якое вы чулі, якое абвешчана ўсім стварэньням паднябесным, якому я, Павал, зрабіўся слугою.

МАЦЬВЕЯ 10:22

і будзеце зьненавіджаныя ўсімі за імя Маё; а хто вытрывае да канца, уратаваны будзе.

1 ФЕСАЛОНІКІЙЦАЎ 5:16

Заўсёды радуйцеся.

РЫМЛЯНАЎ 15:13

А Бог надзеі хай напоўніць вас усякай радасьцю і мірам у веры, каб вы, сілаю Духа Сьвятога, узбагаціліся надзеяю.

МАЦЬВЕЯ 24:13

а хто выцерпіць да канца, уратуецца.

АДКРЫЦЦЁ 2:25

толькі тое, што маеце, трымайце, пакуль прыйду.

АДКРЫЦЦЁ 2:18

І анёлу Фіятырскай царквы напішы: «Так кажа Сын Божы, у Якога вочы - як полымя вогненнае, і ногі падобныя да халкалівану:

2 ФЕСАЛОНІКІЙЦАЎ 2:16

А Сам Гасподзь наш Ісус Хрыстос і Бог і Айцец наш, Які палюбіў нас і даў уцеху вечную і надзею добрую ў мілаце,

РЫМЛЯНАЎ 5:2

празь Якога вераю і атрымалі мы доступ да той мілаты, у якой стаім і хвалімся надзеяю на славу Божую.

ПСАЛТЫР 2:12

Ушануйце Сына, каб Ён не загневаўся, і каб не загінуць вам у дарозе вашай, бо гнеў Ягоны загарыцца неўзабаве. Шчасныя ўсе, хто на Яго спадзяецца.

1 ПЯТРА 1:8

Якога, ня бачыўшы, любіце, і Якога, дагэтуль ня бачачы, але веруючы ў Яго, прымаеце з радасьцю нявымоўнаю і слаўнаю,

ГАЛЯТАЎ 6:9

Робячы дабро, ня струджваймася: бо ў свой час пажнём, калі не аслабнем.

РЫМЛЯНАЎ 11:22

Дык вось бачыш даброць і строгасьць Божую: строгасьць да адпалых, а даброць да цябе, калі жыцьмеш у даброці Божай, інакш і ты будзеш адцяты.

МАЦЬВЕЯ 16:18

і Я кажу табе: ты Пётр, і на камені гэтым Я збудую Царкву Маю, і брамы пякельныя не адолеюць яе.

РЫМЛЯНАЎ 12:12

суцяшайцеся надзеяю, у смутку будзьце цярплівыя, у малітве трывалыя;

ГАЛЯТАЎ 6:10

Дык вось, пакуль ёсьць час, будзем рабіць дабро ўсім, а найбольш сваім аднаверцам.

ЭФЭСЯНАЎ 3:12

у Якім мы маем адвагу і надзейны доступ празь веру ў Яго.

ГАБРЭЯЎ 4:16

Таму прыступайма з адвагаю да трона мілаты, каб атрымаць міласьць і здабыць мілату на своечасовую дапамогу.

ГАБРЭЯЎ 6:18

каб у двух непарушных рэчах, у якіх немагчыма Богу зманіць, моцную ўцеху мелі мы, пастанавіўшы прыняць прызначаную надзею,

ГАБРЭЯЎ 7:19

бо закон нічога не давёў да дасканаласьці; але ўводзіцца лепшая надзея, празь якую мы набліжаемся да Бога.

ГАБРЭЯЎ 10:19

І вось, браты, маючы адвагу ўваходзіць у сьвяцілішча праз Кроў Ісуса Хрыста, шляхам новым і жывым,

ГАБРЭЯЎ 10:21

і маючы вялікага Сьвятара над домам Божым,

ГАБРЭЯЎ 11:1

А вера ёсьць зьдзяйсьненьне чаканага і ўпэўненасьць у нябачным.

1 ПЯТРА 4:17

Бо пара пачынацца суду з дома Божага; а калі найперш з нас пачнецца, дык які канец тым, хто не скараецца Дабравесьцю Божаму?

АДКРЫЦЦЁ 2:26

Хто перамагае і захоўвае дзеі Мае да канца, таму дам уладу над язычнікамі,

ЕЗЭКІІЛЯ 46:10

І князь павінен быць сярод іх; калі яны ўваходзяць, уваходзіць і ён; і калі яны выходзяць, выходзіць і ён.