ГАБРЭЯЎ 10:34 - Біблія (пераклад В. Сёмухі)

³⁴ бо вы і маім кайданам спагадалі, і рабунак маёмасьці вашай прымалі з радасьцю, ведаючы, што ёсьць у вас на нябёсах маёмасьць лепшая і непрамінушчая.

Біблія (пераклад А.Бокуна)

³⁴ Бо вы і маім путам спачувалі, і рабунак маёмасьці вашае з радасьцю прыймалі, ведаючы, што маеце для сябе ў небе маёмасьць лепшую, якая застанецца.

Кнігі Святога Пісання - Біблія - Біблія — пераклад Чарняўскага (выданне 2017 года)

³⁴ Бо спачувалі кайданам маім, і з радасцю прынялі вы рабунак вашай маёмасці, ведаючы, што маеце [ў небе] багацце лепшае, трывалае.

ГАБРЭЯЎ 10:34 Крыжаваныя спасылкі

1 ПЯТРА 1:4

да спадчыны нятленнай, чыстай, неўвядальнай, захаванай на нябёсах вам,

2 ЦІМАФЕЯ 1:16

Няхай дасьць Гасподзь міласьць дому Анісіфора за тое, што ён колькі разоў прымаў мяне і не саромеўся кайданоў маіх,

ЯКАВА 1:2

Зь вялікай радасьцю прымайце, браты мае, калі ўпадаеце ў розныя выпрабаваньні,

ГАБРЭЯЎ 13:3

Памятайце вязьняў, як бы і вы зь імі былі ў кайданах, і пакутнікаў, бо і самі вы ў целе.

ЭФЭСЯНАЎ 6:20

дзеля якога я пасольствую ў кайданах, каб я сьмела прапаведаваў, як я і павінен.

ЛУКАША 12:33

Прадавайце маёнткі вашыя і давайце міласьціну. Рыхтуйце сабе ўмясьцілішчы нелядашчыя, скарб нявычэрпны на нябёсах, куды злодзей не набліжаецца, і дзе моль не зьядае:

1 ЯНА 3:2

Любасныя! мы цяпер дзеці Божыя; але яшчэ ня выявілася, чым будзем. Ведаем толькі, што, калі выявіцца, будзем падобныя да Яго, бо ўгледзім Яго, як Ён ёсьць.

ГАБРЭЯЎ 11:16

але яны імкнуліся да лепшага, гэта значыцца, да нябеснага; таму і Бог не саромеецца іх, называючы Сябе іхнім Богам: бо Ён падрыхтаваў ім горад.

1 ЦІМАФЕЯ 6:19

зьбіраючы сабе скарб, добрую аснову на час наступны, каб дасягнуць вечнага жыцьця.

КАЛАСЯНАЎ 1:5

маючы надзею на ўгатаванае вам на нябёсах, пра што вы раней чулі ў праўдзівым слове зьвеставаньня,

ПІЛІПЯНАЎ 1:7

як і трэба мне думаць пра ўсіх вас, бо я маю вас у сэрцы ў кайданах маіх, і ў абароне і ў сьцьверджаньні зьвеставаньня, вас усіх, як супольнікаў маіх у мілаце.

ЭФЭСЯНАЎ 4:1

Дык вось я, вязень у Госпадзе, малю вас хадзіць годна званьня, у якое вы закліканы,

ЭФЭСЯНАЎ 3:1

Вось дзеля гэтага я, Павал, стаўся вязьнем Ісуса Хрыста за вас, язычнікаў.

ДЗЕІ 21:33

тады тысячнік, падышоўшы, узяў яго і загадаў закаваць яго двума ланцугамі, і пытаўся: хто ён і што зрабіў?

ДЗЕІ 5:41

А яны пайшлі з сынедрыёна, радыя, што за імя Госпада Ісуса мелі гонар прыняць зьнявагу;

ЛУКАША 10:42

а адно толькі трэба, Марыя ж выбрала добрую долю, якая не адымецца ў яе.

МАЦЬВЕЯ 19:21

Сказаў яму Ісус: калі хочаш дасканалым быць, ідзі, прадай маёмасьць тваю і раздай убогім; і мець будзеш скарб на нябёсах; і прыходзь, і ідзі сьледам за Мною.

2 ЦІМАФЕЯ 2:9

за якое я пакутую аж да кайданаў, як злодзей; але на слова Божае няма кайданаў.

2 КАРЫНФЯНАЎ 5:1

Бо ведаем, што, калі зямны наш дом, гэтая хаціна, зруйнуецца, мы маем ад Бога жытлішча на нябёсах, дом нерукатворны, вечны.

ДЗЕІ 28:20

з гэтай прычыны я і склікаў вас, каб пабачыцца і пагутарыць з вамі, бо за надзею Ізраілеву абложаны я гэтымі кайданамі.

2 ЦІМАФЕЯ 4:8

а цяпер рыхтуецца мне вянок праўды, які дасьць мне Гасподзь, справядлівы Судзьдзя, у дзень той; і ня толькі мне, але і ўсім, што палюбілі прышэсьце Яго.

ЛУКАША 9:25

бо што карысьці чалавеку здабыць увесь сьвет, а сябе самога загубіць, альбо пашкодзіць сабе?

ГАБРЭЯЎ 9:15

І таму Ён ёсьць Заступнік Новага Запавета, каб у выніку сьмерці Ягонай, якая была дзеля адкупленьня ад злачынстваў, зробленых у першым запавеце, пакліканыя да вечнай спадчыны атрымалі абяцаньне.

ГАБРЭЯЎ 13:14

бо ня маем тут сталага горада, а шукаем будучага.

ЭКЛЕЗІЯСТА 3:6

пара шукаць, і пара губляць; пара ашчаджаць, і пара выкідаць;