ВЫХАД 14:25 - Біблія (пераклад В. Сёмухі)

²⁵ і зьнярухоміў колы ў калясьніцах іхніх, так што яны валаклі іх зь цяжкасьцю. І сказалі Егіпцяне: пабяжым ад Ізраільцянаў, бо Гасподзь змагаецца за іх супроць Егіпцянаў.

Біблія (пераклад А.Бокуна)

²⁵ I затрымаў колы калясьніцаў іхніх, і яны цягнулі іх з цяжкасьцю. I сказаў Эгіпет: «Уцякайма ад аблічча Ізраіля, бо ГОСПАД змагаецца за іх супраць Эгіпту!»

Кнігі Святога Пісання - Біблія - Біблія — пераклад Чарняўскага (выданне 2017 года)

²⁵ і затрымаў Ён колы калясніц, так што з цяжкасцю рухаліся яны. І казалі егіпцяне: «Уцячэм ад Ізраэля! Бо Госпад змагаецца за іх супраць нас».

ВЫХАД 14:25 Крыжаваныя спасылкі

2 ЛЕТАПІСАЎ 20:29

І быў страх Божы на ўсіх царствах зямных, калі яны пачулі, што Сам Гасподзь ваяваў супроць ворагаў Ізраіля.

НЭЭМІІ 4:14

І агледзеў я, і стаў, і сказаў знакамітым і начальнікам і іншаму люду: ня бойцеся іх; памятайце Госпада вялікага і страшнага і змагайцеся за братоў сваіх, за сыноў сваіх і за дочак сваіх, за жанок сваіх і за дамы свае.

НЭЭМІІ 6:16

Калі пачулі пра гэта ўсе няпрыяцелі нашыя, і ўбачылі гэта ўсе народы, якія вакол нас, тады яны вельмі ўпалі ў вачах сваіх і спазналі, што гэта дзея зроблена Богам нашым.

НЭЭМІІ 9:11

Ты расьсек перад імі мора, і яны сярод мора прайшлі па сухім, а тых, што гналіся за імі, укінуў у глыбіні, як камень у вялікія воды.

ЁВА 11:20

І вочы беззаконьнікаў растануць, і прыстанішча прападзе ў іх, і надзея іхняя шчэзьне.

ЁВА 20:24

Як уцячэ ён ад зброі жалезнай, - пратне яго лук медны;

ЁВА 27:22

Памкнецца на яго і не пашкадуе, як бы ён ні высільваўся, каб уцячы ад рукі ягонай.

ПСАЛТЫР 35:1

Кіроўцу хору. Раба Гасподняга Давіда.

ПСАЛТЫР 46:9

Бог зацараваў над народамі, Бог сеў на сьвятым троне Сваім;

ПСАЛТЫР 68:12

І замест вопраткі я на сябе нацягнуў валасяніцу - і раблюся ім прытчаю;

ПСАЛТЫР 76:6

Разважаю пра даўнія дні, пра гады пракаветныя;

ВЫХАД 14:14

Гасподзь будзе змагацца за вас, і вы будзьце спакойныя.

ВЫХАД 14:18

І спазнаюць Егіпцяне, што Я Гасподзь, калі пакажу славу Маю на фараоне, на калясьніцах ягоных і на вераўцах ягоных.

ВЫХАД 14:4

А Я напоўню чэрствасьцю сэрца фараону, і ён пагоніцца за імі, і пакажу славу Маю на фараоне і на ўсім войску ягоным; і ўведаюць Егіпцяне, што Я Гасподзь. І зрабілі так.

ВЫХАД 15:3

Гасподзь муж бітвы, Ягова імя Яму.

ІСАІ 31:4

Бо так сказаў мне Гасподзь: як леў, як ільвяня, што скавычуць над лупам сваім, хай бы хоць шмат пастухоў крычалі на яго, ад крыку іхняга не здрыганецца і мноству іх не саступіць, - так Гасподзь Саваоф сыдзе змагацца на гару Сіён і на пагорак яго.

ЕРАМІІ 51:21

табою пабіваў каня і вершніка яго і табою пабіваў калясьніцу і калясьнічага яе;

АМОСА 1:14

І запалю агонь у сьценах Равы, - і зжарэ харомы яе сярод крыку ў дзень бітвы, зь віхураю ў дзень буры.

АМОСА 5:19

тое самае, як калі б хто ўцёк ад ільва - і трапіўся б яму насустрач мядзьведзь, альбо калі б прыйшоў дахаты і абаперся рукою аб сьцяну - і зьмяя ўкусіла б яго.

АМОСА 9:1

Бачыў я Госпада, Які стаяў над ахвярнікам, і Ён сказаў: стукні ў бэльку над варотамі, каб патрэсьліся вушакі, і абярні іх на галовы ўсіх іх, а астатніх зь іх Я паб'ю мечам: не ўцячэ ў іх ніхто, хто бяжыць, і не ўратуецца зь іх ніхто, хто жадае ўратавацца.

ДРУГІ ЗАКОН 1:30

Гасподзь, Бог ваш, ідзе перад вамі; Ён будзе біцца за вас, як Ён зрабіў з вамі ў Егіпце, перад вачыма вашымі,

ДРУГІ ЗАКОН 3:22

ня бойцеся іх, бо Гасподзь, Бог ваш, Сам змагаецца за вас.

ДРУГІ ЗАКОН 32:31

бо скала іхняя не такая, як нашая Скала; самі ворагі нашыя судзьдзі ў тым.

ІСУСА 10:14

І ня было такога дня ні раней, ні пасьля таго, у які Гасподзь слухаў бы голас чалавечы. Бо Гасподзь змагаўся за Ізраіля.

СУДЗЬДЗЯЎ 4:15

Тады Гасподзь прывёў у замяшаньне Сісару і ўсе калясьніцы ягоныя і ўсё рушэньне яго ад меча Варакавага, і сышоў Сісара з калясьніцы, і пабег пеша.