ВЫХАД 10:21 - Біблія (пераклад В. Сёмухі)

²¹ І сказаў Гасподзь Майсею: працягні руку тваю да неба, і будзе цемра на зямлі Егіпецкай, адчувальная цемра.

Біблія (пераклад А.Бокуна)

²¹ I сказаў ГОСПАД Майсею: «Выцягні руку тваю да неба, і станецца цемра на зямлі Эгіпецкай, і будзе адчувацца цемра».

Кнігі Святога Пісання - Біблія - Біблія — пераклад Чарняўскага (выданне 2017 года)

²¹ Тады сказаў Госпад Майсею: «Выцягні руку сваю ў неба, і станецца цемра на зямлі Егіпецкай, такая густая, што можна будзе дакрануцца да цемры».

ВЫХАД 10:21 Крыжаваныя спасылкі

ЁВА 5:14

удзень яны сустракаюць цемру і аполудні ходзяць вобмацкам, як поначы.

ПСАЛТЫР 105:28

Яны прыляпіліся да Ваалфэгора, і елі ахвяры бяздушным,

ПСАЛТЫР 35:6

Госпадзе! ласка Твая да нябёсаў, праўда Твая пад хмары!

ВЫХАД 7:19

І сказаў Гасподзь Майсею: скажы Аарону: вазьмі посах твой і працягні руку тваю на воды Егіпцянаў: на рэкі іхнія, на патокі іхнія, на азёры іхнія і на ўсякае зьмясьцілішча водаў іхніх, - і ператворацца ў кроў, і будзе кроў па ўсёй зямлі Егіпецкай і ў драўляным і ў каменным посудзе.

ВЫХАД 9:22

І сказаў Гасподзь Майсею: працягні руку тваю да неба, і ўпадзе град на ўсю зямлю Егіпецкую, на людзей, на быдла і на ўсю траву польную ў зямлі Егіпецкай.

ВЫСЛОЎІ 4:19

А шлях бязбожных - як цемра; яны ня ведаюць, на што спатыкнуцца.

ЭКЛЕЗІЯСТА 2:14

У мудрага вочы яго - у галаве яго, а бязглузды ходзіць у цемры. І даведаўся я таксама, што аднолькавая спаткае ўсіх доля.

ЭКЛЕЗІЯСТА 6:4

бо дарма ён прыйшоў і ў цемру сышоў, і імя яго ўкрылася змрокам:

ЕЗЭКІІЛЯ 32:7

І калі ты патухнеш, зачыню нябёсы і зоркі на іх зацьмлю, сонца засланю хмараю, і месяц ня будзе сьвяціцца сьвятлом сваім.

МАЦЬВЕЯ 27:45

Ад шостай жа гадзіны цемра настала па ўсёй зямлі да гадзіны дзявятай.

МАРКА 15:33

А на шостай гадзіне настала цемра па ўсёй зямлі аж да гадзіны дзявятай.

ЛУКАША 23:44

Было ж каля шостай гадзіны дня, і зрабілася цемра па ўсёй зямлі да гадзіны дзявятай:

ДРУГІ ЗАКОН 1:30

Гасподзь, Бог ваш, ідзе перад вамі; Ён будзе біцца за вас, як Ён зрабіў з вамі ў Егіпце, перад вачыма вашымі,

ДРУГІ ЗАКОН 28:29

і ты хадзіцьмеш навобмацак апалудні, як сьляпы навобмацак ходзіць поначы, і ня мецьмеш посьпеху на дарогах тваіх, і будуць уціскаць і крыўдзіць цябе штодня, і ніхто не абароніць цябе.

ДРУГІ ЗАКОН 4:34

ці спрабаваў які бог пайсьці - узяць сабе народ спасярод іншага народу карамі, азнакамі й цудамі і вайною, і рукою моцнаю і мышцаю высокаю і вялікімі жахамі, як зрабіў вам Гасподзь, Бог ваш, у Егіпце перад вачыма тваімі?

2 ПЯТРА 2:17

Гэта - бязводныя крыніцы, хмары і туманы, гнаныя бураю: ім падрыхтаваны морак вечнай цемрадзі.

2 ПЯТРА 2:4

Бо калі Бог анёлаў нашых ня літаваў, а, павязаўшы кайданамі пякельнага мораку, перадаў захаваць іх суду на пакараньне,

ЮДЫ 1:13

раз'юшаныя марскія хвалі, што з шумавіньнем выкідаюць сваю брыду, зоркі вандроўныя, якіх трымае морак цемрыва навекі.

ЮДЫ 1:6

і анёлаў, якія не захавалі сваёй годнасьці, але пакінулі сваё жытло, трымае ў вечных кайданах, пад цемрывам, на суд вялікага дня.

АДКРЫЦЦЁ 8:12

Чацьвёрты анёл затрубіў, і ўдар спасьціг траціну сонца і траціну месяца і траціну зорак, так што зацьмілася траціна іх, і траціна дня не сьвяціла больш - так, як і ночы.