ВЫСЛОЎІ 17:23 - Біблія (пераклад В. Сёмухі)

²³ Бязбожны вымае гасьцінец з-за пазухі, каб скрывіць шляхі правасудзьдзя.

Біблія (пераклад А.Бокуна)

²³ Бязбожнік бярэ хабар з-за пазухі, каб скрывіць сьцежкі правасудзьдзя.

Кнігі Святога Пісання - Біблія - Біблія — пераклад Чарняўскага (выданне 2017 года)

²³ Бязбожнік прымае падарункі з-за пазухі, каб перавярнуць сцежкі законнасці.

ВЫСЛОЎІ 17:23 Крыжаваныя спасылкі

ВЫХАД 23:8

Дарункаў ня прымай, бо дарункі сьляпымі робяць відушчых і перакручваюць словы справядлівых.

ВЫСЛОЎІ 17:8

Хабар - каштоўны камень у вачах таго, хто валодае ім; куды ні зьвернецца ён, яму шчасьціць.

ВЫСЛОЎІ 18:16

Дарунак дае чалавеку прастору і да вяльможаў давядзе яго.

ВЫСЛОЎІ 21:14

Дарунак таемны тушыць гнеў, а дарунак запазуху - моцную лютасьць.

ЭКЛЕЗІЯСТА 7:7

Уціскаючы іншых, разумны дурнее, і хабар сэрца псуе.

ІСАІ 1:23

Князі твае - законаадступнікі і пасобнікі злодзеяў; усе яны любяць дарункі і ўгоньваюцца за грашыма; не бароняць сіраты, і гора ўдавы ня абыходзіць ім.

ІСАІ 5:23

якія за хабар апраўдваюць вінаватага і праведных пазбаўляюць законнага!

ЕЗЭКІІЛЯ 22:12

Хабар бяруць у цябе, каб праліваць кроў; ты бярэш рост і ліхву і гвалтам вымагаеш карысьлівае ў блізкага твайго, а Мяне забыў, кажа Гасподзь Бог.

ЕЗЭКІІЛЯ 22:27

Князі ў яе як ваўкі, якія вырываюць здабычу; праліваюць кроў, глумяць душы, каб здабыць карысьць.

МІХЕЯ 3:11

Галовы яго судзяць за дарункі і сьвятары яго вучаць за плату і прарокі яго прадказваюць за грошы, а тым часам абапіраюцца на Госпада, кажучы: «ці не сярод вас Гасподзь? Не спасьцігне нас бяда!»

МІХЕЯ 3:9

Слухайце ж гэта, галовы дому Якаўлевага і князі дому Ізраілевага, якія грэбуюць правасудзьдзем і скрыўляюць усё простае,

МІХЕЯ 7:3

Рукі іхнія павернуты на тое, каб умець рабіць ліха; начальнік патрабуе дарункаў, і судзьдзя судзіць за хабар, а вяльможы выказваюць благія хаценьні душы сваёй і перакручваюць справу.

ДРУГІ ЗАКОН 16:19

не перакручвай закона, не зважай на асобы і не бяры дарункаў, бо дарункі сьлепяць вочы мудрым і пераварочваюць справу тых, чыя праўда;

1 ЦАРСТВАЎ 12:3

вось я; сьведчыце на мяне перад Госпадам і прад памазанцам Ягоным, у каго я ўзяў вала, у каго ўзяў асла, каго пакрыўдзіў і каго ўціснуў, у каго ўзяў дарунак і заплюшчыў у справе ягонай вочы мае, - і я вярну вам.

1 ЦАРСТВАЎ 8:3

Але сыны яго не хадзілі шляхамі ягонымі, а ўхіляліся ў карысьлівасьць і бралі дарункі і судзілі несправядліва.