ВЫСЛОЎІ 14:14 - Біблія (пераклад В. Сёмухі)

¹⁴ Чалавек з разбэшчаным сэрцам насыціцца ад дарог сваіх, і добры - ад сваіх.

Біблія (пераклад А.Бокуна)

¹⁴ Падступны сэрцам насыціцца шляхамі сваімі, а добры чалавек — сваімі.

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁴ Шляхамі сваімі будзе задаволены бязглузды, а чалавек добры будзе вышэй за іх.

ВЫСЛОЎІ 14:14 Крыжаваныя спасылкі

ГАЛЯТАЎ 6:8

хто сее ў плоць сваю, ад плоці пажне прахласьць; а хто сее ў Дух, ад Духа пажне жыцьцё вечнае.

ВЫСЛОЎІ 12:14

Ад плоду вуснаў сваіх чалавек насычаецца дабром, і плата чалавеку - паводле дзеяў рук ягоных.

ГАБРЭЯЎ 3:12

Глядзеце, браты, каб ня было ў кім у вас сэрца ліхога і нявернага, каб вам не адступіцца ад Бога жывога.

ЕРАМІІ 8:5

Навошта гэты народ, Ерусаліме, стаіць ва ўпартым адступніцтве? яны моцна трымаюцца падману і ня хочуць навярнуцца.

ГАЛЯТАЎ 6:4

Кожны няхай правярае сваю дзею, і тады мецьме пахвалу толькі ў сабе, а ня ў іншым,

ЯНА 4:14

а хто будзе піць ваду, якую Я дам яму, той не спрагнецца вавек; а вада, якую Я дам яму, зробіцца ў ім крыніцай вады, якая пацячэ ў жыцьцё вечнае.

ЕРАМІІ 2:19

Пакарае цябе бязбожнасьць твая, і адступніцтва тваё выкрые цябе: дык вось, спазнай і разваж, як блага і горка тое, што ты занядбаў Госпада Бога твайго, і страху Майго няма ў табе, кажа Гасподзь Бог Саваоф.

САФОНА 1:6

і тых, якія адступіліся ад Госпада, ня шукалі Госпада і ня пыталіся пра Яго.

ЕРАМІІ 17:5

Так кажа Гасподзь: пракляты чалавек, які спадзяецца на чалавека і плоць робіць сваёю апораю, і сэрца якога аддаляецца ад Госпада.

ВЫСЛОЎІ 14:10

Сэрца ведае горыч сваю, і чужынец ня дзеліць радасьці ягонай.

2 КАРЫНФЯНАЎ 1:12

Бо пахвала нашая гэтая ёсьць сьведчаньне сумленьня нашага, што мы ў чысьціні і богаспадобнай шчырасьці, ня ў плоцкай мудрасьці, а ў мілаце Божай, жылі ў сьвеце, асабліва ў вас.

АСІІ 4:16

Бо як упартае цяля, упарты стаў Ізраіль; ці будзе цяпер Гасподзь пасьвіць іх, як ягнят на шырокай пашы?!

ЕЗЭКІІЛЯ 22:31

Дык вось вылью на іх абурэньне Маё, агнём лютасьці Маёй вынішчу іх, паводзіны іхнія абярну ім на галаву, кажа Гасподзь Бог.

ВЫСЛОЎІ 9:12

Сыне мой! калі ты змудрыў, мудры для сябе; і калі ўзбуяў, дык адзін і пацерпіш.

ВЫСЛОЎІ 12:21

Ня станецца праведніку ніякага ліха, а бязбожныя будуць напоўнены злом.

ВЫСЛОЎІ 14:15

Немысель верыць кожнаму слову, а разумны зважае на крокі свае.

ВЫСЛОЎІ 18:20

Ад плоду вуснаў чалавека напаўняецца чэрава ягонае; вытворамі вуснаў сваіх ён насычаецца.