БЫЦЦЁ 45:20 - Біблія (пераклад В. Сёмухі)

²⁰ і не шкадуйце рэчаў вашых, бо дабро з усёй зямлі Егіпецкай дам вам.

Біблія (пераклад А.Бокуна)

²⁰ I вочы вашыя няхай не шкадуюць прыладаў вашых, бо даброцьці ўсёй зямлі Эгіпецкай — для вас”».

Кнігі Святога Пісання - Біблія - Біблія — пераклад Чарняўскага (выданне 2017 года)

²⁰ Не турбуйцеся з-за маёмасці вашай, бо ўсе багацці Егіпта будуць вашы”».

БЫЦЦЁ 45:20 Крыжаваныя спасылкі

БЫЦЦЁ 20:15

І сказаў Авімэлэх: вось, зямля мая перад табою; жыві, дзе табе заўгодна.

БЫЦЦЁ 45:18

і вазьмеце бацьку вашага і прыйдзеце да мяне; я дам вам дабро ў зямлі Егіпецкай, і вы будзеце есьці тлушч зямлі.

БЫЦЦЁ 45:19

Табе ж загадваю сказаць ім: зрабеце гэта; вазьмеце сабе зь зямлі Егіпецкай калясьніц дзецям вашым і жонкам вашым, і прывязеце бацьку вашага і прыйдзеце;

БЫЦЦЁ 45:21

Так і зрабілі сыны Ізраілевыя. І даў ім Язэп калясьніцы, загадам фараона, і даў ім запас на дарогу;

БЫЦЦЁ 47:6

зямля Егіпецкая перад табою; на лепшым месцы зямлі пасялі бацьку твайго і братоў тваіх; няхай жывуць яны ў зямлі Гесэм; і калі ведаеш, што сярод іх ёсьць здольныя людзі, пастаў іх даглядчыкамі майго быдла.

ЭЗДРЫ 9:12

Дык вось, дачок вашых не выдавайце за сыноў іхніх, і дачок іхніх не бярэце за сыноў вашых, і ня шукайце міру іхняга і дабра іхняга вавек, каб умацавацца вам і карміцца дабротамі зямлі той і перадаць яе ў спадчыну сынам вашым навечна.

ВЫХАД 22:7

Калі хто аддасьць блізкаму на захаваньне срэбра, альбо рэчы, і яны ўкрадзены будуць з дому ягонага, дык, калі знойдзецца злодзей, няхай ён заплаціць удвая;

ІСАІ 1:19

Калі захочаце і паслухаецеся, дык есьцімеце даброты зямлі.

ІСАІ 13:18

Лукі іхнія пратнуць юнакоў і не пашкадуюць плоду ўлоньня: вока іхняе не ўмілажаліцца зь дзяцей.

ЕЗЭКІІЛЯ 20:17

Але вока Маё пашкадавала загубіць іх; і Я ня вынішчыў іх у пустыні.

ЕЗЭКІІЛЯ 7:4

І не ўмілажаліцца зь цябе вока Маё, і не памілую, і аддам табе паводле шляхоў тваіх, і гідоты твае з табою будуць, і ўведаеце, што Я - Гасподзь.

ЕЗЭКІІЛЯ 7:9

І не ўмілажаліцца зь цябе вока Маё, і не памілую. Паводле ўчынкаў тваіх дам табе, і гідоты твае з табою будуць; і ўведаеце, што Я - Гасподзь каральнік.

ЕЗЭКІІЛЯ 9:5

А тым сказаў у слых мой: ідзеце за ім па горадзе і беце; хай не шкадуе вока ваша, і ня літуйце;

МАЦЬВЕЯ 24:17

і хто на даху, той хай ня сыходзіць узяць што-небудзь з дома свайго;

ЛУКАША 17:31

У той дзень, хто будзе на даху, а рэчы ягоныя ў доме, той ня сыходзь узяць іх; і хто будзе на полі, таксама не вяртайся назад;

ДРУГІ ЗАКОН 19:13

хай ня літуе яго вока тваё; змый зь Ізраіля кроў невінаватага і будзе табе добра.

ДРУГІ ЗАКОН 19:21

хай ня літуе вока тваё: душу за душу, вока за вока, зуб за зуб, руку за руку, нагу за нагу.

ДРУГІ ЗАКОН 7:16

і зьнішчыш усе народы, якія Гасподзь, Бог твой, дае табе: хай не пашкадуе іх вока тваё, і ня служы багам іхнім, бо гэта сетка на цябе.

ІСУСА 7:11

Ізраіль зграшыў, і пераступілі яны наказ Мой, які Я запавядаў ім; узялі з заклятага, і ўкралі, і ўтоілі і паклалі паміж сваімі рэчамі;

1 ЦАРСТВАЎ 10:22

І спыталіся яшчэ ў Госпада: ці прыйдзе ён яшчэ сюды? І сказаў Гасподзь: вось ён хаваецца ў абозе.

1 ЦАРСТВАЎ 25:13

Тады Давід сказаў людзям сваім: аперажэцеся кожны мечам сваім. І ўсе аперазаліся мечамі сваімі, аперазаўся і сам Давід сваім мечам, і пайшлі за Давідам каля чатырохсот чалавек, а дзьвесьце засталіся каля абозу.

1 ЦАРСТВАЎ 30:24

І хто паслухаецца вас у гэтай справе? Якая частка тым, што хадзілі на вайну, такая частка павінна быць і тым, што заставаліся пры абозе: на ўсіх трэба падзяліць.