АДКРЫЦЦЁ 11:18 - Біблія (пераклад В. Сёмухі)

¹⁸ І раз'юшыліся язычнікі; і прыйшоў гнеў твой і час судзіць мёртвых і даць адплату рабам Тваім, прарокам і сьвятым і тым, што баяцца імя Твайго, малым і вялікім, і пагубіць тых, што губілі зямлю.

Біблія (пераклад А.Бокуна)

¹⁸ І загневаліся пагане, і прыйшоў гнеў Твой, і час судзіць мёртвых і даць нагароду слугам Тваім прарокам і сьвятым, і тым, якія баяцца імя Твайго, малым і вялікім, і вынішчыць тых, якія нішчаць зямлю».

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁸ І ўзбурыліся народы, і прыйшоў гнеў Твой і гадзіна судзіць памерлых, і даць узнагароду слугам Тваім, прарокам і святым, і тым, што баяцца імя Твайго, малым і вялікім, і час загубы для тых, што губяць зямлю».

АДКРЫЦЦЁ 11:18 Крыжаваныя спасылкі

ПСАЛТЫР 103:11

пояць усіх зьвяроў польных; дзікія аслы спатольваюць смагу сваю.

ПСАЛТЫР 110:5

Ежу дае тым, хто баіцца Яго; вечна памятае Свой запавет.

ПСАЛТЫР 2:5

Тады Ён у гневе Сваім скажа ім, і лютасьцю Сваёй іх настрашыць;

ПСАЛТЫР 85:9

Усе народы, Табою створаныя, прыйдуць і схіляцца прад Табою, Госпадзе, і праславяць імя Тваё,

ЭКЛЕЗІЯСТА 12:13

Выслухаем сутнасьць усяго: бойся Бога і запаведзяў Ягоных трымайся, бо чалавеку ў гэтым - усё.

ЭКЛЕЗІЯСТА 8:12

Хоць сто разоў робіць грэшнік ліхое і зацінаецца ў тым, але ведаю я, што добра будзе богабаязным, якія перад абліччам Ягоным стаяць багавейна;

ДАНІІЛА 11:44

Але чуткі з усходу і поўначы ўстрывожаць яго, і ён выйдзе зь вялікаю лютасьцю, каб нішчыць і забіваць многіх,

ДАНІІЛА 7:26

Потым засядуць судзьдзі і адбяруць у яго ўладу губіць і зьнішчаць да канца,

ДАНІІЛА 8:25

і, пры яго розуме, падступнасьць будзе мець посьпех у руцэ ў яго, і сэрцам сваім ён узьнясецца і ў час міру загубіць многіх і супраць Уладара ўладароў паўстане, але будзе зламаны - ня рукою.

МАЦЬВЕЯ 5:12

Радуйцеся і весялецеся, бо ўзнагарода ваша вялікая на нябёсах: так гналі прарокаў, што былі перад вамі.

ЛУКАША 1:50

і ласка Ягоная ў роды родаў да тых, што баяцца Яго;

ГАБРЭЯЎ 9:27

І як людзям належыць адзін раз памерці, а потым суд,

АДКРЫЦЦЁ 10:7

але ў тыя дні, калі ўзьнясе голас сёмы анёл, калі ён затрубіць, спраўдзіцца тайна Божая, як Ён абвясьціў рабам Сваім прарокам.

АДКРЫЦЦЁ 11:2

а зьнешні двор храма выключы і не абмярай яго, бо ён дадзены язычнікам: яны будуць таптаць сьвяты горад сорак два месяцы.

АДКРЫЦЦЁ 13:10

хто вядзе ў палон, той сам пойдзе ў палон; хто мечам забівае, той сам будзе забіты мечам. Тут цярплівасьць і вера сьвятых.

АДКРЫЦЦЁ 13:16

І ён зробіць тое, што ўсім - малым і вялікім, багатым і ўбогім, вольнікам і рабам - пакладзена будзе кляймо на правую руку іхнюю альбо на лоб іхні,

АДКРЫЦЦЁ 14:10

той піцьме віно лютасьці Божай, віно цэльнае, прыгатаванае ў чары гневу Ягонага, і будзе мучаны ў вагні і серцы перад сьвятымі анёламі і перад Ягнём;

АДКРЫЦЦЁ 15:1

І ўбачыў я іншую азнаку на небе, вялікую і дзівосную - сем анёлаў, якія мелі сем апошніх пошасьцяў, якімі завяршаўся гнеў Божы.

АДКРЫЦЦЁ 15:7

І адна з чатырох жывых істотаў дала сямі анёлам сем залатых чараў, напоўненых гневам Бога, Які жыве ва векі вечныя.

АДКРЫЦЦЁ 18:6

Адплацеце ёй так, як яна плаціла вам, і ўдвая аддайце ёй па ўчынках яе; у чары, у якія яна налівала віно, налеце ёй удвая.

АДКРЫЦЦЁ 19:15

А з вуснаў Ягоных выходзіць востры меч, каб ім пасякаць народы. Ён пас іх жазлом жалезным; Ён топча чавільню віна лютасьці і гневу Бога Ўсеўладнага.

АДКРЫЦЦЁ 19:18

каб пажэрці трупы цароў, трупы моцных, трупы тысячнікаў, трупы коней і верхаўцоў, трупы ўсіх вольнікаў і рабоў, і малых і вялікіх.

АДКРЫЦЦЁ 19:5

І голас з трона зышоў, кажучы: хвалеце Бога нашага, усе рабы Ягоныя і хто баіцца Яго, малыя і вялікія!

АДКРЫЦЦЁ 20:12

І ўгледзеў я мёртвых, малых і вялікіх, якія стаялі перад Богам, і кнігі разгонутыя былі; і іншая кніга разгорнутая, якая ёсьць кніга жыцьця; і суджаны былі мёртвыя, згодна з напісаным у кнігах, паводле ўчынкаў сваіх.

АДКРЫЦЦЁ 20:15

І хто ня быў запісаны ў кнізе жыцьця, той быў укінуты ў возера вогненнае.

АДКРЫЦЦЁ 22:12

Вось, прыйду неўзабаве, і адпомста Мая са Мною, каб аддаць кожнаму паводле ўчынкаў ягоных.