ІСАІ 33:6 - Біблія (пераклад В. Сёмухі)

⁶ І настануць бясьпечныя часіны твае, надмернасьць ратунку, мудрасьці і веданьня; страх Гасподні будзе скарбам тваім.

Біблія (пераклад А.Бокуна)

⁶ І будзе бясьпечны час твой, багацьцем збаўленьня [будзе] мудрасьць і веданьне. Страх ГОСПАДАЎ будзе скарбам ягоным.

Кнігі Святога Пісання - Біблія - Біблія — пераклад Чарняўскага (выданне 2017 года)

⁶ І будзе трываласць у тваіх часах; багацце збаўлення — мудрасць і веды. Страх Божы ёсць найбольшы скарб Яго.

ІСАІ 33:6 Крыжаваныя спасылкі

4 ЦАРСТВАЎ 18:7

І быў Гасподзь зь ім: усюды, куды ён ні хадзіў, рабіў ён добра і разумна. І аддзяліўся ён ад цара Асірыйскага і перастаў служыць яму.

ЁВА 4:6

Богабаязнасьць твая ці ж не павінна быць тваёю надзеяй, і беспахібнасьць шляхоў тваіх - спадзяваньнем тваім?

ПСАЛТЫР 140:7

Быццам зямлю расьсякаюць і трушчаць нас; сыплюцца косткі нашыя ў шчэлепы апраметнай.

ПСАЛТЫР 28:8

Голас Гасподні трасе пустыню; трасе Гасподзь пустыню Кадэс.

ПСАЛТЫР 45:4

Хай шумяць, уздымаюцца воды іх, трасуцца горы ад хваляваньня іх.

ВЫСЛОЎІ 14:24

Вянок мудрых - багацьце іхняе, а дурасьць невукаў дурасьць і ёсьць.

ВЫСЛОЎІ 14:26

У страху перад Госпадам - надзея цьвёрдая, і сынам сваім Ён прыстанішча.

ВЫСЛОЎІ 14:27

Страх Гасподні - крыніца жыцьця, што аддаляе ад сетак сьмерці.

ВЫСЛОЎІ 15:16

Лепей мець мала ў страху Гасподнім, чым вялікі скарб, і зь ім трывогу.

ВЫСЛОЎІ 19:23

Страх Гасподні вядзе да жыцьця, і хто мае яго, заўсёды будзе задаволены, і ліха не спасьцігне яго.

ВЫСЛОЎІ 2:5

тады ўразумееш страх Гасподні і знойдзеш спазнаньне Бога.

ВЫСЛОЎІ 28:2

Калі краіна адступіцца ад закона, тады многа ў ёй начальнікаў; а пры разумным і ўсяведным мужы яна даўгавечная.

ВЫСЛОЎІ 29:4

Цар правасудзьдзем мацуе зямлю, а аматар хабару руйнуе яе.

ЭКЛЕЗІЯСТА 7:12

бо пад шатамі мудрасьці, як пад шатамі срэбра; а перавага пазнаньня ў тым, што мудрасьць жыцьцё зьберагае таму, хто яе мае.

ЭКЛЕЗІЯСТА 7:19

Мудрасьць робіць мудрага мацнейшым за дзесяць уладароў, якія ў горадзе.

ІСАІ 11:9

І ня будуць рабіць ліха і шкоды на ўсёй сьвятой гары Маёй, бо зямля будзе напоўнена спазнаньнем Госпада, як воды напаўняюць мора.

ІСАІ 26:1

Таго дня пасьпяваная будзе песьня гэтая ў зямлі Юдавай: горад моцны ў нас; ратунак даў ён замест мура і вала.

ІСАІ 32:17

І чынам ісьціны будзе мір, і плодам правасудзьдзя - спакайната і бясьпека вечная.

ІСАІ 32:18

Тады народ мой жыцьме ў селішчы міру і ў селішчах бясьпечных і ў пакоях дабрашчасных.

ІСАІ 33:20

Зірні на Сіён, горад сьвяточных сходаў нашых; вочы твае ўбачаць Ерусалім, селішча мірнае, непахісную скінію; слупы яе ніколі ня вырвуцца, і ніводная вяроўка яе не парвецца.

ІСАІ 45:17

А Ізраіль будзе выратаваны ратункам вечным у Госпадзе; вы ня будзеце паганьбаваныя вавекі вякоў.

ІСАІ 51:14

Хутка вызвалены будзе палонны, і не памрэ ў яміне, і ня мецьме патрэбы ў хлебе.

ІСАІ 51:6

Узьвядзеце вочы вашыя да нябёсаў, і паглядзеце на зямлю ўніз: бо нябёсы зьнікнуць, як дым, і зямля зьлядашчыцца, як вопратка, і жыхары яе таксама вымруць; а Маё выратаваньне будзе вечнае, і праўда Мая ня спыніцца.

ЕРАМІІ 31:34

І ўжо ня будуць вучыць адзін аднаго, брат - брата і казаць: «спазнайце Госпада», бо ўсе самі будуць ведаць Мяне, ад малога да старога, кажа Гасподзь, бо Я дарую беззаконьні іхнія і грахоў іхніх ужо не спамяну болей.

АБАКУМА 2:14

Бо зямля напоўніцца спазнаньнем славы Госпада, як воды напаўняюць мора.

МАЦЬВЕЯ 6:33

Шукайце ж найперш Царства Божага і праведнасьці Ягонай, і гэта ўсё дадасца вам.

2 КАРЫНФЯНАЎ 6:10

нас засмучаюць, а мы заўсёды радуемся; мы гаротнікі, але многіх багацім; мы нічога ня маем, але ўсім валодаем.

1 ЦІМАФЕЯ 4:8

бо цялеснае практыкаваньне мала карысьці дае, а пабожнасьць на ўсё прыдатная, бо мае заруку жыцьця цяперашняга і будучага.

1 ЦІМАФЕЯ 6:6

Вялікі набытак - быць пабожным і задаволеным.