ІСАІ 10:14 - Біблія (пераклад В. Сёмухі)

¹⁴ і рука мая захапіла багацьце народаў, як гнёзды; і як забіраюць пакінутыя ў іх яйкі, так забраў я ўсю зямлю, і ніхто не варухнуў крылом і не разьзявіў рота і ня пікнуў.

Біблія (пераклад А.Бокуна)

¹⁴ І як тое гняздо знайшла рука мая багацьце народаў, і як зьбіраюць пакінутыя яйкі, так я забраў усю зямлю; і не было нікога, хто б трапянуў крылом, і ніхто не адчыніў дзюбы, і ня цьвіркнуў».

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁴ і схапіла рука мая, як гняздо, багацце народаў: і як збіраюць пакінутыя яйкі, так я сабраў усю зямлю; ды не было, хто б трапянуў крылом, ніхто не адчыніў дзюбы, ніхто не піскнуў».

ІСАІ 10:14 Крыжаваныя спасылкі

ЁВА 31:25

Ці радаваўся я, што багацьце маё было вялікае, і што рука мая набыла многа?

НАВУМА 2:9

Рабуйце срэбра, рабуйце золата! няма канца запасам усякага каштоўнага начыньня.

АЎДЗЕЯ 1:4

Але хоць бы ты, як арол, падняўся высока і сярод зорак зладзіў гняздо тваё, дык і адтуль Я скіну цябе, кажа Гасподзь.

ЕРАМІІ 49:16

Грозны стан твой і пыхлівасьць сэрца твайго ашукалі цябе, хто жыве ў расколінах скал і займае вяршыні пагоркаў. Але, хоць бы ты як арол высока зьвіў гняздо тваё, і адтуль скіну цябе, кажа Гасподзь.

ІСАІ 5:8

Гора вам, хто дадае дом да дома, далучае поле да поля, так што іншым не застаецца месца, нібыта вы адны паселены на зямлі.

ВЫСЛОЎІ 18:12

Перад падзеньнем узносіцца сэрца чалавека, а сьціпласьць ідзе наперадзе славы.

ІСАІ 14:6

што пабівала народы ў лютасьці ўдарамі няўхільнымі, у гневе ўладарыў над плямёнамі зь бязьлітаснымі ганеньнямі.

ЕЗЭКІІЛЯ 35:13

Вы пышыліся перада Мною языком вашым і памнажалі прамовы вашыя супроць Мяне; я чуў гэта.

2 ЛЕТАПІСАЎ 32:13

Хіба вы ня ведаеце, што зрабіў я і бацькі мае з усімі народамі земляў? Ці маглі багі народаў зямных выратаваць зямлю сваю ад рукі маёй?

ІСАІ 37:25

і адкопваў я і піў ваду; і асушу ступакамі ног маіх усе рэкі Егіпецкія».