ЁВА 7:16 - Біблія (пераклад В. Сёмухі)

¹⁶ Апрыкрала мне жыцьцё. Ня вечна мне жыць. Адступіся ад мяне, бо дні мае марныя.

Біблія (пераклад А.Бокуна)

¹⁶ Я страціў надзею, ня буду больш жыць; даруй мне, бо дні мае — марнасьць.

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁶ Я ў роспачы; жыць болей я ўжо не буду. Злітуйся нада мной, бо дні мае — нішто.

ЁВА 7:16 Крыжаваныя спасылкі

БЫЦЦЁ 27:46

І сказала Рэбэка Ісааку: я жыцьцю ня радая ад дачок Хэтэйскіх; калі Якаў возьме жонку з дачок Хэтэйскіх, як гэтыя, з дачок гэтай зямлі, дык навошта мне і жыцьцё?

3 ЦАРСТВАЎ 19:4

а сам адышоў у пустыню на дзень дарогі і прыйшоўшы сеў пад карчом ядлоўцу, і прасіў сьмерці сабе і сказаў: даволі ўжо, Госпадзе; вазьмі душу маю, бо я ня лепшы за бацькоў маіх.

ЁВА 10:1

Абрыдла душы маёй жыцьцё маё: аддамся журбоце маёй; гаварыцьму ў гароце душы маёй.

ЁВА 10:20

Ці не кароткія дні мае? Пакінь, адступіся ад мяне, каб я крыху падбадзёрыўся,

ЁВА 14:6

дык ухіліся ад яго: няхай ён адпачне, пакуль не закончыць, як найміт, дня свайго.

ЁВА 6:9

О, калі б узычыў Бог зламаць мяне, працягнуў руку і пабіў мяне!

ЁВА 7:15

і душа мая жадае лепей, каб спынілася дыханьне, лепей сьмерці, чым, каб зьберагліся косьці мае.

ЁВА 7:7

Згадай, што жыцьцё маё павеў, што вока маё ня вернецца бачыць добрае.

ЁВА 9:21

Невінаваты я; не хачу ведаць душы маёй, пагарджаю жыцьцём маім.

ПСАЛТЫР 144:4

Род у род будзе хваліць дзеі Твае і абвяшчаць магутнасьць Тваю.

ПСАЛТЫР 39:10

Я абвяшчаў праўду Тваю на зборні вялікай; я не забараняў вуснам маім: Ты, Госпадзе, ведаеш.

ПСАЛТЫР 39:13

бо няшчасьці мяне абступілі безьлічныя; беззаконьні мае дасягнулі мяне, так што і бачыць не магу; іх болей, чым валос на маёй галаве; сэрца маё пакінула мяне.

ПСАЛТЫР 39:6

Многа зрабіў Ты, Госпадзе Божа мой. Твае цуды і думкі Твае, толькі пра нас - няма Табе роўных! - хацеў бы я прапаведаваць і гаварыць, але ім ліку няма.

ПСАЛТЫР 62:9

Душа мая да Цябе прыляпілася; правіца Твая трымае мяне.

ЭКЛЕЗІЯСТА 2:17

І зьненавідзеў жыцьцё я: бо апрыкралі мне ўсе ўчынкі, якія пад сонцам зьдзяйсьняюцца; бо ўсё - пустая марнасьць і пагоня за ветрам!

ЕРАМІІ 8:3

І лепей захочуць сьмерці ўсе астатнія, якія застануцца ад гэтага ліхога племені ва ўсіх мясьцінах, куды Я выганю іх, кажа Гасподзь Саваоф.

ЁНЫ 4:3

І сёньня, Госпадзе, вазьмі душу маю ад мяне, бо лепей мне памерці, чым жыць».

ЁНЫ 4:8

А калі ўзышло сонца, навёў Бог сьпякотны ўсходні вецер, і сонца пачало пячы галаву Ёны, так што ён зьнямог і прасіў сабе сьмерці і сказаў: «лепей мне памерці, чым жыць».